جروب "شعارنا في الاسواق لوسمحت أصغر مقاس small size" الجـ23ــزء > بداية النهاية < 2024.

بسم الله الرحمن الرحيم

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ )

صدق الله العظيم

الجـــ23ــــزء

> النهارده 9/6/2016
وبداية الجروب كانت 10/9/2016<

فاضل 3 شهور والجروب يكمل سنه

الجروب دخله مشتركات كتير ماشاء الله وكتير منهم بفضل الله حققوا هدفهم ولبسوا فعلا اصغر مقاس small size

وفي مشتركات قربوا فعلا من هدفهم وفي مشتركات كانوا معانا لفتره طويلبه بس ظروفهم كانت ضدهم فغابوا عن الجروب

بس بالتأكيد لكل واحده في المشتركات بصمه في قلبي وفي قلب كل واحده في الجروب

الفتره اللي فاتت كانت فتره صعبه اووي في حياتي وجت عليا في حاجات كتيره اووي

بس الحمدلله عدت ع خير

بس لسه الاثار متراكمه

علشان كده قررت اني افوق بجد

اعترف ان استمرارية الجروب طول المده دي
يرجع لسببين ::

1:: الصحبه الكويسه وان كلنا كنا بنتعامل انننا اخوات واصحاب جروب واحد

2:: كنت بحس بالمسئوليه ناحية كل واحده اشتركت في الجروب وكنت بحس انه من حقها عليا انها تلاقي اللي هى عوزاه في الجروب بقدر ما تسمح بيه ظروفي

بس للاسف

احساسي بالمسئوليه اتجاه الجروب كان اكبر بكتير من احساسي بالمسئوليه اتجاه نفسي

فبقول كفايه 9 شهور للجروب بقا

وال 3 شهور اللي جايين دول المفروض يبقوا ليا انا

طبعا زمانكم بتقولوا ليه الرغي ده كله ؟؟؟

هقولكم انا

من كام يوم دخلت في مناقشه وحوار غير عادي

انا معنديش اولويات

وكل اللي بعمله تضييع وقت
وكل اللي بعمله مفيش منه حاجه استفاد منها قدام في حياتي

وكان محور الحديث العبد لله انا

وكان كل الكلام بيدور حول
اني بضيع وقتي في كلام فاضي وان انا معنديش اولويات

طبعا انا ما استسلمتش وقولت كلام كتيرررررر ودافعت عن نفسي بشراسه

وازاي ومش ازاي وانا وانا وانا

بس بيني وبينكم

بعد ما قعدت مع نفسي اكتشفت ان نسبه كبيره من الكلام صح

يمكن انا كنت عارفه كده بس في فرق لما حد يقولك الكلام ده وش كده

اه انا بعمل حاجات كتيره بستفاد منها واتمتع بيها في حياتي

بس 99 في الميه من اللي بعمله استفاده وقتيه

ولذلك …..

قررت بداية العد التنازلي لنهاية الجروب في التخسيس

من اول 10/6/2016

لحد 10/9/2016

ان شاء الله

وبذلك….

نهاية الجروب اصبحت معلومه

اذا ربنا اراد ممكن الجروب يبدا السنه الجديده في ثوب جديد

لكن …….

انا معنديش الا 3 الشهور دول اللي احقق فيهم هدفي ع عدة مستويات

اول هدف فيهم
اني اوصل للمثالي اللي يناسب جسمي وشكلي وطولي

وباقي الاهداف
هتكون من اعمال الجروب

وكما هو معروف

هدف من دون تخطيط تعتبر مجرد أمنيه في مهب الريح

لذلك

هنحط خطط قصيرة المدى

كل خطه مدتها 10 ايام

اول مرحله

من يوم 10/6/2016 لحد 20/6/2016

اللي هنعمله هيبقا ع عدة مستويات

تابعوووني …………

أمنيتي أتغير للأحسن أمنيتي أتغير للأحسن 187750_28.gif فتكات غالية قوي Fatakat 187750 طنطا – طنطا

سبحان الله و بحمده