ازيكو يافتوكات اخباركوا ايه في التلج ده ..!!
النهارده هنتكلم عن تنسيق الملايات المودر والفوط
هنبدا بالسرير وطبعا ده واجهه الاوضه واهم حاجه فيها ..شايفاكي ياللي فهمتي غلط ..انا مؤدبه …
يعني مثلا بتفرج ع النت علي حاجات اتهبلت بس لما دققت شويه لقيت ان المشكله مش في شكلهم اللي مخلي شكلهم فظيع كده انهم منظمين ومتنسقين والالوان متناسقه مع بعضها
بصي معايا كده مثلا
دي مثلا هتكلفك ايه ولا ايوتها حاجه ملايه بيضه محترمه واتنين كيس مخده بيضه وطبعا كيس كبير او كيسين علي حسب انتي حاطه كام مخده كبيره وهتجيبي كوفرته عسوله كده وتفرشيها بالطريقه دي مش هتكلفك حاجه وشكلها هيبقي مودرن وتحفه ومغرقين سبينس ورويال هاوس والهايبر ماركت وده استايل تحسيه صيفي اووي لانك اكيد في التلج ده مش هتتغطي بدي الا لو كنتي سوبر ومااان
مثلا حاجه زي دي
دي بطانيه تريكو مثلا لو جبتيها وفرشتي الملايه بيج او درجه من البنيات اللي موجوده فيها او لون ابيض وغيرتي الوان كيسين المخده بس كده انتي عملتي 3 اطقم من ملايتين وخداديات وبطانيه واحده ..
شايفين تداخل الالوان هنا مثلا ممكن مثلا كوفرته او مفرش بيبقي صغنطط كده اللي لونه باورانج ده تعمليه ماتشنج مع الخدديتين الصغنططين دول هيديلك شكل مختلف للسرير ..
البطانيه البني دي معمولها ماتشنج مع ال3 خداديات الفرو العساسيل دول وشكلهم مختلف وشيييييييك اوووووي ..
هنحتاج منو كفر اللحاف والخداديتين فقط وكانك جبتي طقم جديد وممكن تفرشي الملايه من تحت اي لون ماتشنج معاهم
هنا مثلا نفس الحاجه كافر اللحاف مع الخداديات ممكن واحده ساده وواحده منقوشه هتغير شكل السرير ..
اتمني تكون الفكره وصلتكوا واللي عندها اي سؤال تتفضل
نييجي للفوط دي بقي تعتمد علي اون حمامك وهتحطي فيها سبت وفيه فوط للايد عشان الضيوف
بصي معايا كده
وده طبعا علي حسب لون حمامك يعني لو موف يبقي تدرجي الالوان زي اول صوره يعني ابيض مع اسود مع بينك مثلا هيبقي شيك اوووي مع السبت التحفه ده طبعا
او ممكن بقي تجيبي تطبقي الفوط وتحطيها علي الرخامه لو عندك في الحمام زي كده
وياسلام بقي لو تجيبي الطبق الخشب وتحطي صابونه زي كده يبقي صباح الشياكه
فوط السفره ممكن تجيبي 6 او 7 انا شفتهم في تيوليب بس الشكل المستطيل والوان بني وبينك ..بس تحفه ..ونفس اللي موجودين في زارا هوم بالظبط ..
دول موجودين في تيوليب بالظبط ..
يعني من الاخر كده مجموع الحاجات اللي ممكن تجيبيها ..لحاف واحد وبطانيه تريكو عسوله زي اللي فوق دي وتغيري الكافر بتاع اللحاف زي ماشرحت وتعملي ماتشينج معاهم لو جبتي 3 اطقم بس كانك جبتي 6 ..واي سؤال انا موجوده باااااااااااااااي ..
بقسماطه 90 بقسماطه 90 720742_3.gif فتكات هايلة Fatakat 720742 القاهره – مصر