كل عروسة تدخل معلومات تفيدك ياعروسة عن الجهاااااز ادخلي لحسن والله هتندمي -للعروس 2024.

مساء الخيرات

احب امسي علة احلى مدونة في الدنيا وزي ماانا استفادت منكم هفيدكم بااذن الل باللي اعرفه وبالنهائي

هنا هنتكلم ياقمرات عن الجهاز

هنتكلم عن كل شئ يخص الجهاز من حاجات مطبخ لنيش لمفروشات للبس وعن اعداد وماركات

وهنجزأ كل ده لاقسام علشان العرايس القمرات يستفادوا واللي عنده معلومة جديدة يدخل يقولها علشان الكل يستفاد

بس قبل مااكتب كلمة ايدك الحلوة ديه وفوق وتقيمي علشان الموضوع يتثبت ويبقى مرجع لكل العرايس المحتاسات

اولا حاجات المطبخ وده الهم التقييييييييل
عاااااااااااااااا
بصي ياستي انا هكتبلك الاساسيات والماركات اللي وصلتلها بعد فحص وتمحيص

اولا الحلل وصواني الفرن والطاسات :

تنقسم الحلل وصواني الفرن والطاسات الى :

1_ تيفال 2_ سيراميك 3_ استانلس 4_ الامونيوم

5_ بايركس 6- اركوبال 7_ صاج

طبعا انتي مش هتجيبي كل ده انتي هتجيبي نوعين بس من الحلل ديه

هنتكلم بقى عن كل نوع

التيفال :
خصائصه : لم يلتصق به الطعام _ سهل التنظيف والغسيل
عيوبه : لو اتجرح بيبقى مضر جدااااااااااااا

احسن ماركات :

1_سافلون التركي 2_زهران 3_ارشيا الالماني

ولو هتجيبي التيفال هاتي سافلون مع ان ارشيا الالماني احسنهم جودة بس صعب تلاقيها لان التقليد منهاااا كتييييييييير والصيني منها كتييييير فخليكي في المضمون اما سافلون او زهران
وانا رأيي سافلون التركي احسن من زهران

السيراميك :
نفس خصائص التيفال بالظبط لم يلتصق به الطعام _سهل التنظيف والغسيل_يستعمل له معالق خشب_يغسل بسفنجه
ومن مميزاته ايضاااااا: انه اصح من لتيفال بكتييييييير وعمره اطول من التيفال بكتيييييير وكمان ان اتجرح مش مضر ولا حاجة زي التيفال اللي لو اتجرح بيبقى مضر جداااااا

احسن الماركات :
1_بادريني الايطالي 2_فالز التركي

وطبعا بادريني الايطالي احسن من التركي بس غالي اوي بس فالز التركي اسعاره كويسة يغلى عن تيفال سافلون التركي 20 جنيه مثلا في كل قطعة

الاستانلس :
ده بقى من وجهة نظري احسن من الالامونيوم

واحسن ماركاته

1_المصانع الحربية 2_زهران

بس نصيحتي استانلس المصانع الحربية لا يعلى عليه في كل شئ الحلة تقيلة والقاعدة نفسها سميكة ومتركبلة قاعدة منفصلة من الالامونيوم من بره علشان تضمن توزيع الحرارة وان الاكل ميتحرقش ومش يشيط

يعني استانلس المصانع تحفففففففة ووهم في كل شئ وتمنه اقل من تمن زهران تقريبا تمنه نص تمن زهران بل هو احلى من زهران

الالامونيوم :
ده بقى مش صحي بالمرة وماانصحكيش بيه خالص

بس احسن ماركاته :

1-الدهان شيف 2_الاهرام 3_ المصانع الحربية

البايركس والاركوبال :
حلل صحية وشيك وجميلة بس عيبها انها مش معمرة

واحسن ماركاتها على الاطلاق :

ماركة بايركس فرنساوي الصنع طبعا حاجة لا يعلى عليهاااااااا

الصاج :
ده مالوش اي تلاتين لازمة
ولو هتجيبيه بغرض التخزين في التلاجه فهاتي العلب البلاستيك للجبن وغيره وفيه طقم تلاجة بيبقى ازاز كده بيبقى في حدود 15 جنيه هاتيه وشيلي فيه حبة طبيخ متبقيين او حبة رز كده انما الصاج مالوش لازمة

الصاج المطلي تيفال :
مالوش اي لازمة برضوه ليه بقى قولتيلي ليه لان اولا انتي هتجيبي تيفال او سيراميك فالصاج المطلي تيفال كده هيبقى مالوش داعي
غير ان الصاج المطلي تيفال بيتقشر بسرعة ومش هيعيش معاكي سنة على بعضيها فماانصحكيش تجيبيه خالص

تعالي بقى اقولك تشتري ايه حلل وصواني فرن :

1_ هاتي طقم حلل استانلس المصانع الحربية 5 حلل مقاسات ( 16 _ 20 _ 24 _ 26 _ 28 )
لان هما دول المقاسات الموجودة عندهم بس

وهاتي كزرولة استانلس مقاس 22 مثلا

وديه شكلها بس خلي بالك ديه مستعملة من فترة مش جديدة يعني علشان كده شكلها مش بيلمع زي الجديد

2_ هاتي 3 حلل سيراميك مقاس ( 20 و 24 و 28 ) ماركة بادريني الايطالي او فالز التركي لو مالاقتيهاش
وبلاش التيفال لان السيراميك صحي عن التيفال وكمان زيه زي التيفال بالظبط من حيث انه مش بيلزق فيه اكل وسهل التنظيف والغسيل وبتستعمليله معالق خشب وهكذاااااا انما التيفال لو اتجرح بس خلااااص الحلة كده مينفعش تستعمليها تاني بتاتا لانها بتعمل كانسر

وده شكلل حلل سيراميك بادريني الايطالي

وده شكل حلل سيراميك فالز التركي

الصواني الفرن :

1_ هاتي طقم صواني الامونيوم مدور 2_ طقم صواني الامونيوم مستطيل

3_طقم صواني بيتزا فخار بيطلع البيتزا واو

4-طقم صواني بايركس بيضاوي او مستطيل

بسسسسس كده وبلاش الصواني التيفال لانها مش عملية وهتتجرح بسرعة لان اغلب الاكلات اللي بتتعمل صواني في الفرن بتحتاج تتقطع والتقطيع ده هيجرحلك التيفال في الصواني

5_ 2 طاجن فخار واحد كبير وواحد وسط و 6 برام فخار صغير لام علي وخلافه

الطاسات :

1_ هاتي 2 طاسة سيراميك ( 30 و 18 ) مقاس 18 للتقلية بتاعة التومة ومقاس 30 للقلي بقى اي حاجة

ولو عايزة تزودي طاسات هاتي مقاس 26 بس انا شايفة ان اتنين المقاسات اللي فوق ديه كفاية اوي

بس كده هاااااااااااااا اكمل باقي حاجات المطبخ في الكوبايات والاطباق والصيني وكده ولاااااااااااااا

لو شوفت مشاركات حلوة وكتير هكمل

المشاركات الهامة
#2

#5

#11

#20

#25

#28

#105

#147

#178

مشاركات البنات

#44

#108

roona roony roona roony 575049_2.gif فتكات رائعة Fatakat 575049 القاهرة – مصر

سبحان الله و بحمده