السلام عليكم ازيك يا فتوكات
النصائح
https://forums.fatakat.com/showpost.p…&postcount=435
انا صحيت الصبح واتفاجات اني عديت ال 100 كيلووانا ماجتش 21 سنة
المهم سالت رضوى صاحبتي لقيتها بتروح لدكتور في اسكندرية اسمه اسماعيل راشد عنده عيادة في سيدي بشر الحي وشغال كل يوم
وبيشتغل في المندرة يوم الاتنين بس وطبعا بالضرب
والله يا بنات عنده ستات بيخسوا ب 12 كيلو في الشهر وميزة في كلامه انه قاللي انه لو خستي كتير لا حتلاقي هالات سوداء ولا حتلاقي ترهل ولا غمقان ولا اي مشكلة
وكلامه مريح نفسيا جدا
رحتله
وزني وبعدين وقفني على جهاز بيقيس الدهون والعظم واللية هههههه والماية وطلب تحاليل طبعا وعملتها في مستشفى مار مرقس
لان كل واحد غير التاني فيه ناس عندها سكر او انيميا ليها نظام مختلف
المهم لقاني قردة ماعنديش مشاكل
كتبلي النظام والله اول اسبوع لخبطت خااااااالص وخدت 3 ايام فري عشان كان عندي فرح وكدة وخسيت فيهم كيلو و 200 جرام لكن الاسبوع اللي بعده التزمت وخسيت 4 كيلو مع انه اكتشف ان نسبه حرق الدهون عندي ضعيفة
المهم قلت اعمل جروب وتمشوا معايا عالنظام ونشجع بعض
بصو انا الدكتور قاللي نصايح قاللي لو خسيتي حتى 60 كيلو مش حيبان على وشك ولا حتتاثري
لو عملتي حاجة
كلتي طبق سلطة كبيييييييير طماطم وخيار وبصل وفجل وجرجير وبقدونس ونعناع وشبت كسبرة كرفس خس بنجر خس موف كرنب ليمون خل تفاح جزر بروكلي قرنبيط
ولو بتسهروا بلاش لخبطة
تعملوا عصير تسلقي الجزر نص سلق وفي الخلاط مع سفندي وبرتقال وتفاحة نص سلقة وجوافة برضه يعني الموجود مع ملعقة عسل
من كل حاجة 4 ثمرات وتضربيه بماية سلق التفاح والجزر ده بيعمل لتر كامل طول ماانتي سهرانة تشربي فيه جميل وبيملى البطن اوووووووي
وليكي في اليوم 3 ملاعق سكر وملعقة عسل عشان وشك وعشان مايجيلكيش دوخة يعني لاااااااازم سكر
الفطار
2 ثمرة سفندي او برتقال او تفاح او جوافة + ربع رغيف بلدي او توست سن بتاع ريتش بيك + جبنة
بين الفطار والغداء
كوب شاي بلبن خالي الدسم مع ملعقة سكر ( ليكي 3 ملاعق سكر في اليوم اساسي)
الغداء
اساسي سلطة خضراء ( ولو يوم او 2 مافيش مكونات السلطة تاكلوا خضار سوتيه يعني بسلة وكوسة وبطاطس وجزر وفلفل وفاصوليا وبصل تحطوهم على مصفى وتحتها حلة فيها ماية تلت ساعة وتستوي )+
من 3 ل 4 لحم مسلوق اوي مشوي + 5 ملاعق رز مسلوق
او سمك مشوي باي كمية + ربع رغيف
او عدس اصفر ( معى بصلة وفص ثوم وحبة كمون وشطة وملح ) وبس + بيضة مسلوقة + قطعة جبنة قريش + ربع رغيف بلدي
العشاء
1زبادي بدون دسم + ملعقة عسل + 2 برتقال او سفندي او جوافة او تفاح + 2 خيار
يالا مين معايا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل واحدة تقول وزنها وطولها وعايزة تبقى كام وانا حقولها الوزن المثالي ليها ونشجع بعض
والتقييييييييييييييييييم يااما حدعي عليكم تتخنوا وانا دعوتي مستجابة باذن الله 😛
نظام تاني اسبوع
#178
نظام ثالت اسبوع
#288
نظام رابع اسبوع
#380
Love At 1st Sight Love At 1st Sight images/avatars/oddfellowsm.gif فتكات غالية قوي Fatakat 342815 الرياض .. جدة – L♥vely EGYPT