الموضوع دة لكل اللى بيحتارو فى البرفانات انا عملتهملكم عشان كل اللى بيحتارو زى ماعملتلكم موضوع قبل كدة لكل اللى بيحتارو بين البوكيهات الطبيعى والصناعى
ولينك الموضوع التانى اهوة https://fatakat.univanet.com/#4718791
طبعا كلنا بنحب نجيب حاجة ريحتها حلوة وشكلها شيك وثابتة وكمان سعرها معقول
انا بحب برفانات اوريفليم وايفون بس خصوصا اوريفليم
بس طبعا بنجبها اما بيبقى عليها عروض حلوة غير كدة اوعو تشترو
وفى برفانات من شركات تانية بردة معروفة بتبقى حلوة
فى برفانات مبيختلفش عليها اتنين
وفى برفانات ناس بتحبها وناس مش بتحبها زى البرفانات السويتى مثلا
وفى ناس بتميل للسويتى والفلورى
انا هقولكم الحاجات اللى بتعجب معظم الناس وهحاول احطلكم اسعار على قد مااقدر
يلا نبتدى
هبدأ بالبرفانات الاول اللى انا اشتريتها من محلات وبعدين برفانات اورفليم وايفون
1) دة برفان من شركة اسمها Mr ب 70 جنية بس فى ناس بيبيعوة ب 80 و 85 البرفان دة تحفة ياجماعة كانت ريحتة جميله اووووى اوووى
بس محبتش شكله اوى بس هو جميل فعلا
الثبات بقى معرفش الصراحة لانى مشترتهوش لان شكل الازازة معجبتنيش وصحبتى قالتلى دى شكلها وحش بس البرفان كان عاجبنى اوووى
2) دة برفان جوتشى كان اوريجينال بردة ريحتة وهممم وطبعا ثابت جدا وشكلها تحفة كانت ب 500 جنية
3) دة برفان جيس بردة جميل اوى وثابت بس معرفش سعرة كام لان ماما كانت جيباهولى وهى فى العمرة بس هو جميل على فكرة
4) دة برفان فرانك اوليفير بردة ناس كتير اوى حبتة جدا وانا حبيتة انا وصحابى كلنا وهو ب 100 او 110 بس بردة حلوة اوووى
5) برفان CH البينك بصراحة انا بحبة جدااااااااا اللى انا كنت جيباة دة هاى كوبى لانة كان ب 90 جنية بس انا بحبة جدا وهموت والاقية تانى
6) البرفان دة حلو وثابت ماما بردة كانت جيباهولى من السعودية وسألت علية واحددة هنا فى المول قالتلى ب 190 بس سألت عند واحد عندنا قالى ازاى دة ب 85 جنية بس معرفش مين فيهم اللى بيضحك عليا بس البرفان حلو اوى
تانى حاجة بقى برفانات اوريفليم
برفانات اوريفليم انا بحبها جدا بس مش كلها ثابتة
وكمان ازازتها صغيرة اوى وانا عينى فارغة شويه فى البرفانات
بس بصراحة معظمها جميل وهبدأ بلاحلى مع ان اللى استعملتهم كلهم حلوين والله
1) جريس الموف
دة بيسموة البرفان الملكى هو فعلا فظيع وثاابت وشكل الازازة تحفة حتى العلبة اللى محطوط فيها الازازة جميله اوووى هو بينزل فى البروشور ب300 وشوية بس بعد الخصم بيكون ب 200 وفى ناس بتبيعة بسعر العضوية انا بصراحة المرة اللى اشتريتة كان ب 100 جنية جدعة جبتة رخيص
2) برفان جوردانى وايت
بردة من البرفانات اللى ميختلفش عليها اتنين وثابت انا بصراحة بحبة جدا مجربتش الصراحة الجولد بس الوايت تحفة
لو جبتية من حد جمله وبيبيع بسعر العضوية بيكون ب 75 جنية تقريبا
3) برفان برشيوس مومنت جميل ومن البرفانات اللى ميختلفش عليها اتنين ومعاه خاتم هدية وكمان لما بترشى منة بيطلع برونز فى المكان اللى بتروشية وهو ريحتة جميله بس مشكلتة انة مش ثابن بس والله اما بيتعتق كتير بيثبت وانا بنفسى جربت بس الصراحة كنت معتقاه حوالى سنة او اكتر مش فاكرة الصراحة كان سعرة كام
4) برفان ميس او اللبنى او البينك الاتنين حلوين اوووى بس ثباتهم قليل شوية عن بقيت البرفانات التانية ومجربتش اعتقهم بصراحة الاتنين ريحتهم حلوة الفرق اللى بينهم ان اللبنى سويتى اوى اكتر من البينك يعنى اللى بتحب السويتى اوى تستخدم اللبنى انما اللى مش بيحبو السويتى اوى يستخدمو البينك هو انا بجيبة ب 75 جنية انما هو عند معظم الناس ب 90 او كدة
5) برفان فيلسيتشى مش كل الناس بتحبة عشان هو سويتى شوية فمش كل الناس بتحبة وبردة مش فاكرة سعره
6) برفان ميد سمر حلو ورقيق اوى وهادى وريحتة جميله بردة كنت جيباة ب 70
7) برفان انجيميا النبيتى شكل الازازة حلو اوى بس الصراحة انا محبتهوش لانة تقيل اوووى وشتوى وانا مبحبش البرفانات التقيلة اوى دى بس هو بينفع للعرايس ومجربتش البينك بتاعة
انا معرفتش احط الصورة لانة مش مسموح غير ب 20 صورة بس طبعا هى معروفة
8) برفان لافرز هو حلو بس سويتى اوى عشان الناس اللى مبتحبش السويتى متجبهوش
انا معرفتش احط الصورة لانة مش مسموح غير ب 20 صورة بس
9)برفان دانسينج ليدى بردة محبتهاش خالص مع ان شكل الازازة تحفة بس انا محبتهاش
كدة انا خلصت برفانات اوريفليم فى ناس بتقول ان برفان امبير اليكسر ولافرز انا جربتة هو سويتى اوى وفى ناس مبتحبش السويتى بس انا الصراحة حبيتة لانة ريحتة حلوة بتاع اوريفليم حلو اوى بس انا بصراحة مقدرش اقول لانى مجربتوش
ندخل بقى على اخر حاجة برفانات ايفون
انا مجربتش الصراحة حاجات كتير فى ايفون فهقولكم على اللى جربتة
1)برفان فاراوى دريم بصراحة انا حبتها اكتر من فاراوى العادية بكتتتتير التانية بصراحة محبتهاش بس دى حلوة وثابتة
2)برفان سيكريت فنتازى بحبة اوى بس هو سريتى شوية عشان فى ناس مش بتحب السويتى بصو هو بعد الخصم بيوصل ل 55 جنية بس انا بقى ساعات بجيبة ب 45 بس من عند واحد بيبيع بسعر العضوية
3) انكانديس حلو اوى وكل الناس بردة بتحبة انا بجيبة ب 40 جنية فى ناس بتبيعة ب 50 بس انا بجيبة كتير ب 40
بالمناسبة مرة كنت داخلة محل والراجل مفكرنى عبيطة وبسأل علية لقيتة بيقولى ب 140 جنية فضلت اضحك
انا بستعمل القديمة بصراحة الجديدة مجربتهاش
انا معرفتش احط الصورة لانة مش مسموح غير ب 20 صورة بس
4) برفان ويش اوف لاف حلو بس هااااااااادى اوووووووووى عشان كدة مبحبوش لانة هااادى زيادة عن اللزوم
انا معرفتش احط الصورة لانة مش مسموح غير ب 20 صورة بس
انا كدة خلصت ربنا يوفق الجميع
انا عوزاكم تدعولى دعوة حلوة باى باى التقيم تحت اهوة
aya mourad aya mourad 931095_3.gif فتكات متميزة Fatakat 931095 طنطا – مصر