السلام عليكم
ليه المدنية الحديث بتعذب الناس و النساء خاصة في موضوع الدايت
اولا : الالة حلت محل الانسان ده خلي الانسان مجهوده اقل و يحتاج لكميات بسيطة من الطعام
وفي نفس الوقت الانسان بيبقي نفسه في الاكل ولا زم يتحرم منه لأنه مش محتاج الكميات دي كلها
زمان بقي كانوا بيشربوا السمنه البلدي دي شرب ، و الاكل كله زبدة و قشطة و لبن ، لأن الفلاح كان ياكل ده كله و يطلع يشتغل في الارض ، فيحرق كل الدهون دي
ثانيا : التلاجة و الاكل فيها جاهز علي الوضع في الفم
زمان كان مفيش تلاجات و مفيش اكل جاهز في متناول اليد و الاكل بيفسد بسرعة فبيتعمل منه كميات على القد و بتتاكل في ساعتها
وده طبعا تعذيب للي بتعمل دايت و تلاقي الاكل قدام عنيها و مش تقدر تاكله
ثالثا : السوبر ماركت
السوبر ماركت و اسلوب البيع ان الواحد يختار حاجته بنفسه
زمان كنا فاكرين محلات البقالة و يقف البائع زي العسكري كدة قدام البنك عشان مفيش حد تقدر تسول له نفسه دخل المحل
و كان احلامنا و احنا صغيرين ان نعدي البنك بتااع البقال
فطبعا اكتر الناس اللي بتدخل السوبر ماركت بتشتري حاجات مش محتاجاها بس هو من تأثير النظر و تأثير تغليف العبوات كمان
زمان كان البقال بيلف حاجته في ورقة
رابعا : استبدال المشي بالسيارة و دي اللي بتعمل الكرش
خامسا : العمل المكتبي بقي اكتر من العمل الحركي
و دي كلها حاجات بتؤدي الي سوء توزيع الدهون في الجسم
طيب عشان كل الحاجات دي اللي بتبقي خارجة عن ظروف الانسان
و بتخلي الدايت عبارة عن تعذيب يومي
يا تري لو الواحدة زائدة كام كيلو تعبر سمنة غير ضارة و لا تؤثر سلبا علي اجهزة الجسم ؟
مريــم2 مريــم2 images/flowersavatars/avatar0011.jpg ممنوعة من المشاركة Fatakat 348913 القاهرة – مصر