السلام عليكم
ازيكم يابنات انا مستجده هنا فى القسم وده اول موضوع ليا علشان اول حاجه اجيبها فى جهازى وعايزه اشاركم معايا واخد رأيكوا
واهو الى لسه مجابتش تستفاد وتاخد خبره
انا جبت الاجهزه يوم السبت الى فات من كارفور مصر اسكندريه وهايبر بس الاغلب من هيبر لانى لقيت فيه الى انا عايزاه
واشتريتهم السبت ووصلهولى النهارده وبياخد مصاريف توصيل 70 جنيه اكيد على حسب العنوان وكمان بيديكى فتره شهر لو الجهاز فيه حاجه توديهولهم هيبر نفسه ولو بعد الشهر تبقى شركه الضمان وطبعا دى ميزه كويسه وكارفور زيه بس 14 يوم
نبتدى بأسم الله
1- البوتجاز
انا جبت يونيون تك icook ياجمالو ياجمالو وهو عند اخويا وبيشكر فيه وناس كتيره شكرت فيه بصراحه وهو فى منه 80 سم و 90 سم والاتنين 5 عيون عادى بس فرق بسيط فى الطول والاكبر اغلى بحوالى 300 جنيه – انا جبت 80 سم من هيبر ب 2799 جنيه
2- الغساله
LG – جبت 7 كيلو فول اوتوماتيك مع انى فكرت كتير اجيب فوق اوتوماتيك بس خفت مع انى نفسى فيها يلا بقى الخيره فيما اختاره الله هى طبعا فى منها الكورى والتايلاندى والفرق بينهم كان 600 جنيه بس انا جبت التايلاندى لان الاتنين نفس الشركه يعنى ممكن يكون الفرق علشان الناس ضامنه الكورى اكتر – هى برده عند اخويا ومراته بتشكر فيها جدا وملهاش صوت تقريبا – انا جبت اللون الابيض لانى بحبه اكتر من السيلفر وبيبقى ارخص كمان سعرها 2890 جنيه من هيبر
3- الثلاجه
LG برده بصراحه الماركه دى نضيفه جدا واسعارها كويسه جبت ال 14 قدم هى مش واسعه طبعا بس معقوله جدا فى احجام تانيه اكبر واوسع بس طبعا اسعار مضاعفه وانا شايفه ياجماعه ان الواحد فى بدايه حياته يجيب حاجه على اده وفى المعقول مع انى الحمد لله مش مزنوقه فى الفلوس بس خير الامور الوسط – جبت الابيض طبعا علشان زى ماقولتلكوا بحبه اكتر من السيلفر سعرها 2990 من هيبر والسليفر كانت اغلى ب 200 جنيه كده
دى الحجات التقيلهه هبقى اكملكوا الباقى ان شاء الله قولولى رأيكوا يابنات وياريت تفيدونى فى العفش انا عايزه افرش مودرن ودايخه ومش لاقيه حاجه عجبانى وتبقى خشبها مضمون
والى عايزه تسأل فى اى حاجه تسأل براحتها
نور التركيه نور التركيه فتكات نشيطة Fatakat 193531 الجيزه – مصر