بسم الله الرحمن الرحيم
اللهم صلى وسلم على سيدنا محمد
ازيك يا فتوكات خصوصا العرايس تفرقه عنصريه بقا ههههههه
بقالى كتير مش كتبتلكو مواضيع نظرا لانشغالى الدائم
الموهم انهرده قررت اعمل ملف لحاجات المطبخ وخصوصا للرفايع وبالصور عشان تسهل علينا كتيير
وانا بعد بحث وتدقيق وحاجات كتير قررت انى افيدكم لانى استفدت منكم كتتتتتتتتير
بس ليا طلبين
الاول تقيمو الموضوع عشان اكبر عدد يشوفه ويستفاد
والطلب التانى تدعولى دعوه حلوة كتا حتى لو فى سرك ان ربنا يجمعنى انا وخطيبى على خير
ندخل بقا على المفيد
ياريت تجيبو ورقه وقلب وتكتبوا الحاجات دى لانها مهمه اوى وكمان فى حاجات بتتنسى
(1) طقم صينى
ودا طبعا لازم يبقا اهم حاجه فى جهازك لانو هيفضل معاكى العمر كلو وديما بيتشاف فى اى عزومه وكتا ونصيحه اخويه حاولى تجييى الطقم الصينى اخر حاجه عشان ديما فى موديلات جديده بتنزل يعنى مش تنهزى اى فرصه وانتى حتى مش مخطوبه وتجيبى طقم وتقولى اهو من الى عليه اوكا
وطبعا فى منو دلوقتى اشكال والوان ونصيحه كمان متسترخصيش فى الصينى عشان زى ما قولت دا اهم حاجه وبردو كلو على قد امكانيات كل واحده
(2) طقم المعالق
دى طبعا بردو مهمه بتبقا موجوده فى شنطه فيها معال وشوك وسكاكين وطقم توزيع
مهم بردو انك تجيبها نضيفه لانها بتظهر مع الصينى فى المناسبات والليالى الملاح
(3) طقم اطباق للمطبقيه
دا بقا يا بنات طقم الاركوبال او العشا وفى بنات بتجيب الطقمين وبتتحط المفروض فى المطبخ للاستخدام اليومى
(4) طقم معالق للمطبخ
دا بقا هاتيه 12 قطعه من كل نوع فردانى للمطبخ
يعنى 12 معلقه كبيره + 12 معلقه صغيره + 12 شوكه كبيره+ 12 شوكه صغيره
وممكن كمان تجيبى السكاكين مع انها مش عمليه بس فى بنات بتحبها
وطبعا كلهم يبقا شكل واحد بلاش عك هههه
(5) طقم شربات
هاتى قطم شربات بالدورق بتاعه شيك بقا ودا هيبقا فى النيش
هو بيبقا 6 كاسات ومعاه الشفشف او الدورق
نصيحه حاولى تقربى الالوان بتاعتك فى النيش من بعضها ومتكتريش فيها عشان ميبقاش فرح مولد العمده
(6) طقم الخشاف
دا بيتكون من طبق كبير غويط كريستال غالبا ومعاه 6 اطباق غويطه صغيره شبهه
ودا كمان بيتحط فى النيش
(7) مبشره يدويه
لبشر الجبن والخضار وفيها منها احجام ممكن تجيبى واحده كبيره وواحده صغيره
وطبعا دى هتبقا فى المطبخ ودى من ضمن الرفايع بتاعه المطبخ
(8) مخرطه ملوخيه
بردو من ضمن الرفايع ومهمه جداا لاى مطبخ مصرى معاصر هههه
وفى منها احجام واشكال مختلفه هاتى واحده كفايا او اتنين بالكتير احجام مختلفه
(9) مقاور
هاتى بقا يا وزه كام مقوره كدا عشان المحشى احجام مختلفه
(10) معالق خشب
مطقم معالق خشب للمطبخ وياريت بالحامل بتاعهم عشان يتحطوا على الرخامه لانهم عملين جدا وممكن يجوا مع الشيف بيبقا شكله عسول اووى وبيبقا ديكور فى نفس ذات الوقت
(11) علب بلاستيك وبيركس وصاج للثلاجه
هاتى اى عدد يناسبك من كل نوع سواء بلاستيك او بيركس او صاج عشان الجبن والانشون وكتا
(12) طقم شاى وجاتوه
الطقم دا بيتحط فى النيش متنسيش تنسقى الالوان زى ما اتفقنا
(14) طقم كاكاو
والطقم دا يابنات حساه مش ضرورى اوى يعنى ممكن الاستغناء عنو
لسه فى تانى كتتتتتتتتتتتير استنونى
وتنسوش التقييم يابنااااااات
تابعونى
Mira Alex Mira Alex 691160_1.gif فتكات هايلة Fatakat 691160 الاسكندريه – مصر