بسم الله الرحمن الرحيم
بصوا يا فتوكات انا استفدت منكو كتير وقولت لازم افيدكو بقي بخلاصة تجربتي ف دمياط وربنا يجعل كل ده ف ميزان حسناتنا
بصوا يا جماعة اول حاجة:
انا عملت ايه اقنعت خطيبي واهلي اني اروح الاول مرة اتفرج واخد فكرة رغم اني ف محافظة بعيدة جدا عند دمياط(طبعا ماكانشحد موافق بس عملت اللالي لحدماوافقوا)
مشوار متعب جدا ومكلف بس لمماتعرفي النتيجة هتعرفي انه بجد يستحق
صحينا بدري جدا الساعة 5انا واخويا وخطيبي جالنا واجر عربية وروحنا علي مااتجمعنا ووصلنا دمياط وكده كانت الساعة حوالي 10 ونص
كان خطيبي عارف نمرة سمسار طريق كلمناه يقابلنا عشان نعرف الطرق ايوه سمسار الطريق ماتتخضيش هفهمك كللللل حاجة دلوقتي ان شاء الله وبصي هو بياخد خمسين جنية مش كتير يعني قصاد لفه معاكي طول اليوم وطبعا بتغديه معاكي وانتو بتتغدو وبتفهميه من الاول انك رايحة تتفرجي مش تشتري
انا كنت عاملة حسابي واخدة كام اسم معرض من صحابي اللي اشترو من هناك ومن فتكات شوية ومن هنا ومن هنا وخليت السمسار برده يفرجني
هاكتبلك اسامي المعارض دلوقتي و واماكنها بس بعد مااخلصلك الحكاية
المهم لفينا اما مووووووتنا وفي بعض المعارض بتسمح بالتصوير والبعض لاه
وبقيت ادخل كل معرض واخويا ربنا يسعده يارررررررررب ماسك ورقة بيوصف فيها شكل الاوضة قد ما يقدر ويدي للصفحة رقم
يعني الصفحة رقم واحد عجبنا مثلا تلت اوض كزا وكزا وكزا بمواصفاتهم قدر الامكان ونسميهم مش عارفة عاشق ومعشوق حاجة يعني تفكرنا بتصميم الاوضة ونقوم واخدين الكارت من المعرض وكاتبين عليه نفس رقم الصفحة ونشيله وهكزا
رجعنا البيت فررينا الصفح وحددنا بتاع اربع معارض بس اللي عجبنا عندهم وان شاء الله هنشتري منهم ورتبناهم ترتيب تنازلي والباقيين برده بس كان تركيزنا وزوقنا ف الاربع معرض الاولانيين دول
وانتي رايحة تتفرجي خلي بالك من موديل العفش يعني عايزة مودرن تروحي دايركت عليه مش تفضلي تلفي ف المعرض وفري وقتك
وبصة المعرض بصة سريعة انتي بتتفرجي علي شكل يعني عايزة تشوفي اكبر عدد من الاشكال ف اقل وقت
وخلي بالك ان الاوضة اللي هتعجبك هتشدك من اول بصة
وانتي بتتفرجي كمان السمسار هيفهم صاحب المعرض انك جاية تتفرجي مش تشتري
وقولنا لصحاب المعارض بصوا اللي هيقوللنا سعر كويس هننزل عليه نشتري من الاخر فريحونا وبتاع
طبعا في فصال بس برده مش وقته انتي بتاخدي رينج اسعار
المهم خلاص الحمدلله اليوم اتقضي
يعد كام يوم خدت اهلي واهل خطيبي ونجااااااااااااااااار ودي حاجة مهمة جدا
وكلمنا السمسار تاني ( ودي غلطة كبيرة جددددددددددا ) لانهم للاسف بينقلوا الكلام لصاحب المحل ويقولوله مثلا اتفقو ف المعرض اللي فات ع سعر كزا يعني قلته ف المرة التانية دي احسن
هو هيقعد يزن عليككي من المرة الاولي انك تجيبيه وانتي قوليله اوكي بس الاحسن ماتجيبيهوش عشان تريجي دماغك وبيبقي معاكي كروت المعارض والعنواين فمش هتحتاجي له
المهم وصلنا دخلنا المعرض الاول اللي كان عاجبني موت اول حاجة توري النجار الاوض اللي عاجباكي يشوفلك خشبها ويحكم عليه المهم روحت ووريته بس الغريب بقي اني ماقتنعتش اول بالعفش وحسيته مش حلو زي ماشوفته اول مرة فقولت لبابا بلاش بس عرفنا الاسعار ومشينا
تاني معرض فاصلنا ق ماقدرنا بس برده كان كتير تالت معرض وكان اكتر واحد عاجبني واسعاره كويسة جدااااااا النجار قاللي ان خشبه ززززززززززززفت وانه ابلكاش مدهون ومايسواش تمنه وفعلا اما فحصته حسيته مايستاهلشي انا كنت بهز السرير كله بلمسة من ايدي
وكمان الراجل ماكانش راضي ينزل السعر
سبناه ومشينا والحمدلله وفقت واشتريت من المعرض رقم اربعة عفش حلو اوووووي بجد العفش نصيييييييب
وللامانة انا لو ماكنتش روحت اخترت لوحدي كان مستحيل اشتري
هتلاقي الناس اللي معاكي انتشروا ف المعرض وكل واحد واقف جمب اوضة يتخيلها ويقول دي حلوة شوفي وخمسين راي حواليكي
واللي يقوللك المودرن وحش وخدي الاستيل
وخدي بقي الصالون المدهب كل واحد ومزاجه انا كنت محددة اهه وكنت بعاني ف التلت معارض الاولانيين من كده حمدت ربنا لانني فعلا لوكنت نزلت مرة واحدة كنت هارجع معيطة وشاريه عفش مش عاجبني عارفة الفكرة ان همافاكرين انهم كده بيساعدوكي وكتر خيرهم والله بس الحقيقة ان ده بيضغط عليكي وبيشوش فكرك ومش هيغير رايك وهيستهلك وقت فيبقي الاحسن تروحي محددة هدفك وعارفة انتي عايزة ايه وتنزلي عليه ع طول
هكملكو المشاركة الجاية ان شاء الله
moony batanony moony batanony فتكات نشيطة Fatakat 1092554 المنوفية – مصر
سبحان الله و بحمده