السلام عليكم يا فتوكات
النهاردة انا عاوزة ابدأ الرجيم دة لانى سمعت عنه حاجات كويسة جدااا وفى بنات كتير اوووى جربوة وشكروا فيه بس محتاجة جروب معايا عسل كدة نتشجع كلنا مع بعض ونفسى اوصل للوزن قبل رمضان علشان لما تلاقى نفسك بقيتى موزة
هتتشجعى وهيبقى عندنا الارادة اننا نقاوم الولائم بتاعت رمضاااان
نمشى عليه اسبوع واخر الاسبوع يوم فرى والاسبوع التانى دايت عادى اللى هو سعرات
لان فى اسبوع التمر بالبن ببنزل 5 كيلو بالميييييييييت اوى لو واظبنا
والاسبوع اللى بعده بتاع السعرات بننزل2ك
فلو حسبناها 5ك فى الاسبوع الاول (تمر ولبن)
2ك فى الاسبوع التانى(سعرات)
5ك فى الاسبوع التالت(تمر ولبن)
2ك فى السبوع الرابع(سعرات)
*****
الاجمالى 14كيلو فى الشهر
بصحة ومن غير هبوط وكمان اللبن بيدور الوش وبينوره
نظام الدايت ده21 تمره فى اليوم
الفطار7 تمرات مع كوب لبن
الغدا7 تمرات مع كوب لبن
العشا7تمرات مع كوب لبن
مسموح شرب اى نوع من المشروبات شاى ينسون نعناع منغير سكر
بس انا عندى طلب من اخواتى الخبيرات فى انظمه الرجيم تجبلنا نظام رجيم سعرات انا اللى فهمته ان تمشى اول اسبوع 800 سعر واللى بعده 1200 سعر وهكذا تزودى بس معنديش فكرة بيتعمل ازاى بالظبط ياريت حد يساعدنا علشان اللى ننقصة بالتمر واللبن مش نزيدة تانى
يالا يا قمرات انا عايزة الجدية وبناويت تبدا معايا ومانسيبش بعض من غير لما نكون نزلنا وزننا الزايد كله
مين هتقولى انا معااااااااااكى وهلتزم
عموما كل واحدة تكتب تسمها ووزنها وطولها وبس
انا هبتدى
اسمى : قمر الحلوين
السن: 28
الطول: 162
الوزن الحالى: 75
الهدف الاول: 70
الهدف التانى: 65
الهدف الاخير: 60
ويارب اوصل يااااااااارب
يلا مستنياكم
قمر الحلوين قمر الحلوين 357963_8.gif فتكات هايلة Fatakat 357963 فى الدنيا الواسعه – مصرية وافتخر