السلام عليكم يابنات
الموضوع ده والله يابنات لوجه الله لانى كنت اتمنى الاقى زيه قبل مااروحله
الدكتور السيد كمال دكتور تخسيس فى العجمى والورديان واعلاناته ماليه الدنيا
كشفه 50 جنيه والمتابعه ب25
اول ماتدفعى الكشف البنت اللى شغاله هناك تاخدك اوضه الاجهزه وتعرض عليكى اسعار الاجهزه وكمان 10 دقايق مجانيه على جهاز كريزى فيت وده يمكن احسن حاجه حصلت فى الزياره الجاهز بصراحه جامد جدااااا كانك جريتى ساعتين
المهم بقى تدخلى للدكتور تلاقيه مستعجل مايسالكيش عن اى حاجه البنت اللى بره هى اللى بتوزنك هو بيديكى نظام مطبوع كده حتى مايسالكيش يناسبك ولا لا
ويرص فى ضهره لسته ادويه يقولك خديها من السكرتيره وعليها خصم
طلعت لقيت الادويه اللى كتبها ب300 ماتكفيش حتى اسبوع يعنى مثلا العلبه فيه 30 قرص تاخدى كل يوم 6 اقراص ده غير اعشاب ب50 جنيه كيس صغير للاسف اشتريته وندمانه انى جبته
ولقيت الناس اللى طالعه برضه بتدفع 400 جنيه وفيه اكتر وهما مش كتير العياده مش زحمه يعنى
انا مشيت من عنده واستعوضت ربنا فى ال100 جنيه اللى ضاعت ورحت لدكتور تانى الحمد لله ارتحتله اكتر وكتب ادويه برضه لانى عندى مشكله فى الحرق بس فى المعقول وكتبلى نظام غذائى بايده بعد ماسمع منى كتييييييييير
وان شاء الله اتابع معاه واقولكم اخبار الدايت ايه
واتمنى موضوعى يفيد حد محتاج معلومه عنه
وادعولى اخس لحسن حالتى بقت زفت خالص
DodyOmRody DodyOmRody 433735_14.gif فتكات ست الكل Fatakat 433735 الاسكندريه – مصر