ازيكوا ياأحلى بنات وحشتونى والله بقالى كتير مبدخلش الواحد مش فاضى بقى ريجيم وانتوا عارفين ومجربين بقى يلا المهم لقيت نفسى فاضية قلت اكتبلكوا تجربتى
مروة واحدة كدة قررت أخس وطبعا زيكوا كلكوا دى المرة 2587985 اللى أعمل فيها ريجيمالمهم رحت لدكتور الحمد لله كويس وانا ارتحتله وسعره حونين اوى اوى ياأوختىأصل دى أهم حاجة فى الريجيم أنا عارفة متتكسفوش احنا اخوات رغاية أنا صح معلش استحملونى ماهوا ياأكتب وأرغى ياأما أقوم أقعد جوا التلاجة أه مانا فاضية ومعنديش حاجة
الدكتور أدانى نظام
أول أسبوع
أول حاجة لازم 2 كوب ماء قبل الأكل.
*الفطار
1- كل يوم الصبح على الريق 2/1 كباية مية دافية وعليها 2/1 معلقة خل تفاح .
2- رغيف عيش سن أو نص رغيف بلدى + 2 بيضة مسلوقة
*الغدا
1- طبق سلطة كبير
2- نص فرخة مشوية أو قطعتين لحم مشوى أو سمك أو تونة
* العشا
1- علبة زبادى
2- ثمرة فاكهة وطبعا ماعدا الممنوعات اللى كلنا عارفينها.
وقالى لازم تمشى كل يوم نص ساعة ودى الحاجة الوحيدة اللى معملتهاش بس رقصت لمدة ساعة 3 مرات فى الاسبوع وطبعا رقص بقى ايه من اللى يفرح ده يعنى يوم ويوم وروحت له ووزنت خسيت 4 كيلو فى أول اسبوع وبعدين أدانى نظام تانى أسبوع
– 2 -كوب ماء قبل الآكل
*الفطار
1-نص رغيف عيش سن
2- جبنة شيدر + خيار وده أول وتالت ورابع
3- فواكه وده تانى وخامس يوم
*الغدا
1- 3 معالق جبنة قريش + سلطة خضرا
وده أول وخامس يوم
2- مشويات سمك أو لحمة أو فراخ + سلطة
وده تانى ورابع يوم
3- 2 بيضة مسلوقة + سلطة خضرا
وده تالت وسادس يوم
4- طبق حسب الرغبة + سلطة + 2 ثمرة فاكهة
وده سابع يوم
* العشا
1- كوب زبادى لايت + ثمرة فاكهة
وده أول وتالت وخامس يوم
2- سلطة فواكه (2-3) ثمرة
وده تانى ورابع وسادس يوم
3- سلطة + 4 ثمرة فاكهة + قطعة حلوى
وده سابع يوم
وده كدة الآسبوع التانى وبصراحة أنا عكيت عك فى الآسبوع ده ولما روحت ووزنت لقيت نفسى منزلتش ولا جرام والحمد لله انى مزدتش برده وقالى أكرر النظام ده تالت أسبوع وأشوف بقى وعلى فكرة هوا مركبلى ابر صينية جنب ودانى كدة بس أنا حاسة انها عادى مش فارقة وأنا بقى روحت الجيم من الاسبوع ده بس اروبكس بس وربنا يسهل ادعولى انى خس بقى وان ربنا يكرمنى باللى فى بالى واعوا تنسوا تدعولى ويارب اللى تدعيلى تخس 15 كيلو
بنوتة عاشقة بنوتة عاشقة فتكات رائعة Fatakat 498295 القاهرة – مصر