سيداتى آنساتى الفتوكات يسعدنى أنا مراسلتكم rannon
أن أواصل البث المباشر والحصرى لمنتدنا الغالى وذلك من جوة أوضتى المتواضعة اللى بتتشرف يومياً بزيارتكم ليها وأنقل لكم تقرير جديد عن جهازى وكعادتى معكم بالصور المملة وبالأسعار للإستفادة الكاملة وذلك على أمل أن تنال حاجاتى البسيطة إعجابكو .
ودى روابط التقارير السابقة للفتوكة اللى عايزة تكون متابعة ..
التقرير 1
https://fatakat.univanet.com/#2832181
التقرير 2
https://fatakat.univanet.com/#2832872
التقرير 3
https://fatakat.univanet.com/#2835982
التقرير 4
https://fatakat.univanet.com/#2839829
التقرير 5
https://fatakat.univanet.com/#2875282
ونبدأ بسم الله …
1- طقم طواجن فرن فخار أشتريته من الفيوم البياع كان طالب فيه 65 جنيه بس أنا فاصلت معاه وأخدته بـ40 جنيه
2- قلاية ألومنيوم بالشبكة بتاعتها وكمان بغطا ( سعرها 40 جنيه )
3- ماكينة عمل البتيفور ( سعرها 18 جنيه )
4- صفاية معالق إستانلس ( سعرها 12 جنيه )
5- طبق كبير زجاج ( سعره 30 جنيه )
6- أداة فصل البيض ( سعرها 11 جنيه )
7- قوالب سليكون على شكل قلوب صغيرة ( سعر القالب 7.5 جنيه )
8- طقم أطباق أركوبال 7 قطع ( سعره 27 جنيه )
9- طقم زجاجات للزيت والخل + 2 ملاحة ( سعره 6.5 جنيه )
10- مجات زجاج منقوشة ( سعرها 15 جنيه )
11- طقم أطباق برسولين تركى ألوان بيتباع بالقطعة أنا أشتريت المقاسات اللى بنستخدمها أكتر وجبت من كل مقاس 6 قطع على لونين ( الأصفر والكافيه ) الطقم على بعضه إجمالى سعره 400 جنيه
12- طقم طواجن بيركس مستطيلة 3 مقاسات ( سعره 158 جنيه )
13- طفاية للديكور ( أنا مش أشترتها أخدتها من ماما كانت جايبة كام واحدة من السعودية وأخدت دى )
14- جريل بتتحط على البوتاجاز ( سعرها 137 جنيه )
15- طاجن فرن أركوبال بغطا بيركس ( دا برضه مش أشتريته ماما ربنا يخليها قالتلى خديه أصل عارفة إن بنتها مجنونة مطبخ )
16- طقم شوب عصير كاروه 6 قطع ( سعره 15 جنيه )
17- طقم شوب عصير مقلم (سعره 23 جنيه )
18- طاسات صغيرة أنا شرياها البرتقالى علشان التقلية والصفراء علشان البيض المقلى طبعاً هتستغربو أنا عارفة ( سعر الطاسة الواحدة 25 جنيه )
إلى هنا ينتهى تقرير اليوم على وعد بتقرير جديد قريباً
مع طلبى الاخير المعتاد وهو دعوة بظهر الغيب أن ربنا يرزقنى الزوج الصالح التقى عاجلاً غير آجل ,,,
وإلى لقاء قريباً إن شاء الله ……..
rannon rannon 437859_16.gif سوبر فتكات Fatakat 437859 جوة أوضتى – فى مصر حبيبتى