السلام عليكم
ازيكو يا فتوكات يا قمامير وحشتونى جدااااااااااااااا واكيد انا كمان وحشتكوا انا عارفة انا عارفة
انا عضوة قديمة هنا من سنيييييييييين بس للاسف عضويتى القديمة ضاعت وده اول موضوع ليا بالعضوية الجديدة وانا بصراحة عملاه مخصوص عشان اوفى حق ناس عليا وهى البشمهندسة نوال عشان بجد ده اقل حاجة اشكرها بيها ع المنتجات الجميلة دى
انا شفت الاعلانات هنا فى فتكات زى كتير منا وكل ما اقرا الريفيوهات واراء اللى استخدموها اعجب بيها اكتر رغم انى مجهزة من زمان وجبت الاستنالس بس شتان بين الاستنالسنتين (مثنى استنالس) بجد مااشاء الله لاول مرة هتفتخرى بصناعة بلدك بالشكل ده وتحسى انه يضاهى المستورد (حلوة يضاهى دى؟ يا حلاوتك يا بت يا غداغيدو وانتى بتكلمى بالفصحى معلش يا جماعة بعاكس نفسى استحملونى)
وقلت لازم اجيب وماما بقى تتصرف فى اللى انا جبته وقد كان معاملة ايه بقى ماشاء الله البشمهندسة وجوزها اللواء خالد بصراحة من الناس المحترمين جدا اللى ينطبق عليهم المثل معرفة ناس كنوز هما فعلا كنوز والله
وانا ساكنة فى الغردقة يعنى شحن وبتاع هما بعتهملى شحن والله وحتى ماخلونى اجفع تكلفته وبعتولى هدية يعنى كرم ما بعده كرم ربنا يباركلهم يارب ويوسع رزقهم
هو العيب الوحيد فى الموضوع
انى لحد دلوقتى مقدرتش اجربهم ومن ساعة ما جبتهم وانا شيلاهم ادعولى بقى اتخطب واتجوز عشان بجد نفسى اجربهم عشان اقولكم وتبقى فعلا عن تجربة ولو ان الفينيش بتاعهم تحفة والقاعدة بتاعتهم تقيلة ماشاء الله وسميكة تحسى انه شغل على مية بيضة يعنى
انا هسيبكم مع الصور بس للاسف مقدرتش اطلع الحلل لانى اشتريت طقم خوفو بس الكرتونة متغلفة وانا مفتحهاش عشان هحوشهم فى الجهاز زى ما حكيتلكم
اه قبل ماانسى ادى لينك الموضوع الاصلى
اسعار خيالية لمستلزمات المطبخ من الاستانلس ستيل 18/10 فائق الجودة ماركة تمام
وادى صور المجموعة كاملة ( طقم الحلل بس هو مستخبى جوة الكرتونة وصوانى الفرن والكسرولة)
صور صوانى الفرن ماشاء الله تقال جدا
وادى الكسرولة ماشاء الله تقدرى تقولى حلة مش كسرولة كبيرة جدا
وبسس بجد اللى عاوزة تشترى ستانلس عليها وعلى البشمهندسة وباذن الله مش هتندم ابداااااااا.
يالا السلام عليكم بقى
غدود سكر معقود غدود سكر معقود 735904_27.gif فتكات متميزة Fatakat 735904 مدينتى – مصر