ماما من عشروميت سنه قالت اجهز بنتى الوحيده وانا كنت لسه بعملها ع روحى اصلا جابتلى طقم صينى يبانى معرفش اجيبه دلوقتى هتقوا فين المشكله الشكل يا بنات قديم طبعا وكده مينفعش للنيش وفى الناس الوقت كان غالى جدا وقتها حرام المهم هو مدور وفيه ورده بمبى رقيق قولت خلاص للمطبخ بقى اجى ابص ع الاسعار اقل اقل اقل حاجه عجبتنى 1750 !! وبعدين 2024 وكده !!
المهم كنت فى مول كده لاقيت عرض ع اطقم العشا البروسلين تقريبا !! مبعرفش فى الخامات
المهم شوفت الشكل ده بالظبط وكنت هجيبه بس ملقتش ليه بواقى فى الفردانى
بعدعا لاقيت الطقم ده بس المستكنيس منه اللى هو مايع فى نفسه كده وببوز من الجنب
جبت التانى ده عشان لاقيت منه بوليه الشوربه الكبيره فردانى ولقيت الملاحات فردانى ولاقيت بوله الفروت سلاط فردانى كبيره كده جبتها برضه ولاقيت طقم فناجين شاى ليه بالاطباق برضه فردانى
تمام !! حسبتها ازاى انا !! ان كده كده الصينى كله مبيتحطش فى النيش واللى جبته ده هيغرقلى النيش ومحدش هيعرف انه مش طقم وكده والله شيك اوى وحرام ابقى جايبه طقم غالى واجيب كمان طقم غالى
ناقصنى بس يا بنات براد ادعولى الاقيه ولو ملقتوش مش ازمه يعنى عادى
اتكلف عليا كام بقى !!
450 طقم العشا
100 طقم الشاى
20 ملاحات
40 بوله فروت سلاط
60 بوله شوبه
مكملش 700 جنيه
والبنات اللى هتقولى لازم الصينى يبقى معرفش ايه وماركته ايه بصى يا حبيبتى انتى حاطه طبق شكله حلو فى النيش الناس هتيجى تقلبه تشوف صنع فين وامتى وليه !!
تفاحه مصر تفاحه مصر سوبر فتكات Fatakat 328476 المنصوره – مصر