ازيكم يا بنات عاملين ايه انا لاقيت الموشوع ده عجبنى قولت اجبهلكم انتو كمان تستفيدو
نصايح تنفع العرايس العسلات الجداد و القدام اللى زى حالاتى مش قديمه اوي يعني هما اربع سنين بس
اولا : انتى بتنزلى الشارع تلاقى المزة لابسه الاستريتش و البادى الهاف ستوماك و الصندل ابو كعب 5 متر و الشعر السايح على ضهرها و ريحة البرفيوم واصله لاخر الشارع
و ياعينى جوزك طول النهار فى الشارع و شايف و يرجع البيت يلاقى مراته لابسه الجلابية و الشبشب ابو صباع و ربطه شعرها كحكة و مشمره كمامها و يا سلااااااااااااااااااام على الريحه
بصل و توم و كشرى و اللى قلبك يحبه
بجد حاجه مستفزة اوى
==============
و عنده حق الراجل يبص و يتفرج على اللى مش بيشوفه غير فى الشارع
و نرجع نعيط و نقول بيبص بره يا جدعااااااااااااااااااااان
تعالو نبتدى سوا الحمله اسمها لا للجلبية و الترنج و الشبشب ابو صباع و الكحكه كمان
يعنى العرايس اللى لسه متجوزوش مش لازم تشتروا الحاجات دى
و احنا اللى متجوزين هنبدأ منشتريش تانى OK ?
و ان كان و لا بد يبقى ترنج او اتنين و جلابيه واحده بس ده من رأيى
( و خصصي جلابيه او عبايات للضيوف و خلاص ) مش لجوزك
بصي بقى بدل ما تروحى تجيبى الجلبية القطيفه ام
200 جنيه عشان تتمخترى بيها فى البيت طول النهار
روحى اشترى بنطلون شيك قطن او جينز او اللى يريحك و يكون مظبوط عليكى و هاتى عليه سويت شيرت شيك عليه و هتلاقيهم ارخص من الجلبية
و شوفى بقا انتى هتجيبى كام جلبية هاتى بدالهم بناطيل و بديهات و بدلى و شكلى على زوقك
و فى الصيف بدل البيجامه اللى هتجبيها للبيت هاتى شورت او برمودا جينز او قماش او قطن حتى و عليه بدى كت او نص كم
و بدل ما تشترى الجلابيات الفسكوز بتاعة خالتى بهيه ب 100 جنيه
اشتريلك جيبه شيك و عليها بدى او حاجه شيك عليها
او هاتى تونيك طويل شيك و تحتيه استريتش و بدل ما تلبسى الشبشب ابو صباع هاتيلك شبشب بيت برده بس يكون شيك و لونه جميل و يا سلام لو واحد بكعب تلبسيه و انى فاضيه فى البيت
و فى الشتا يبقى الشبشب الفرو النظيف
بلاش الشراب المخروم ابوس ايدك
و بلييييييييييز بلاش الكحكه
و خليه ديل حصان و قصه او تسيبيه طبعا دا كله طول النهار
نيجى بقا لوقت النوم يا اما هتلبسى قمصان قطن شيك او بيجامات قطن و عسوله او بيجامات ستان او لانجرى او شورت قطن
انتوا تعرفوا ان لبس البيت اللى احنا بنجيبه نلبسه فى البيت زى الترنجات و البيجامات فى اوربا ده لبس نوم بس
استحاله يقعدو بيه فى البيت بالنهار
بيقوموا من النوم يفطرو و يغيروا هدومهم بلبس شيك
حتى لو قاعدين فى البيت
ياريت شويه تأنيب الضمير ده يجيب فايده و نتيجه مع ستات كتير و تعملوا نيووولوك
Ŝo Ćute Ŝo Ćute 759269_2.gif فتكات حبوبة Fatakat 759269 A̷l̷e̷x̷ – Ẻģyρΐ