السلام عليكم يا فتاكيت
أخباركم ايه يا رب تكونوا بخير
أنا مؤمنة إن الرياضة ضرورى جدا تبقى من أساسيات اليوم ثابتة لا تتجزأ مش عشان الرشاقة كمان لا المفروض يبقى نظام حياة عشان تحافظى على صحتك
أيا كان
حاليا لما فكرت فى الموضوع ده جبت تمارين أشكال و أنواع بس بما إنى مش خبيرة فى الموضوع ده قلت سيب العيش لخبازه
بمعنى حاليا أنا عاوزة أى حد خبير مش أى حد حد خبير ويبقى فاهم فى الموضوع ده كويس
يحطلى نظام رياضى يومى أعمله بس تبقى مدته 30 دقيقة ويشمل جميع أنحاء الجسم بس ياريت لو يبقى فيه تركيز على عضلات البطن والأفخاد
مع ملحوظة صغننة أنا كمان عندى إنحناء فى الظهر بالبلدى زى مابيقولوه مأتبة ( يرضيكوا حد يقولى مأتبة برضك)
إزاى أعالجه بالتمارين
والوقاية من حدوثه تانى يعنى حد يكتبلى أسبابه عشان أعرف ومش أعملها تانى
والوقاية برضه من إنتفاخ البطن الكرش زى مابيقولوا يعنى عندى كرش صغنن مسمياه متبولى كده بس عاوزاه يروح خالص
وايه أسباب حدوث الكرش برضه
اللى هتساعدنى هادعيلها إن شاء الله فى الحرم المكى ها مكافأة ما بعدها مكافأة أهو يلا زبطونى
doda dody doda dody 227474_1.gif فتكات نشيطة Fatakat 227474 القاهرة – مصر
سبحان الله و بحمده