السلام عليكم ورحمة الله وبركاته
انا عملت الموضوع دا علشان عارفه ان فى هنا بنات كتير معصعصين زيى وهيموتوا ويتخنوا ومها بياخدوا حاجات نموهم واقف
المهم قبل ما اكتب اى حاجه عاوزه تدعولى ان ربنا يتمم خطوبتى على خير ويرجع خطيبى بالسلامه ويرزقه ويبعد عننا عيون الناس الوحشيننفسى اتكوز بقى يا نااااس
خلاص هبطل رغى عارفه ان فى ناس دلوقتى بتشتم زى عفرتو شيفاكى
بسم الله نبدأ فى المهمه الصعبه
اول حاجه يا مزه يا حلوه هتعمليها انك تروقى باااااااالك من اى ضغوط او تفكير او مشاكل لإن دى من اهم الإسباب اللى بتعصعص
هنعمل ايه بقى كل يوم قبل النوم بربع ساعه كده او حاجه تاخدى كوب لبن مع خميره اللى هى عجينه دى مش الفوريه مع عسل اسود وبعد كل وجبه تلعبى رياضه فى البيت هتجوعى تانى كولى سندوتشات حلاوه ومربى وشكولاته والله والله والله انا عملت كده وكنت 50 كيلو فى اقل من 10 ايام بقيت 57 او 8 نظام رووووعه مع طبعآ اى فاتح للشهيه يكون حلو الدكتور كان كاتبلى على تريكتين واشربى حبله بتخن كمان انا مجربتهاش بس سمعت انها بتخن جامد وى ان شاء الله فى خطتى القادمه لإنى محتاجه اتخن يلا بقى نشجع بعض ونمشى على النظام دا واللى تمشى عليه وجاب نتيجه معها تقولى وتفرحنى
حاجه كمان ممكن تاخدى الخميره مع البيبسى دى بقى بتنفخ مش بتخن بس والناس اللى قلقانه من الطعم متقلقيش ملهاش اى طعم لا باللبن ولا البيبسى وياااارب نتخن كلنا ونبقى مزز حلوين وجامدين
اى وحده معصعصه تدخل هنا تدينى احلى تقييم
وصفه لسه جيالى طااااااازه من دكتوره قولت لازم اضيفها للموضوع علشان خاطر عيون فتوكاتى الحلوين المعصعصين اللى زيى
كوب حليب مغلى يوضع فيه نص كوب زبيب
و7 تمرات
ا ملعقه حبه بركه مطحونه
ا ملعقه عسل نحل يأخذ مره صباحآ ومره مساءآ وبعد الغداء وبالهنا والتخن ياااااااااااارب
@كيداهم@ @كيداهم@ 370843_3.gif سوبر فتكات Fatakat 370843 ……… – ……..