بصي .. انا بكبوظه ااه بس والله رشيقه
وذادت رشاقتي بعد الرياضه
اولا كده انا بعمل التمارين دي https://www.youtube.com/watch?v=_JGtSuIQ0UI
بس بركز علي تمارين البطن اللي فيها وهي بتبان اوي اللي هي اكتر تمارين بتحسي بطنك بتتشد فيها
ازاي تعمليها !.؟
وكانت بدايتي ازاي معاها ؟!
المدربه نفسها انا عرفاها كانت بتدرب في برنامج اسمه THE BIGGEST LOSER (الرابح الاكبر) النسخه الامريكيه
كنت بسمعه وهي كانت المدربه للفريق الاحمر تقريبا مش فاكره
المهم ان الناس خسوا جاااااااااامد وجسمهم اتشد واترسم بالعضلات دول الرجاله والستات اترسموا كأنثيات بجد ابتسامة
تجربتي مع اول يوم تمرين
كنت متحمسه مووز هع هع هع
دخلت الاوضه وجبت زجاجتين كاكولا فاضيين 2 لتر ومليتهم ميه عشان هحتجهم فالتمرين
جبت اللاب توب وشغلت التمرين
جبت طرحه ربطت بيها صدري عشان مش عوزاه يترهل اكتر مهو مترهل حزينة
سمت الله وبدات
مع اول كام حركه عرقت يابنات والله بصراحه المدربه نفسها بتقول ان دي حركات مش سهله بس نتيجتها تحفه انتي هتحسي فالتمارين بشده جسمك ابتسامة
التمرين 30 دقيقه
اي نعم خنصرت فالنص اوقات مكنتش بكمل عد معاهم بس ان شاء الله هنتظم يوم عن يوم
اخر التمرين عرقت جامد فعلا بس حسيت بالم ف رجلي ومكنتش قادره ارفعها عشان اتوضي بس الحمدلله دلوقتي احسن ابتسامة
ومش هياس وهكمل باذن الله
ملاحظات عن التمرين
التمرين هيحتاج مكان واسع
محتاجه شاشه الكمبيوتر تكون قدامك عشان تشوفي المدربه
التمرين 3 مستويات متقسمين وواضحين اوي متخفيش التقيمه واضحه
المستوي الاول -هنعمله 10 ايام
المستوي التاني – 10 ايام
المستوي التالت -10 ايام
يعني ف خلال شهر هنكون خلصنا التمرين
حاجه مهمه اوووي …
الموضوع هيبقي صعب فالاول متيأسيش وحطي حلمك قدام عينك
ملحوووووووووووظه
البنوته اللي جربت التمرين بتقول ان فكرتك يحول الدهون لعضلات
طيب ده يعني ايه ؟؟
يعني ممكن متنزليش فالميزان !! ايوووه ممكن جداا
بس شكل جسمك هيتغير تماااااااااااما ومفيش دهون وهتتحول لعضلات
هي بتقول ان بطنها شبه اتشفطت وبقا فيها عضلات عقبالتا يارب ابتسامة
اللي لحظتوا بعد تقريبا 20 يوم من الرياضه
1-بقيت نشيطه وبصحي بدري احسن من الاول كتيييييييييييييير
2 – بقيت بقعد قاعده مظبوطه قدام التليفزيون فارده ضهري مش موطيه وده عشان جسمي يتفرد وعضلات بطني متترهلش
3-مبقتش بنهج وانا طالعه السلم الحمدلله
واهم ملاحظتين
4- خسيت 2كيلو اي نعم الرقم مش مهوووووول بس انا جسمي بينزل الجرام الواحد بطلوع الروح وهوزن بكره تاني ادعولي
5- وانا ماشيه فالشارع كانت بطني الاول بتلق زي الجيلي كده وكنت بتعقد من شكلها وكنت بنحرج اوي والله وبكتئب بس الحمد لللللللللللللللله دلوقتي بقت شبه جامده كده والدهون ابتدت تتحول لعضلات (خاف ياعيد )
الحمدلله مبقتش اتكسف منها بس لسه منطقه الكتاف والصدر بنكسف منهم ان شاء الله هلاقيلهم تمرين واخسفهم
ووشي الحمدلله بدا ينوز من الرياضه وشرب الميه الكتير وبقي رطب كده ومووزبس نفسي خدودي تخس شويتين
وحجات كتيييييير اتغير ونفسيتي لما بتبقي وحشه بطلع عصبيتي فالرياضه
وكان وقت فراغي بقضيه اكلقدام التليفزيون دلوقتي رياضه ونشاط
والله يابنات جربوها ماهتندموا
علي فكره انا كنت بكره الرياضه واول مره امارس رياضه بانتظام هي الايامدي بس ان شاء الله مش هسيبها ابدا
بتمنالكوا حياه سعيده جديده ونشيطه بالرياضه
مش عاوزه منك غير دعوه حلوه زيك بالزوج الصالح
هنوده فيونكه23 هنوده فيونكه23 661945_18.gif فتكات هايلة Fatakat 661945 mansoura – egypt