ازيكم يا فتوكاتي الحلوين
النهاردة موضوعي بس للرفيعين اللي زي حالاتي
______
طبعا كل وحدة مليانة أو رفيعة نفسها توصل للوزن المثالي والرشاقة المطلوبة لسببين:
– عشان ترضي ذاتها وتعيش حياتها بشكل عادي
– عشان تخلص من تعليقات الناس وكلامهم اللي بين التريقة والعطف
فأنا عاوزة أقولكم وأقول لنفسي كمان إن مهما عملنا مش هنقدر نرضي كل الناس…
يعني بعد ما نتخن ونبقى رشيقات إن شاء الله هتلاقي ناس هيقولولك إيه؟؟
إيه ده؟؟شكلك كان أحلى وانتي رفيعة..مش لايق عليكي كده!!
فياريت إن شاء الله تنوي وتاخد العزيمة عشان ترضي ربنا وترضي نفسك وبسسسسس
قبل ما نبدأ أحب أنوه إن جروبنا مش هيعتمد على الأكل الكتير ولا على مفتحات الشهية..
وأحب أنوه كمان إن الجروب ده للنحيفات اللي اتأكدو إن نحافتهم مش مرضية..يعني عملو تحاليل وطلعت سليمة
فهو مناسب للفتوكات المشغولات أو اللي وراهم ثانوية عامة"زيي كده دعوااتكم"
هنعتمد على وصفات من خبيرة تغذية،وتجارب سابقة لعضوات،وتمارين رياضية خاصة بالنحافة ودي مهمممة جدا محدش يهملها.
ومتخافوش الوصفات مش تقيلة ولا كتيرة أبدا والرياضة مش هتاخد منك أكتر من ربع ساعة
ياريت تفتحو اللينكات دي وحده وحدة بالترتيب رجاء عشان تعرفو هنعمل إيه بالظبط؟
2-هنبدأ امته ؟ وهناكل إيه ؟ وهنحتاج متطلبات إيه ؟ ونظامنا هيمشي ازاي؟
3- التمارين الرياضية…ضروووري يابنات إوعوا تهربوا
4- وصفات ننصح بها..حاجات خفيفة ممكن تاكليها وانتي رايقة..وحاجات ممكن تتغدي بيها..ادخلي ادخلي
5- هنتابع بعض ازاي ؟ وهنقيم نظامنا ازاي ؟ وهنوزن نفسنا كل كام؟
6- البدااائل.. لو انتي مش هتقدري تعملي حاجة من النظام الإجباري ممكن تلاقيلها بديل هناا
وياريت لو هتشتركي معانا
تحطي اللوجو ده في توقيعك"وأحب أشكر مصممته المبدعة ملك أحمد جزاها الله خيرا:
وتكتبي بياناتك هنا في الموضوع
الاسم:براحتك حتى لو اسم العضوية
السن:
الوزن:الطول:
ومتنسوش التقييم يا قمراااات
أوتار الأمل أوتار الأمل 389751_1.gif فتكات رائعة Fatakat 389751 — – –