بسم الله الرحمن الرحيم
السلام عليكم ورحمه الله وبركاته
الحمد الله يا بنات اشتريت الخلاط
انا بحب مركه مولينيكس الفرنسيه
حاجتها كلها عاليه الجوده
المهم قبل ما اوريكم الخلاط هقولكم علي تحذير مهم جداااااااااااااا
طبعا في الفترة الي كلنا بنجهز فيها بتبقي الحاله المديه متدهورة جداااااا
ههههههههههههههههههههه
فا بنحاول نلف اكتر عشان نجيب حاجات حلوة وبسعر اقل
انا لما نويت اجيب الخلاط رحت التوكيل سألت فيه لقيت الخلاط المولينيكس
الفرنساوي الاصلي سعرة 380 جنيه ال 500 وت
قلت ماشي تمام
المهم لما خرجت من التوكيل وانا بتمشي في شوارع العتبه لقيت محلات كتر بتبيعه
دخلت محل اسمه ( المحلاوي ) وسألته بكام مولينيكس ال 500 وت
قلي ب 300 جنيه بس
قلتلو اصلي ؟؟؟؟؟ قلي طبعا
اعدت احسبها بقي واقول اده معقول فيها فرق 80 جنيه ؟
ده انا شطرة اوي فعلا الي يلف اكتر يعرف اكتر
كويس اني لفيت في العتبه وجبت قرار المحل ده
المهم بعدها بكام يوم نزلت علي المحل ده وقلتلو عيزة خلاط مولينيكس الفرنساوي
جبهولي وجربهولي بس المحل كان ضلمه بما اننا كنا الساعه 2 الظهر فا المحل مضلمينه
انا لقيت الخلاط مكتوب عليه فرنساوي وكل حاجه تمام
روحت البيت واول ما اعدت فتحت العلبه عشان اتفرج عليه
لقيت الصناعه بتعته مش نظيفه خااااالص والتقفيل بتاعه غريب والشفشق بتاعه لتر وربع بس
وجيت اجربه لقيت صوته زي المصنع الي في مكن بايض
انا صعقت وما بقاش نازل عليا غير حسبي الله ونعم الوكيل فيه
ماما قالتي ما تزعليش هنتغدي ونروح للراجل ده
المهم فعلا كلت من غير نفس ونزلنا ورحنا للمحل وانا دخله علي المحل وعماله احضر جوايا الكلام
لقيت شاب نوبي واقف عمال يتخانق مع صاحب المحل ويقوله حرام عليك دي ثالث مرة اجيب منك المروحه وتطلع برضو مضروبه
انا لقيت نفسي ببص للراجل ده واقوله
وانت كمان اضحك عليه انا كمان ادوني خلاط مضروب
الراجل بقي النوبي ده اعد يقولهم يا نصابين يا حراميه وصوته علي
المهم الناس اعدت تهديه وماما قالت للراجل لو سمحت عيزين فلوسنا قلها طب اديكي خلاص مولينيكس اصلي بجد
قلتلو لا خلاص انتهي حتي لو اصلي مش هثق فيكو تاني
والحمد الله الراجل اداني ال 300 جنيه
وختهم وجريت علي التوكيل وجبته ب 380 جنيه وانا مرتاااااااااحه وقيت الشفشق بتاعه لتر ونص ومعاه ضمان وكتلوج وكل حاجه
وروحت فتحته لقيته بسم الله ماشاء الله حاجه مشرفه بجد وصناعه وخامه ممتازة
قلت اوريكم الخلاط واقولكم علي الي حصلي عشان تحذرو يا بنات وما تقعوش في نفس غلتطي
ده صورة خلاطي حبيبي
* السلفيه المنتقبة * * السلفيه المنتقبة * 19976_34.gif فتكات غالية قوي Fatakat 19976 ♥ قلب زوجي الغالي ♥ – ♥منتقبه وأفتخر ♥