سبحان الله وبحمده.. سبحان الله العظيم
انا عارفة ان الموضوع دا مش جديد على كتير منكو وعارفينو من زمان بس فى بنات قالت انهم لسة بيجهزو ومعندهمش اى معلومات خالص وكمان
وانا بسالكو ف اعداد المفارش اللى تتجاب لقيت فى فتوكات ميعرفوش المطبوع اللى اقصدو وبيسالو فقولت افيدكو
طبعا انا كنت عملت موضوع عن انو منجبش حاجة ملهاش لزمة وفى منكو طلبو انى اكمل ودا كان لينك الموضوع
https://fatakat.univanet.com/#5093597
ومن ضمن الحاجات اللى مش هستخدمها فبالتالى مش هجيبها (عشان الكركبة والفلوس عالفاضى) نوع معين من الملايات اللى هو المطرز القديم وهشرحلكو الفرق بين الانواع دلوقتى وهستبدلو بلالنواع المودرن فقط المنقوشة الجميلة وهشرحلكو دلوقتى بالتفصيل
تنقسم انواع الملايات والالحفة والمفروشات والعفش كلو اصلا والديكور بشكل عام الى نوعين : مودرن و كلاسيك ..
وعشان نحب بعض ومنزعلش من بعض ابوس راسكو اللى تفرش مودرن تكمل جميلها للاخر بمودرن واللى تفرش كلاسيك برضو متدهلش فيه مودرن وانا عن نفسى بفضل المودرن
1- من ناحية التوفير بيوفر جامد سواء اخشاب فبنستخدم خشب اقل او لو ملايات بيبقى الكلاسيك اغلى عشان التطريز ولو لوح او تابلوهات برضو المودرن ارخص
2- من ناحية الذوق : اشيك بكتييييييييييييير والله بلا منافس او منازع ولول انتى حتى ملكيش ف الديكور المودرن هيفرش نفسو بنفسو
3- بيوحى بالبساطة والفخامة وبيدى راحة نفسية وبيبعد الاحساس بالكركبة وبيوحى بالهدوء والاهم من دا البهجة ف الالوان وعدم التقيد
4- اهم سبب بقى سهولة التنضيف تعالى كدا نضفى صالون مدهب بتعرجات كتير ف الخشب وصالون تانى مودرن مفيهوش اى تعرجات او حفورات اصلا مش هتلاقى تراب عشان تمسحيه
5- بالنسبة للمفروشات المطرز غالى بسبب التطريز دا غير صعوبة النوم عليه وبيبقى منظر فقط دا غير انو بيكون سادة فالشكل بيكون كئيب ومش مبهج دا غير انو لو ايدك نقطت نقطة مية فقط بيبان لانو سادة فبيبان بقعة معينة هنا ونشفت انما المنقوش المودرن مش بيبان فيه الحاجت البسيطة دى واللى مش هتخليكى تلمى الطقم كلو وتغسليه لمجرد نقطة مية بسيطة وهو نضيف اصلا وبالتالى بيستهلك ويبوظ
يعنى لو فارشة ملاية كلها رسومات ووقع عليها نقطة كريم نضيفة وكل حاجة مش هتبان وهتستنى لما تنضفيها ف وقتها العادى انما لو وقعت نفس النقطة على حاجة سادة هتبان بقعة واضحة ومبقعة وشكلها هيبقى مقرف وجوزك هيقول مهملة وهتضرى تعدى تشيلى وتغسلى وتهلكى وتحطى (طبعا مش بقول هنسيب الماية لحد ما تتبهدل بس نقطة مية او حاجة بسيطة مش سبب كافى عشان نشيلها كلها ونغسلها انما لو سادة فحنا مجبرين عشان المنظر)
بالنسبة بقى للكلاسيك دا فى منها المطرز اللى هو ممكن يفك او عالاقل يشوك ولو هتدخلى الملاية تحت المرتبة يبقى النقشة مش هتبان ودا اشكالو
[IMG][IMG]
[/IMG][/IMG]
[IMG]
[/IMG]
اما المودرن او المطبوع او المنقوش بقى دا اشكالو :
[IMG]
[/IMG]
[IMG]
[/IMG]
والصورتين اللى جاين دول بجد هيجننونى واعتقد هيخلوكو تغيرو رايكو وتجيبو مودرن
وفى كمان مفارش عروسة مودرن وبسيطة وممكن الواحد ينام عليها ويتغطى بيها اهو يحلل تمنها بدل المفرش اللى مليان هيصة ومينفعش للاستخدام الادمى لو جبنا حاجة مودرن نقدر نستخدمها ونحلل حقها زى دول كدا :
وفى فتوكة هنا حاطة صور ملايات كلها مودرن او مطبوعة او منقوشة (كلهم واحد) بجد يخلو اى واحد بفرش مودرن اهو
https://fatakat.univanet.com/#5090045
وعلى فكرة انا جبت ملاية وحدة بس مطرزة عشان كلام الناس والهيصة دى احطهالهم ف الاول وبعد كدا اح على مزاجى ودا حل وسط للى عاوز وجبتها ب 230 جنيه وجبت من نفس نوع القماش واحدة تانية نفس الحجم والنوع والماركة ومودرن ب 110 الفرق كلو فقط ف التطريز يعنى الضعف بالظبت يعنى لو هتجيبى مثلا مودرن اعملى حسابك على 1000 تكفى اطقم الملايات لو هتعملى مطرز اعملى حسابك على 2024 وكان طقم العامرية على فكرة اللى جبت منو المودرن والمطرز
قولولى بقى نويتو على المودرن ولا الكلاسيك
ومش طالبة منكو غير دعوة بالزوج الصالح عاجلا غير اجل
ana-soso ana-soso فتكات هايلة Fatakat 779536 بلدى – بلدى