ازيكم يا عروسات فتكات القمرات
بصو يا قمرات
انا قولت اعلم فتوكاتى حبايبى طريقه عمل منديل كتب الكتاب عشان اللى عيزه تعمله لنفسها
اول حاجه الادوات اللى محتاجنها
قماش ستان ابيض هاتى نوع حلو وناعم بلاش بتاع المكتبات هاتى من عند بتوع القماش محتاجين 40 فى 40 بس طبعا الراجل مش هيرضى يديكى اقل من نص متر فهاتى نص متر وبالمازوره قيسى 40 سم طول و40 عرض وقصى
محتاجين كمان مسدس شمع بس يكون نوعه حاو وبلاش الصينى لانه بيبوظ من اول مره التايوانى ماشاء الله بيستحمل اللى لونه بيبقى ازرق مش اسود
محتاجين برونز اى لون تحبيه ويفضل يبقى لون فستانك او فضى او دهبى بيتباع فى المكتبات هاتى ازازه بلاش كيس لانك هتحتاجى اكياس كتير وهتتكلفى اكتر
محتاجين شمعتين للمسدس
بصى يا ستى
هتجيبى قطعه قماش 40 فى 40
هتوديها لاى حد من اللى بيصلحو الهدوم او بيفصلو وقوليلو اعملها لى اوفر عشان مش تفزر منك
الخطوه المهمه بقه بتاعت الكتابه هاتى صوره للايه الكريمه ( ومن اياته ان خلق لكم من انفسكم ازواجا لتسكنوا اليه وجعل بينكم موده ورحمه )واطبعيها
زى دى بس اى شكل تحبيه وتحسيه سهل
فى ناس بتكتب بالكربون على القماش وبعدين تدوس عليه وانا مش بفضل دى لانى جربتها كذا مره الكربون بيبقى باين
الافضل بقه انك تحطى قدامك الصوره وترسمى زيها ولو غلطى متخافين بيتشال بسهوله اول ما ينشف بس اوى تشيليه وهو طرى هيبوظ الدنيا
هترسمى كل كلمه او كل حرفين تلاته حسب سخونه المسدس وقبل ما ينشف الشمع ترشى عليه برونز رشى على الجزء كله وبعدين نفضى الجزء هتلاقى الكلام اللى كتباه هو بس اللى لزق عليه البرونز والباقى نزل وهكذا لحد ما تخلصى
وبعدين تكتبى اسمك انتى وخطيبك وتكتبى زواج سعيد
وتزينى الجوانب بفصوص او كريستالات خرز اى حاجه تحبيها ده واحد انا عملاه
ده منديل انا عملاه لبنوته زى العسل هنا فى المدونة ربنا يتمم لها على خييييييييييييير
فى ناس بتعمله بالعرض بس انا بفضله بالشكل ده يعنى تكتبى وهو كده شكله بيبقى احلى
وكمان اعمليه كانه نص دايره زى الصوره بتاعتى بيبقى احلى من الخط المستقيم بس مش تعوجيه اوى كانه دايره عشان بردو الكلام يبان
اى سؤال انا موجوده ياريت تدعولى ان ربنا يتمم ليا انا وخطيبى على خير واكتب انا كمان كتابى ::::::
والف مبروك يا قمرات
ولو الموضوع عجبكم قيموه يا قمرات
esso2 esso2 144989_1.gif سوبر فتكات Fatakat 144989 قلب حبيبى – اللى بموت فيه