هخش في الموضوع علطول يا بنات
انا يا جماعة زايدة حوالي 22 كيلو و نص
وزني دلوقتي لسه قايساه 82 و 600 جرام و عايزة اكون على الاقل60 كيلو
المشكلة اني اتاخرت كتير عشان اخد الخطوة يعني مشيت على رجيم فترة و رجعت خبت تاني كالعادة لكن
يعني عايزة اقولكم ان الموضوع مش مستحيل
انا بتحدى نفسي و بقول اني ان شاء الله هخس في الشهر ده من 6 الى 10 كيلو
عايزة جروب معايا يكون ملتزم وياخد الموضوع بجد
مش عايزة لخبطة في الرجيم لازم نلتزم
فكرت المرة دي في فكرة هتكون حلوة اوي اننا نكسر ملل الرجيم و في نفس الوقت هنزود الحرق بتاعنا
وهي اننا نمشي على نظام رجيم كل اسبوعين و بعدين نبتدي بعدها اسبوعين تانيين بنظام رجيم تاني خالص بالطريقة دي هنكسر ملل الرجيم اننا ماشيين على نفس الرجيم كل يوم و في نفس الوقت لما نغير كميات الاكل الجسم هيحرق اكتر لاننا هنوعله في السعرات الحرارية …..انا اتحمست للفكرة دي و حاسة انها ان شاءلله هتنفع مع اجسام كتير اللي بيلاقي صعوبة في النزول بعد فترة من الرجيم وهنسمي الاسبوعين دول المرحلة الاولى
نيجي للمهم بقا
رجيمنا الاسبوعين الجايين هيكون كالاتي
الافطار
كوب زبادى + 4 ملاعق فول مدمس بزيت خفيف +نص رغيف خبز يفضل اسمر
الساعه العاشرة صباحا
حبة واحده من الفواكه أو كوب عصير طازج بدون سكر
الغداء
+نص كوب خضار مشكله مطهية ومصفية منها الدمعة + طبق سلاطه أى حجم +قطعة لحمة متوسطة أو ربع دجاجة يستحسن منزوعه الجلد ويفضل مسلوقه أو مشويه )أو سمكه وسط مشويه أو فى الفرن +4 ملاعق أرز مطهى عادى +حبة واحده فاكهه
الساعه الخامسه مساء
كوب شاى بالحليب محلى ب 2 ملعقه شاي سكر او سكر دايت بس معلقتين السكر مرة واحدة في اليوم
العشاء
بيض أومليت مقلي بمعلقة صغيرة زيت زيتون + سلاطه خضراء أو خضار مطهية . +نصف رغيف خبز أو 2 شريحه توست
قبل النوم ب 3 ساعات او اقصاها ساعتين وجبه خفيفه
كوب زبادى أو ثمره فاكهه أو خضار طازج .
ممكن تنوعي في الوجبات الخفيفة يعني مثلا
هتاخدي 120 سعر حراري و هدي امثلة
علبتين زبادي خالي الدسم او
كوباية شاي بلبن و 6 بسكوت سادة او
حبتين فاكهة ماعدا الممنوعة اللي هي التين و البلح و العنب و المانجا
و فوق كده في شوية تعليمات هنلتزم بيها
توقفي اكل قبل النوم ب 3 ساعات او ساعتين بالكتير
هنشرب 8 كوبايات مية في اليوم
كمان ممكن تنوعي في الوجبات بصفة عامة يعني بنفس كمية الاكل هتبدلي بدل البيض مثلا تونة مصفاة من الزيت جبنة دايت و هكذا…..بس التزمي بكمية الاكل
بالنسبة للرياضة هتعمليها يوميا نص ساعة و هنزلكم فيديوهات walk at home دي جميلة جدا و اكيد كلكو عارفينها من المدونة
هبتدي الرجيم بتاعي من يوم السبت عشان ادي فرصة اننا نجمع مشتركات
و الميزان هيكون يوم الجمعة اللي بعد الجاية
نسيت اقولكو مفيش وجبة فري غير بعد اسبوعين بعد كده هناخدها كل يوم جمعة
و اللي تدخل تقول وزنها كام و عايزة تكون كام
ياريت يا جماعة نكون جروب حلو وملتزم بجد انا عملت جروبات قبل كده بيتحمسو في الاخر و في الاخر مابشوفش حد فيهم تاني و بنتفرق من جديد
مبدئيا انا عايزة 15مشتركة كل واحدة هتقوللي طولها ووزنها الحالي و هدفها كام
ها نبتدي العد من دلوقتي اول مشتركة
1- كليوباترا الحياة
2- ليالي الحنين
و ان شاءلله هتابعكم انا و ليالي حبيبتي يعني انا لو مش موجودة ليالي هتابع معاكو كل حاجة ان شاءلله و هنعمل اخر الاسبوعين تقييم لنزول الوزن لكل مشتركة و نشوف معدل النزول هيكون ازاي مع كل رجيم واي رجيم نفع معانا و جاب معانا نتيجة
ها مين هيلحق يجي معانا؟؟؟؟؟؟
كليوباترا الحياة كليوباترا الحياة فتكات رائعة Fatakat 339310 مكان بعيد – ابعد ما يكون