الســـــــــلام عليكــــــــــم
ازيكم يافتوكات ياحلووووين يارفيعين
معلش انا عارفه ان كلمت رفيعه كلمة بتضايق ناس كتير وانا كنت منهم ههههههه
كنت بتغاظ اوي لما حد يقولي انتي مش هتتخني بقى
وكل واحده بقى تقعد تقولي على وصفه عشان اتخن ومكنش في اي فايده
……انا هحكيلكم قصتي مع النحااااااااافه من البدايه…..
انا يابنات كنت رفيعه جدا جدا فوق ماتتخيلوا كنت 47 كيلو وكان طولي 160
فكانت عندي عقده فظيعه بسبب الموضوع ده بجد
وكان نفسي في اي حاجه تخليني اتخن بسرعه
بس طبعا ده كان بالنسبه ليا حلم
وكنت اياميها في الكليه
المهم فضلت السنين دي كلها في الكليه متخنتش خالص مالص
وكمان انا عملت تحاليل والحمدلله مطلعش عندي حاجه
……….هقولكم ليه بقى مكنتش بتخن…….
اولا
انا كنت بمشي كتييييير اوي في الكليه مكنتش بحب اقعد ابدا طبعا ده بيخليني عمري ما اتخن لاني بحرق الاكل اللي اكلته
ثانيا يابنات
كان اكلي قليل جداااااااااااا كنت تقريبا بتغدى بس وكمان مكنتش بخلص طبق الرز بتاعي وماما كانت بتشد والله في شعرها مني ههههههههههه
وكمان كنت باخد فواتح شهيه كتيييير ومكنش في فايده كانت بتنيمني ومكنتش بتعمل اي حاجه
….المهـــم يابنـــــــات ….
خلصت الكليه وبقيت قاعده في البيت لاشغله ولا مشغله عاااااااااااااطله هههههه
قلت اعمل اييييييه بقى مفيش حاجه قدامي اطلع فيها همي غير اييييه .؟؟!!
… شطارين يافتوكات اجابه صحيحه
الاكل طبعااااااا
بقيت باكل كتير من الزهق اللي عندي
بقيت اي حاجه قدامي باكلها وكنت خايفه على اخواتي بصراحه هههههههه
بصوا يابنات انا عملت ايه
انا طبعا مكنتش بفطر لاني بقيت بصحى الساعه 3 كتر خيري طبعا
كنت بتغدى عادي الرز والفراخ والخضار
بس كنت بعد ما اتغدى بشرب كباية مايه وساعات كبايتين
عارفين ليه عشاااااااان توسع معدتي
وفعلا والله العظيم يابنات معدتي وسعت وبقيت باكل طبق الرز كله
وانا المعلومه دي بتاعت شرب المايه بعد الاكل
كنت سمعتها من وحده صحبتي
وكنت بتعشى يابنات سندوتشات فينو حلاوه طحينيه كنت كل يوم باكلها
وكنت بردو بشرب ايه بعدها عشان معدتي توسع
وكنت اوقات بتعشى رز يابنات كان بيتخن اكتر
وكمان كنت بشرب نسكويك باللبن
وبقيت بقى باكل شكولاته وكمان كنت باكل عجوه كنت بسيحها على النار مع الزبده وكان طعمها يجنن
وكان عندي ميزان في البيت كنت كل شوية بوزن ولما مثلا الاقي نفسي زيدت نص كيلو
اقول لازم اكل دلوقتي حالا عشان ازيد نص كيلو كمان ويبقوا كيلو
بجد يابنات كان عندي اصرار فظييييييييع واراده قووووويه اني هتخن يعني هتخن
وفضلت 3 شهور على الحال ده
وكنت والله العظيم بزيد في الاسبوع الواحد 2 كيلوووو
طبعا لاني مكنتش بخرج فامفيش اي حركه تخليني اخس اللي تخنتهم
عشان كدا الاكل كان بيتخزن
في 3 شهور يابنات بس قولوا ماشاء الله انا بردو متخنتش بالساهل هههههههههه
بقيت 62 كيلوووووووو
وجسمي اتضبط خااااااالص
واخواتي قالولي معدتيش تتخني بقى لحسان يجي عليك وقت تبقى عايزه تخسي
ههههههههه
عايزه اقولكم وشي بقى مدور وكان كل اصحابي اللي يشوفوني بالصدفه مكانوش يعرفوني
مكنوش والله مصدقين انه انا اللي كنت رفيعه وفاقدين فيا الامل
المهم يابنات انا كانت جت عليا فتره وخسيت تاني وبقيت 57 كيلو
وزعلت اووووي
وكنت وقتها بشتغل فاشيء طبيعي خسيت خالص بقيت مش باكل وبرجع تعبانه وعايزه انام
وبعدين سبت الشغل
وكمان تعبت كنت اكلت اكل من بره خلى معدتي تتعب جداااا
بقيت كل ما اكل اي حاجه احس اني هجيب اللي في بطني
روحت للدكتور واداني برشام ريح معدتي خالص
وخلاني رجعت اكل اكتر من الاول ورجعت لوزني تاني 62
ببص على الروشته بتاعت الدوا لقيته مكتوب عليه انه فاتح للشهيه ومفيد في حالات الشبع وكمان هاضم للاكل
دي صورته
والله يابنات رااااااااااااائع اولا مش بينيم خالص خالص
ثانيا بيخليكي تجوعي اوووووووي
انا الدكتور كان قايلي اخد حبايه قبل الغدا وقبل العشا
…………………
…..بصوا بقى يابنات المفروض تعملوا ايه…..
1- تاخدي من برشام فاتح الشهيه اللي قلتلك عليه
مره قبل الغدا ومره قبل العشا
2- بعد الغدا وبعد العشا او حتى الفطار حاولي تشربي كباية مايه عشان معدتك توسع
ومتخافوش يابنات مش هيطلعلك كرش
هيا هتبقى بطن صغنونه يادوب تمسك الهدوم هههههههه
وياستي لو طلعلك كرش ابقى اشفطي بطنك على طول وهيا هتروح
او العبي تمارين البطن
اهم حاجه دلوقتي لازم تتخني وتبقى مزه
ولازم تاكلوا كتير واضغطي على نفسك شويه عشان معدتك توسع
3- لازم لازم تاكلي بين الوجبات شيكولاته مثلا او كيكه او مكسرات وعسل اسود
4- حاولي تشربي عصير قصب كل يوم او تشربي نسكويك باللبن
دول بقى بيتخنوا جااااااااااامد جدا
حاولوا تشربوا عصاير كتير وخصوصا ان احنا داخلين في الصيف والحر بقى
والعصاير بتخن جامد
5- حاولي تقللي حركتك على قد ماتقدري يعني متمشيش كتير عشان الاكل ده يتخزن
او لو بتمشي حاولي تاكلي بعد ماترجعي عشان متخسريش وزنك
6- لازم تكون نفسيتك كويسه ومتفكريش في اي حاجه غير في الاكـــــل
سامعين الاكل وبس
عشان طول مانفسيتك كويسه اكيد اكيد هتتخني
7- ودي اهم خطووووه الاستمراااااااااااااار
لازم لازم لازم يكون عندك اراده قويـــــــه
وتقولي انا هتخن يعني هتخن وهبقى مزززززززه
……..
معلش يابنات انا طولت عليكم في الكلام
بس قلت لازم احكيلكم حكايتي عشان تتشجعوا ويكون عندكم دافع قوي واصرار
انك تبقى مزه
سلالالالالام يامززززز
لوليتا بالفراوله لوليتا بالفراوله 320192_37.gif فتكات ست الكل Fatakat 320192 دمياط – مصر