بالرغم من ان فصل الصيف هو من انسب الاوقات عشان نعمل دايت و نخس احيانا بنلاقى نفسنا وزننا بيزيد
ليه بقى؟؟؟؟ لاننا بنلاقى ان مواعيد النوم و الصحيان باظت عشان الاجازات و بنسهر جاااامد دة غير طبعا الوجبات الجاهزة و السريعة و المياه الغازية و الايس كريم و الحلويات اللى بناخدهم بكميات كبيرة …….الخ الخ
طيب يبقى لازم نعرف اية هيا اسباب زيادة الوزن فى الصيف و ازاى نعالجها
1_تناول الايس كريم و هو يعتبر مصدر للدهون و السعرات و لما يتاكل بكميات كبيرة يساعد على ظهور الامراض خصوصا السمنه ده غير امراض القلب و الشرايين
2_ المياه الغازية دى طبعا بتحتوى على حامض الفوسفوريك و دى مادة بتساعد على ترسيب المعادن فى الجسم دون امتصاصها بالاضافه الى ان تناولها على معدة فاضية يسبب المشاكل الهضمية و ارتفاع دهون الدم الثلاثية
طيب يا ترى ممكن نستبدلهم بايـــــــــه ؟؟ عندنا المشروبات الصحية اللى بتنفع الجسم من اهمها المياه دة غير العصاير الفريش و عصاير الفاكهة و الخضار و كمان المشروبات الشعبية زى الكركدية و الدوم دة بيخفض الضغط و البردقوش دى كلها اعشاب مفيدة للجسم و الاعصاب
3_ السهر و النوم متأخر و الصحيان متأخر دة طبعا بيأثر جداا لانه معروف ان الحرق فى فترة الصباح افضل بكتيير من بعد كدة عشان كدة م هنقول لازم ننام بدرى اوى بس على الاقل على الساعة 12 مثلا و لازم ننام 8 ساعات كاملين
يبقى تنظيم ساعات النوم هيدى فرصة لينا عشان تنظيم الوجبات اليوميه و النشاط اما الجلوس امام الكمبيوتر او التلفزيون كفاية او ساعتين او تلاته بالكتير فى اليوم
^
^
^
دة بقى رجييم لفترة الصيف
رجييم معتدل جداا و متوازن و فيه كل العناصر
سناك الفطار
2 ثمرة فاكهة و كوب نكافية او شاى باللبن
الفطار من الساعة 10 _ 11
اختيار أحد الوجبات الآتية :
* (بيضة أومليت أو ملعقتين فول أو ملعقتين تونة أو ملعقتين جبن قريش بالزبادي) – بفلفل رومي ،زيتون ،بصل ،بقدونس ،مشروم ،ملفوف "كرنب".
في وش رغيف بلدي خيار وطماطم ثمرة فاكهة أو كوب نسكافيه بلبن.
* 3 ملاعق كورن فليكس بني ثمرة فاكهة زبدية أو علبة لبن رائب.
* 3 ملاعق بليلة ثمرة فاكهة أو ملعقتين فول.
* ثمرة فاكهة طعمية في الفرن خيار ، طماطم خس خيار.
وجبة الغداء
– سلطة خضراء قطعة سمك كبيرة ربع رغيف بلدي ثمرتين.
– سلطة خضراء علبة تونة 1/4 رغيف.
– سلطة ضراء 3 ملاعق ذرة حلوة قطعة دجاج.
– سلطة خضراء جبن قريش ربع رغيف.
– سلطة مكرونة ( 3 ملاعق مكرونة مشروم زيتون مكعبات دجاج مقطعة زيت زيتون سلطة الفاصوليا الناشفة) أو ( زيتون مكعبات دجاج مقطعة زيت زيتون).
– أسياخ الدجاج المشوي متبلة بالزبادي مع طبق سلطة ربع رغيف طبق خضار مطبوخ.
ملحوظة : يمكنك إضافة أي نوع من الشوربات.
سناك
زبادي أو خيار خس طماطم أو ثمرة فاكهة الماء.
وجبة العشاء
– زبادي 2-3 ثمرة فاكهة.
– شريحة بطيخ زبادي أو جبنة قريش بالخيار.
– ثمرة كنتالوب زبادي.
– كوز ذرة مشوي أو مسلوق شاي بلبن.
– 1/4 رغيف بلدي 2 ملعقة جبن قريش سلطة كوب شاي بلبن.
– 1/4 رغيف بلدي ملعقتين فول أو ملعقتين حمص أو ملعقة ذرة حلوة أو ملعقتين تونة.
و مع النظام دة هنحاول نتمشى كل يوم نص ساعة او يوم و يوم ساعة و شرب 8 كوبايات مايه على الاقل فى اليوم
يا رب الموضوع يعجبكم
ادعولى اخس بقى
ملطووووووووش بس عليه اضافات
هنا2017 هنا2017 194266_11.gif فتكات ست الكل Fatakat 194266 الجيزة – مصر