انا روحت حمام الاربع الشعبى يا بنات كان يوم تحفه تحفه
قعدت فى اوضة مغطس مايه سخنه مولعه وبخار ايه
بعد كده طلعت للتكييس البنت دعكت جسمى كله بالليفه المغربيه وبقت فرافيت سوده تنزل منى انا واختى كأنى عمرى ما استحميت قبل كده
وبعدين دخلت اوضه التشطيف واستحمييت ورجعت حطلى ماسك دم غزال على ترمس مطحون على دبس رمان
وبعدين دخلت استجمييت تانى ولبست وببص على كعوبى لقيتها حمراااااااااااااااااااااااااااااااا وبعدين خرجت وبصيت فى المرايه هااااااااااااااااا مبقيتش مصدقه نفسى
اللى حابه تروحه انا نزلت رمسيس واخدت المترو لغاية محطة جمال عبد الناصر نزلت واتمشيت شويه وركبت امبابه وقلتله نزلنى عند قسم بولاق ابو العلا نزلنى على قمة الشارع واخدتها مشى شويه لغاية القسم ورا القسم مستشفى بولاق ابو العلا الحاره اللى وراها على طول وهتلاقى لوحه مكتوب عليها حمام عوكل الشعبى الشهير بالاربع تدخلى لغاية ماتوصلى لمسجد الوسطى وبعدين تحودى يمين وبعدين شمال وهييييييييييييييييييييييييييييييييييييييه وصلتى
السويت جسمك كله ب80 ولو مش عايزه جسمك كله كل حاجه ليها سعرها
والبخار والتكييس ب20 جنيه
والماسك فيه ب30 وفيه ب50
خدى معاكى ليفتك المغربيه علشان متستعمليش ليفه من ورا اى حد تانى وخدى ليفتك العاديه والشاور بتاعك والشامبو والبلسم وفوطتك الخاصه والبشكيير يا بنات علشان متفضليش راحه جايه بقطعتين وانتى حره فى لبسك عايزه تلبسى شورت ماشى برمودا ماشى محدش هيقولك لأ
خدى معاكى ماسك للشعر او حمام كريم علشانى تحطيه على شعرك وكمان بونيه وماسك للوش تحطيه بعد التكييس ولو عايزه تشترى ماسك للجسم وتعمليه انتى لنفسك جوه اوفر برضه
انا كنت متخوفه الاول دا غير انى راحه من اسكندريه انا واختى بس بصراحه الناس كويسه اوى ودمهم خفيف وكل البنات هناك محترميين ومحدش هيتعرضلك نهائى هو بس واحد فى الشارع واحنا طالعين لاقيناه بيقول حمام الهنا
زينوبه الارنوبه زينوبه الارنوبه فتكات متميزة Fatakat 769760 الاسكندريه – مصر
سبحان الله و بحمده