السلام عليكم ورحمه الله وبركاته ازيكو يا احلي فتوكات في الدنيا طبعا كلكو نفسكو تخسو وتوصلو للوزن المثالي اللي يرضي كل وحده فيكو ويرجعلها ثقتها بنفسها ويخليها تلبس كل اللي نفسها فيه وتبقي موزه وتبقي حلوة في عين كل الناس لكن بتبقي حاجه واحده خايفين منها ودي اللي بتخلينا نتراجع عن قرار الريجيم الا وهي (الـــــــحــــــــرمـــــــــــان)وللاسف للاسف دا اللي بيخلي ناس كتير اوي متبقاش عندها الجرأه انها تاخد خطوه الريجيم او ناس تانيه تبدأ وتخس بسرعه لكن ترجع تاني وانا اول الناس دي وهحكيلكو رحلتي مع الريجيم اللي استمرت لمده خمس سنين وطلع عيني فيها لكن الواحد مبيتعلمش ببلاش المهم نبدأ بقي :انا من صغري وانا تخينه وبحب الاكل جدا وخصوصا الحلويات والشيبسي والبيبسي وماما مكنتش منعاني منهم للاسف وكنت علي طول مدايقه من نفسي ومكنتش بعرف اجري والعب زي الاطفال اللي ادي وكانت ثقتي بنفسي قليله وكنت مدايقه من نفسي ولما كبرت شويه بقي وبقي نفسي ابقي بنوته حلوة واهتم بنفسي والبس اللي نفسي فيه بقي قررت أخـــــــــــــــــس كان عمري وقتها 16 سنه رحت عند دكتور كان نظامه انه شغال بالابر الصينيه اللي لحد دلؤتي مش مقتنعه انها بتعمل حاجه اصلا ونظام اكل بيديني كل اسبوع ورقه امشي عليها واحيانا برشام المهم كان ريجيم منيل بنيله وكان اكله قليل خالص بس مشيت عليه بالحرف واخدت برشام كان بيسد النفس لكنه تعبني اوي والحمد لله هو اتوقف دلؤتي لان ليه اضرار كتير اوي وكان بيخليني اخد شاي اخضر اللي هو رويال تي واستمريت مع الدكتور ده حوالي9شهور وكنت ماشيه علي الريجيم بالحرف ومكنتش بدوق الحلويات ولا البيتزا ولا الشيبسي ولااي حاجه من اللي انا علي طول متعوده اكلهم كل يوم وكان مسموحلي بملعقتين سكر في اليوم ومكنتش بدوقهم خااااااااااااالص وفضلت معاه علي كده 9شهور وخسيت فيهمحوالي25 مش فاكرة اوي ووصلت ل69كيلو وصحتي بقت في النازل والله دوخه وتعب علي طول ووشي باهت وشكلي زي اللي منامتش بقالها سنه وعضمي دايما مكسر وعندي خمول فظيع وأي مشوار اروحه برجع مهدوده واخد باقي اليوم نوم لا وايه كمان النظام الجميل اللي كنت مشيه عليه عملي امساك فظيع جالي امساك فضلت حوالي اسبوع كامل مدخلش الحمام وطبعا جالي بعدها بواسير وربنا ما يوريكو بقي لكن بصراحه مع النظام اللي انا ماشيه عليه دلؤتي صحتي افضل ووشي منور ومش باهت وهتعرفو نظامي كمان شويه وطبعا زي اي وحده لما توصل للوزن ده بتكون زهقت من الريجيم واكل الريجيم وسبت الدكتور بالريجيم وخلاص بقي فتحت علي البحري ومن كتر حرماني من الحجات اللي بحبها كنت بنزل كل يوم اجيب شنطه كبييييييرة فيها شيبسي وشوكولاته وبيبسي وكل حاجه واكل واكل واكل وانتقم من الحرمان والريجيم وطبعا ساعتها انا كنت صغيرة ومش فهمه حاجه ولا عرفه مصلحتي وكنت بجيب الحجات دي من ورا ماما واكل واعين الورق الفاضي في شنطتي وبعدها بسنه ونص رجعت زدت تاني وسبت الريجيم خااااااااااااااالص واتعقدت تاني من نفسي وجالي اكتئاب وكنت كل شويه اقول هبدا ومبداش استمريت علي كده حوالي سنتين ابدا وابطل لحد ما اتخنقت لحد ماجسمي باظ من كتر التخن والخسسان ااااااااااااااه يااااااااااااني وبعدين ربنا هداني ماما نصحتني نصيحه حلوة قالتلي يا حبيبتي كلي اللي انتي عوزاه بس بكميات قليله وشجعتني وقالتلي انا هبدأ معاكي وفعلا بدأت في شهر3اللي فات وخسيت7كيلو لحد دلؤتي والله دا أحلي ريجيم عكلته فحياتي انا جربت ريجيمات كتييييييييييييير جدا وسبتها ومرتحتش عليها جربت كيميائي_سعرات _هرم غذائي لكن نظامي اللي انا مشيه عليه دا اجمل حاجه فحياتي تخيلو باكل شوكولاته وشيبسي وبسكوت وبيك رولز وكلت تورته كمان اه والله تورته وكل دا وبخس هتقولولي ازاي هقلكو تعالو شوفو انا نظامي كالأتي باكل من الاكل اللي ماما عملاه في البيت عادي جدا لاني مبحبش امشي علي ورقه ولازم انهردهسمك وبكرة لحمه وانا اكل لوحدي وهما في البيت ياكلو لوحدهم بحس ان انا بتعاقب او بحس اني مريضه واوقات كان بيبقي نفسي في الاكل اللي هما عاملينه ونفسيتي بتبوظ جدا فانا باكل من أكل البيت عادي جدا مع الغاء الزبده والسمنه كل اكلنا بزيت ذرة الحمد لله اولآ النشويات: انا مش بزود عن5ملاعق ارز او مكرونه والعيش مش بزود عن رغيف ونص سن ثانيا الخضار: بعمله ني في ني وباكل منه اي كميه ثالثا الحوم والفراخ والسمك: يا اما مسلوقه او متحمرة في الفرن رابعا الشوربات مثل لسان العصفور او شوربه الشعريه: مش باكلها كتير غير كل كام شهر مرة وبجيب لسان العصفور احمصه في الفرن لمده نص ساعه وبيبقي زي الفل وبعمله بمرقه اكون شايله وشها خامسا الحلويات والبيتزا ليا افتكاسات في الاكل جميله جدا في الحلويات والبيتزا وكل ده هتعرفوه بعدين ان شاء الله سادسا الفواكه الفواكه المسموح بيها تفاح-جوافه-كمثري-خوخ-كنتالوب وحده بس صغيره-كيوي رائع وسعراته قليله جدا جدا-برتقال-يوسفي الممنوعات بقي العنب-التين-المانجو-البلح (لكن انا بفضل الله مشبمنع حاجه انا باكل بس بحساب) سابعا لماء: بحاول علي اد ما اقدر اشرب حوالي لترين ميه في اليوم ودا مفيد جدا لانها بتدي احساس بالشبع وكمان علي الريق بتغسل المعده ثامنا المشروبات الحارقه بحاول برده اشرب علي اد ما اقدر قرفه بالزنجبيل___ شاي اخضر+شمر+نعناع___او ينسون لوحده كده بعشقه وطبعا كل ده من غير سكر يا حلوين تاسعا السكر انا باخد كل يوم ملعقه عسل نحل مع شاي او نسكافيه وقليل جدا لما باخد وحده كمان عاشرا العصائر بفضل العصائر الفريش واحيانا بجيب جهينه بيور لما بكون بره البيت وعطشانه لكن منكرش ان كلها سكر بس بكون مضطرة يعني وسعات بعمل زبادو فراوله وخوخ في البيت بملعقه عسل حداشر بقي هههههههه حلوة 11دي السلطات لازم طبق سلطه طماطم يكون كبيييييييييييييير قدامك وعندي سلطات تانيه برده هقلكو عليها اتناشر12 الرياضه: انا بفضل انك تعملي رياضه مع نفسك في البيت يعني تمشي نص ساعه او تجري فوق السطوح مثلا هههههههههه اه والله في ناس بتعمل كده او ترقصي شويه او تعملي التمارين الي انتي بتحبيهاكل يوم نص ساعه لكن مش بفضل الناس اللي تشترك في جيم وتيجي علي نفسها اوي وتبقي مواظبه وتيجي بعد شهر مثلا تزهق و تقعد من الجيم وترجع اللي خسته تاني وياريت اللي هتشترك في جيم تبقي عارفه انها لازم تستمر معاه عشان مترجعش تتخن تاني في رايكو كده انهو افضل تعملي مع نفسك في البيت وتستمري ولا تروحي جيم تعدي شويه وتسبيه؟؟؟ وهقلكو نموذج من نظامي مثلا اصحي الصبح كوب ماء علي الريق بعدها بشويه الفطار كوب شاي بلبن+ملعقه عسل نحل+نص رغيف سن وجبنه او مع الشاي بلبن4وحدات بسكوت كورونا ودا قليل السعرات وخفيف جدا او مع الشاي3وحدات بسكوت بالرده والقرفه هبقي اقولكو علي طريقته بعدها بساعتين وجبه سناكس خفيفه ممكن علبه زبادي او تفاحه او2خوخه او نص كنتالوب+كوب شاي اخضر الغدا 5ملاعق ارز+طبق سلطه+ربع فرخه مسلوقه+خضار سوتيه اورغيف سن+بميه+سلطه+قطعه لحمه او علبه تونه+طبق سلطه+رغيف سن ولما اجوع بقي وجبه سناكس نفس الكلام تفاح او زبادي او—–+كوب شاي اخصر العشا نص رغيف سن+جبنه+سلطه اوفاكهه وزبادي او بيض بالبسطرمه+نص سن وهكذا نيجي بقي للرمرمه انا بوزن كل اسبوع وعندي يوم فري بخليه يوم الوزن لو خسيت بكافئ نفسي باني اعمل اليوم دا فري واحيانا مش بتبقي وجبه بخليها يوم كامل هههههههههههه الغدا ممكن يبقي محشي وانا بعمله دايت وهبقي اقول علي الطريقه ممكن قطعتين شوكولاته-واحده مولتو وتفضل علي الفطار عشان تتحرق—او كيس شيبسي صغير__او كوب بيبسي صغير جدا_او قطعتين بيتزا—اونص كيس بيك رولز-وهكذا بقي اللي نفسي فيه كل اسبوع اجيب حاجه وممكن مثلا لو عندكو مناسبه في البيت وفي تورت وحلويات كلي منهم بس بكميه بسيطه والغي اليوم الفري اللي انتي عملاه يعني علي حسب مزاجك عشان متبقاش الناس بتاكل وانتي كانك عامله ذنب وقعده تتفرجي عليهم يعني انا قصدي اقولك يا فتوكه متصعبيهاش علي نفسك وخدي الحياه ايزي وفري كده ياقمر مهو مش انتي لوحدك اللي تخينه نص ستات مصر تخان ومش معني انك تخينه يبقي تدفني نفسك بالحيا ومتاكليش ومتشربيش ومتتهنيش بنفسك وانا من شهرين ونصف كنت91وبعد مامشيت علي النظام الجميل بتاعي بقيت83ونص وان شاء الله مكمله معاكو لحد ما ابقي 70كيلو وسني22سنه ومش مرتبطه ههههههههههههههههههههه حبيت اعرفكو بنفسي اكتر هههههههههههه وطولي 160سم بس هكتفي ب70كيلو لان شكلي بيبقي كويس فيه ما انا مجربه قبل كده هههههههههههه ودا هيكون انشاء الله بفضل تشجيعنا لبعض وشرط اساسي للي هتشترك تكون جاده يعني تكون ناويه بجد تخس مش داخله تتفرج علينا وكمان شرط اسااااااااااااسي تدخل كل يوم تقولنا الفطار والغدا والعشا والسناكس ولو في لخبطه وتقول شربت ميه ولا لا واللي عندها وجبات دايت جديده وخفيفه ولذيذه تكتبها طبعا عشان يستفاد منها الاخرين والاشتراك مفتوح لكل الفتوكات اللي عوزين يخسو فقط كوني جاده واكتبي اسمك ووزنك وطولك والهدف اللي عوزه توصليله وتابعي معانا كل يوم وخلي اكلك خفيف هتبقي رشيقه وهتلبسي كل اللي نفسك فيه واحنا مش عوزين نخس كتير يعني هو كيلو واحد بس كل اسبوع لان اللي بيخسو 5و6كيلو في الاسبوع بيرجعوهم تاني واسال مجرب من 5 سنين ههههههههههههههههه هدفنا نخس براحه ومنتخنش تااااااااااااااني ونقول للتخن هش ونقول للرفع خش ههههههههههههههههههههه معلش انا مهيسه شويه جاء تام الالتزام بالدخول يوميا وكتابه تقريرك اليومي يا فتوكه منك ليها يلا اللي عوزه تشترك معانا بسم الله نبدأ هاااااااااا مين هتقول انا اول وحده؟؟؟؟؟؟
ayoya mohamed ayoya mohamed 606334_2.gif فتكات ست الكل Fatakat 606334 cairo – egypt
سبحان الله و بحمده