السلام عليكم ورحمه الله وبركاته
الحلم ده صاحبتي هي اللي حلمته بيا هي اقرب صديقة ليا عندها 23 سنة وملتزمه على قد ما تقدر وخريجة جامعه ومش بتشتغل ومش بترقي الرقية الشرعية وانسة لسة ولا مخطوبة ولا متزوجة ومش بتعاني من الهموم لكنها بتعاني من ارق احيانا
وبالنسبة لبياناتي انا انسة مش مرتبطة ملتزمه على قد ما بقدر والحمدلله عندي 25 سنه وخريجة جامعه ومش بشتغل ومش بعاني من هموم ولا ارق ومش برقي الرقية الشرعية لكني مواظبة على قراءة الاذكار والقرآن يوميا والحمدالله
وفي كمان اختي اللي ظهرت في الحلم هي 24 سنه ومخطوبة وملتزمه هي كمان وخريجة جامعه وبتحضر ماجيستير وكانت بتشتغل معيده في الجامعه بس حاليا الماستر شغالها ووقفت شغل عشان تركز في الماستر
الحلم اللي حلمته صاحبتي :
ان اختي كانت رايحة درس مدرس رياضة كان بيدينا كلنا ايام الثانوية العامه (يعني اكنها لسة بتدرس) والمدرس ده في الحقيقة فعلا بنشوفه على فترات خلال السنوات اللي فاتت ولسه اختي في الحقيقة قابلته قدام بيتنا وسلم عليها المهم وكان في المكان بتاع الدرس ده دي جي افراح وهيصة وكان مامتي ومامت صاحبتي صاحبت الحلم موجوديين هناك وصاحبتي راحت ولقيتهم وكلهم اكلوا مكرونه كتييير وبعدين صاحبتي روحت بيتها لقيت باباها بيقولها ان المأذون جاي وبيسألوا عليا عشان يكتبوا كتابي فصاحبتي دورت عليا فباباها قالها احنا كده حنكتب الكتاب غيابي ولا ايه وكان باباها (والد صاحبتي) هو اللي المفروض حيكون وكيلي وانا ماظهرتش وحتى العريس ماظهرش يعني ماكنش معروف مين العريس والحلم خلص على كده
ملحوظات : اولا انا والدي متوفي من سنه , وصاحبتي اللي حلمت الحلم ليا دي ليها اخ ووالدتهم طلبتني لابنها (اخو صاحبتي ده) بس محصلش نصيب والموضوع اتقفل من كام شهر ومفيش نية انه يتفتح تاني من ناحيتي لكن من ناحية والده صاحبتي فلسة عندها امل انها تتم الموضوع وباقي البيانات فوق قبل الحلم
أملي فيك يا الله أملي فيك يا الله فتكات هايلة Fatakat 1050146 مصر – مصر