صباح الخير يافتوكاااااااااات
انا عاملة الموضوع ده ومنزلة صور حاجات من جهازي علشان تستفيدوا
هحطلكم صور الحاجة وكتبلكم سعرها وجبتها منين اوك
وبااذن الله كل مااجيب حاجة هوريلكم شكلها وهقولكم جبتها منين وبكام
ملحوظة نونو :
بعض الصور يابنات مش انا اللي مصوراها انا الحاجات اللي ببقى جايباها وبلاقي بنات من هنا في المدونة جايبة زيها فباخد الصورة وبحطها بدل الصورة اللي عندي لان الكاميرا بتاعة موبايلي وحشة ومش هيبان منها الحاجة اوي
عموما الحاجة اللي انا مصوراها هقولكم عليها والحاجة اللي واخدة صورتها من فتكات بس انا جايبة زيها هقولكم برده اتفقنا
يالا نرجع لمرجوعنا وندخل على الصور وقولوا ماشاء الله وادعولي اكمل وربنا يتمملي بخير انا وخطيبي
ده يابنات مفرش قطيفة 3 قطع ماركة سنتامورا خامات اسبانية وتقفيل مصري ب 170 جنيه ديه صورته من النت وبتاعي نفس الشكل بالظبط جبته من محلات رمسيس يوسف عطيه اللي قبل الشارع اللي فيه حمام التلات
وده يابنات شفشق كيوتي اوي ب 12.5 ديه صورة جايباها من فتكات بتاعي شكله بالظبط ونفس اللون برده جبته من درب سعادة
ديه كوفرته السروجي 4 قطع ب 340 جنيه ديه صورتها من على الكرتونة وبتاعتي برده نفس الشكل واللون جبتها من الوكيل بتاع السروجي من الغورية
ده خلاط براون مكتوب عليه ميد ان جيرماني بس هو طبعا مش اصلي بابا ربنا يخليهولي اشتراهولي من واحد صاحبه ب 200 جنيه بس انا ان شاء الله ناوية اشتري واحد اصلي
صورته ديه بقى تصوير موبايلي شايفين الصورة وحشة ازاي علشان تعرفوا ان عندي حق احط الصور اللي مصوراها الفتوكات واللي عندي زيها
ده بقى طقم توابل خزف برده واخدة صورته من بنوته هنا في فتكات بس انا بتاعي لونه احمر تمنه 105 جايباه من محل اسمه كاركاز في المنيل ( الملك الصالح )
ده طقم توزيع استانلس موديل الماني صناعة صيني ب 150 جنيه بس ماشاء الله تقيل اوي وخامته حلوة كنت جايباه من حمام التلات الصورة ديه بقى انا اللي مصوراها تصوير موبايلي صورة وحشة اوي
ديه بقى قطاعة البصل ب 12 جنيه من درب سعادة الصورة ديه واخداها من هنا من بنوتة من فتكات بتاعتي برده زيها بالظبط
ده مقوار جبته من حمام التلات ب 2 جنيه الصورة برده واخداها من بنوتة من فتكات
وبكده اكون خلصت يافتوكات ادعوووووووووولي ربنا يتمملي بخير واروح بيتي بسرعة علشان استعمل الحاجات ديه بقى
roona roony roona roony 575049_2.gif فتكات رائعة Fatakat 575049 القاهرة – مصر