ازيكم يابنات
عايزين 10 بنات يلي عايزين يخسو في العيد عندنا 10 ايام ذي الحجة ايه رايكم
نصومهم نكسب ثواب ونخسس جسمنا في العيد ونشجع بعضنا علي الطاعة
النظام ده للعشر ايام ذي الحجة بس يعني حيستمر عشرة ايام نتابع مع بعضنا ونشجع بعض ايه رايكوو
ندخل علي النطام:
نظامنا حيكون تخفيف مع المشروبات ومع شوية رياضة وكلو يبقي تمام
انا حكتبلكم علي نطام مش ححدد الاكل انتو ادري بمظبخكم وايه فيه
اولا الافطار
حيكون علي 5او6 تمرات مع كوباية حليب اولبن ولو بترضعو تقدرو تزودو المقدار
علي فكرة الحليب والتمر بشبعو اوي علي الافطار
بعدها حنصلي المغرب ونعمل شغلنا اي حاجة
بعدها حنتعشي
العشا
اجباري طبق سلطة ني او مسلوق
لو ني يبقي خس جزر خيار جرجير بروكلي طماطم الموجود
لو مسلوق اعملو يلي موجود
وطبق التاني يكون صحن شوربة او ربع فرخة او قطعة ستيك او بيضين
او الموجود عندك بس خففي
بعدها نصلي العشا نقري قران ونعمل شغلنا اليومي لو دراسة اطفال او اعمال بيت
بعدها بين العشا والسحور ناكل اي حاجة نفسنا فيها بس بشرط بعد العشا بساعة والافضل ساعتين
زي ايه نشرب قهوة او شاي معاها قطعة صغير حلو قولت صغيرة ههه لو عندك او بسكويت قطعتين
والافضل ناكل فواكه تفاح او برتقال او كيوي اوكمتري او موزة
والسحور
حناكل
1 زبادي مع قطعة فاكهة او قطعة توست مع جبنة قريش
او تلات ملاعق فول مع قطعت توست واي حاجة موجودة بس ياريت خفيفة
او فواكه لو عايزين
المشوبات مرتين مرة بعد العشا ومرة قبل الامساك
وانا عجبني المشروب يلي قالت عليه الفتوكة لبنة ربنا يباركلنا فيها في الرابط ده
https://fatakat.univanet.com/#2127609
او مشروب الشاي الاخضر بالقرفة والزنجبيل
والرياضة علي الاقل ربع او نص ساعة مشي ولو في المكان نفسه
او 10 دقايق تمارين البطن و 10 دقائق للارداف
حنوزن قبل مانبتدي ونسجل وياريت المقاسات علشان نكون ادق وحنحط في حسابنا مش حنوزن العشر الايام دول
يعني الوزن يوم الوقفة او العيد الصبح وتبقي الفرحة فرحتين
وحنعمل درجات:
الالتزام والتحفيف 2
شرب 2 لتر ماء 1
المشروبات 1
الرياضة 2
الصلاة 1
النوافل 1
الاستغفار طول اليوم 1
قراءة القران ولو صفحة3
يعني عندنا 12 الدرجة ويلي يقل درجات يومها عن 8 ياويلها مننا ح تتبهدل بهدلة
يابنات عايزين نلتزم علشان يجي العيد وانتو عارفين عيد الاضحي ازاي كلو اكل
عايزين نعملو حسابنا من دلوقتي ها من معايا
ها مين معايا عايزين عشرة بنات وبس علشان نقدر نتابع مع بعض من غير لخبطة
وانا حبتدي من بكرة
التمارين
تمارين المشي في البيت
وده تمارين البطن
وده للجزء السفلي
يلا يابنات يلي عايز يشترك ضروري الالتزام تقول وزنها وطولها ومقاسات البطن والارداف لو موجودين
وماتنسوش التقييم يلا بينا
ام عبد المهيمن 2 ام عبد المهيمن 2 466289_2.gif سوبر فتكات Fatakat 466289 دنفر – الولايات المتحدة الامريكية