السلام عليكم ورحمة الله وبركاته
احب ارحب بيكوا بالجزء التاسع من جروب
بالاكل كل تلات ساعات…هنخس بدون حرمان ولا صعوبات
بعد نجاح الأجزاء القديمة من حيث التقييم والتثبيت ولله الحمدواراء العضوات في الموضوع واللي ولله الحمد محدش انتقده علي الاطلاق بل بالعكس الكل رحب بيه وشكرني عليه
ونجاحه كمان من حيث التطبيق لسهولة النظام
وبعد الارقام القياسية اللي قدرنا نحققها
وبعد الحاجة اللي قدر موضوعنا لوحده يعملها
وهية ماشاء الله الفتوكات اللي اشتركوا وسجلوا مخصوص في فتكات عشان ينضموا لينا
ودي بجد شهادة اعتز بيها ولله الحمد
بعد النجاحات دي اتشجعت اعمل الجزء التاسع من الجروب واللي بأمل اني اقدر افيد بيه اللي مالحقتش افيدهم في الأجزاء اللي قبل كدة
وافتكروا حاجة مهمة جدا بيكوا انتوا الموضوع ممكن يوصل لنجاح اكبر و اجزاء اكتر لحد مانوصل للوزن المثالي ان شاء الله
بسم الله الرحمن الرحيم
ايييييييييييييوة زي مابقول كدة يا جماعة
ده جروب انا عاملاه تحت شعار
لا للحرمان ….وهخس كمان
طب انا بناء علي ايه بقول الكلام ده!!! انا هقولك يا ستي
انا وصلت في حياتي للوزن المثالي ثلاث مرات وللاسف مافيش شهر وبرجع تاني زي الاول ولا كأني عملت حاجة خالص غير طبعا الاحراج اللي بيحصل لما كل واحد يشوفني يقولي مانتي كنتي كويسة ايه اللي رجعك تاني
خلاصة تجاربي ايه
1.الحرمان هوة المولد الاول لضعف الارادة وبالتالي تسيبي الرجيم وترجعي تاكلي تاني لانك ببساطة عايزة تعوضي نفسك وجسمك ومخك وحالتك النفسية من الحرمان ده
2.لازم تفهمي حاجة مهمة غايبة عن ذهننا تماما اللي هية قدرة جسمك علي الحرق وازاي تعليها
تعرفي ان ماكينة الحرق في جسمك بتشتغل بالمية وبالاكل!!
طب بالمية وعارفين انها ضرورية ومفيدة للجسم وسرعة الحرق ..طب ازاي الاكل بقي يسرع من الحرق؟؟ الحرق في جسمك بيحتاج لطاقة عشان يبتدي ومافيش حاجة هتمده بالطاقة غير الاكل والحرق ده ليه وقت صلاحية وبعدين بيقف وده معناه اننا لازم نلحق ناكل حاجة ولو بسيطة قبل وقت الصلاحية ماينتهي عشان الحرق يفضل شغال في جسمنا اليوم كله
طب الوقت ده قد ايه يا استاذة شيمو!!!
تلات ساعات يا جماعة!!
تلات ساعات وبعدها الحرق هيبتدي يقف ولازم نلحق نديله طاقة بسرعة
3.اوعي اوعي اوعي تحرمي نفسك من حاجة بتحبيها حتي لو شيكولاتة او ايس كريم او او او عشان ماتدخليش في سكة انا محرومة اذا انا مش هكمل رجيم بالطريقة دي يا بنات هتخسي وبسهولة واستحالة هتسيبي الرجيم لانك اساسا مش هتحسي انه رجيم ومش هتجوعي ابدا لانك ببساطة بتاكلي كل تلات ساعات واحيانا هتحسي انك مضطرة تاكلي وانتي اصلا مش جعانة بس عايزة تلتزمي بالتلات ساعات وده شئ كويس لانك هتضطري تقللي الكمية في الوجبة اللي بعدها عشان شبعانة من اللي قبلها وده عن تجربة مني يا بنات
انا ماشية بقالي خمس شهور علي النظام ده وخسيت 12 كيلو وعارفة ومتأكدة اني ان شاء الله مش هرجعهم تاني غير انه فعلا نزول فعلي في الدهون لأنها فرقت معايا في الشكل
بعد ماكنت بلجأ للكيميائي عشان اخس بسرعة ويبان علية
دلوقتي شكلي ارفع من وزن الحقيقي بكتيييير
طب عشان البنات اللي مكن ماتكونش مقتنعة بكلامي هقولكوا علي حاجة تانية
احنا لينا عدد معين من الخلايا الدهنية في جسمنا
ومهما أكلنا الخلايا دي مش هتزيد في العدد
امال احنا ليه بنطخن!!!
عشان بكل بساطة الخلايا دي بتزيد في الحجم!!!
طب لما بتخسي في الكيميائي بتخسي ازاي؟
الخلايا الدهنية بتكش واول ماتبطلي النظام وترجعي للاكل العادي تبتدي الخلايا تملي تاني
طب ايه الفرق معانا في النظام ده؟
انك بتخسي بحرق الدهون مش مجرد كشها
وعشان كدة النظام بياخد وقت طويل
ولما بتتحرق الدهون استحالة هرتجع تاني
عشان زي ماقلتلكوا الخلايا الدهنية مابتزيدش في العدد ابدا
وعشان كدة بيقولك ان احسن تدخل جراحي هوة شفط الدهون لأنك بتشيلي الخلايا اصلا وعاشن كدة عمرك ماهتطخني تاني بعدها بس طبعا مشكلتها الترهلات الفظيعة واللي محتاجة تدخل جراحي أخر
ده نظام حياة بجد وعايزة بنات يشاركوني الحياة الجديدة الصحية دي هنتابع مع بعض ونلتزم مع بعض وهنقيس وزننا كل عشر ايام من باب التجديد واننا ندي فرصة لجسمنا يخس اكتر وشعارنا يا بنات زي ماقلت قبل كدة
لا للحرمان…وهخس كمان
وده ملخص للدايت وبعده تحديد اكتر للنظام
-يبدأ النظام منذ استيقاظ حضراتكم في موعدكم الطبيعي لممارسة حياتكم ،
2–ثلاثة وجبات رئيسية :
الفطور ، وجبة خفيفة ، الغداء, وجبة خفيفة. العشا. وجبة خفيفة
3
–بشرط أن تكون الوجبة الخفيفة الأخيرة قبل النوم بثلاث ساعات لذلك ممكن إختزالها نهائيا و الإكتفاء بمكافأة صغيرة بعد العشاء مباشرة إذا الوقت ضيق .
4– خلال ساعة من الإستيقاظ لابد من تناول الفطور حتى لا يبدأ الجسم في تشغيل الوقاية من الجوع و يحرق العضلات قليلة الدهن بدلا من مخزون الدهون ،
5–المقياس في الوجبات الرئيسية :
صحن الغرف الكبير الخاص بالفرد في الأطقم الصيني المسطح يقسم الصحن لنصفين ، أحدهما يملأ بالخضروات مطبوخة أو فريش ،
النصف السفلي يقسم لربعين : – ربع بروتين اللي تحبوه : سمك ، لحم ، دجاج،بيض، عدس ، فول …..إلخ( البقوليا تمتاز بعدم وجود أي نسبة للدهون ) –
ربع نشويات : مكرونة، رز ، خبز ، ملعقة كبيرة زيت أو زبدة براحتكم المهم الدهون على كل الطبق ملعقة كبيرة( إذا حسبتم شوية من الذي يوضع على الطبيخ أو السلطة أو النسبة من اللحوم سيتجمع ما يعادل ملعقة )
6–الوجبات الخفيفة : بعد الوجبة التي قبلها بثلاث ساعات ، و قبل الوجبة التي بعدها بثلاث ساعات ،
أمثلة للوجبة الخفيفة :
— باكو بسكويت متوسط الحجم
أو — شيكولانة اصبعين
أو — موزة وتفاحة
أو — كون أيسكريم
أو –علبة زبادي 180 جرام
أو –كبشتين فيشار
أو — كبشة محترمة فول سوداني أو مكسرات
أو — باكو فولية ( بتاع حلاوة المولد المشهور عندنا في مصر) أو –قطعة كيك أو بسبوسة ومعاها كوب شاي بدون سكر
او قطعتين من أي حاجة من حلويات العيد
7-يراعى جدا مسألة شرب كوب كبير من الماء قبل الوجبات ، و عندما يوسوس لك إبليس قبل إنتهاء الثلاث ساعات ، عادة يزول هذا الإحساس بالجوع بمجرد شرب الماء .
8- شرب الماء كل ساعة كوب من أهم الأشياء في هذا النظام.
9- لماذا الوجبات الخفيفة ليست ضخمة ؟
لأن الوجبات الرئيسية الثلاثة بما فيها العشاء عبارة عن : خضروات ، بروتين ، نشويات وعادة لا تجوع بعدها بسرعة ، فتأتي الوجبة الخفيفة حتى تحميك من الدخول في" الدوامة الجوعية التضورية الديناصورية "
10- حذار ثم حذار أن تقعوا في الفخ : فخ الجوع ، وهذا يعني : إذا كنت خارج ذاهب لمكان و تعلم أنه سيحل عليك وجبة خفيفة ضعي كيس فول سوداني أو باكو الشيكولاتة و زجاجة الماء معك ، حتى لا تقع في الفخ إنتبهي!!!!!!
عدد الوجبات يتراوح بين خمسة أو ستة على حسب موعد استيقاظك :
فطور
ثلاث ساعات
وجبة خفيفة
ثلاث ساعات
غداء
ثلاث ساعات
وجبة خفيفة
ثلاث ساعات
عشاء و
مكافأة قبل النوم بثلاث ساعات
او عشاء فقط ثم ثلاث ساعات ثم وجبة خفيفة قبل النوم بثلاث ساعات
يعني آخر وجبة تكون في حدود الساعة تسعة ليلا تعريف
المكافأة التي ذكرتها :
قطعة شيكولاتة صغيرة ، أو بسكوتة واحدة ، أو تمرتين تؤخذ بعد العشاء إذا كان العشاء قبل النوم بثلاث ساعات
شيمو جراحة شيمو جراحة 419843_3.gif سوبر فتكات Fatakat 419843 بنها – مصر