السلام عليكم ورحمه الله وبركاته
ازيكم يا بنانيت يارب تكونوا بخير انبارح كنا بنتكلم عن البشره والعنايه بيها قبل الجواز او حتي اللي مش هتتجوز لازم تهتم بيها عشان نفسها قبل ميكون عشان حد
وده اللينك بتاع البشره
https://files2.fatakat.com/2015/2/13935008115558.jpg
اولا انهرضه ان شاء الله هكمل كل شئ خاص بالجسم عشان العرايس وكمان عشان مش تزهقوا من الانتظار هنتكلم عن الشعر والجسم وتفتيح الركب والكوع والمناطق الحساسه وازاي تخسي من غير متمنعي نفسك من الاكل عشان وشك مش يتعب بس متزهقوش لاني رغايه شويه بقي
نقول بسم الله الرحمن الرحيم
*الجزء التاني هنتكلم عنه هو الشعر
طبعا دي مشكله مع معظم البنات ومعايا انا شخصيا بس بحاول اتغلب عليها اولا انا شعري ملمسه ناعم بس هايش وفي نسبه تقصيف فانا عملت اي قعدت ادور لحد ما لقيت وصفه حلوه اوي وعملتها فعلا
وكانت النتيجه مرضيه الحمدلله
هي هتروحي عند العطار رجب حراز خضر اي حد بس يكون كويس
وقوليله اعملي الزيوت دي بنسب متساويه
1- زيت جوجوبا
2- زيت جرجير
3- زيت سمسم
4- زيت زيتون
5- زيت روز ماري
6- زيت ثوم
7- زيت صبار او جوز هند لو في قشره
ودي صورت الازازه
الزيوت دي كلها جميله اوي للشعر بتحطيها كدهان للشعر بس خلي بالك ريحتها مش حلوه اه بس بتروح بمجرد ما شعرك ينشف مش تقلقي ولو عايزه ريحتها حلوه متحطيش زيت ثوم لانه ده بصراحه اللي موحشها لكن انا بفكر احط عليها زيت عطري بس خايفه علي شعري فقررت اني احطها لما اتجوز وجوزي مش موجود ولما يجي هحط بالمرز بجوز الهند لكن حاليا بحطها بقلب قوي لاني لسه فبيت اهلي
المهم انتي استخدميها بالظبط 3 مرات اسبوعيا كدهان انا باخد شاور واحط منها والف شعري طاقيه او اعمل كحكه مرفوعه بس الاحلي طاقيه بتنعم وبتخلي الشعر مفرود بدون اي تمويجه بجد تحفه
الوصفه دي يا بنات فايديتها اي بقي اولا تنعيم وتغذيه وطول الشعر وكمان اللي حصلي انه قدام مطرح الحجاب شعري كان فاضي حته كده طلع فيها شعر وبقيت مشاء الله ولا قوه الا بالله وفرحت اوي انه هو طلع لاني كنت زعلانه اوي بس الحمدلله وكمان بتخلي شعرك ناعم جدا بس اعملي زي ما قلت لفي شعرك بعد الحموم و اوعي تغسلي شعرك اكتر من مرتين بالاسبوع لانه كده مش هيستفيد باي زيت انتي بتحطيه ليه الدكتوره كانت قيلالي كده اغسلي جسمك زي ما انتي عايزه لكن شعرك لا وفي مره هتحطيها من غير دوش عشان طبعا قلنا مرتين بس فالاسبوع غسل الشعر لو عايزاه يطول ويبقي حلو ودي بعملها ب25 جنيه ولو عايزه تكتري براحتك الازازه اللي فالصوره ب25 + بقي الاهم من كل ده طلعي صدقه علي شعرك بنيه انه يطول ويبقي حلو ودي سحر وعن تجربه كان زمان شعري قصير ومش بيطول اوي طلعت عليه صدقه وبجد فتره ومره وحده كده لقيته طول ونعم الحمدلله
في زيت تاني اللي هو ده اسمه جولي بحوالي 23 جنيه ودي صورته
كنت رحت فتره عند دكتوره عشان كان عندي تقصيف وكتبتهولي بجد تحححححححححفه ورحته جميله جدا جدا وبيخلي الشعر يلمع كده وبيمنع التساقط بردو
ده بقي بالنسبه للتغذيه الشعر
تاني شئ
بالنسبه للغسل وكده انا كان شعري عباره عن حقل تجارب استخدمت مليون شابو ومافيش حاجه جت عليه لحد ما قررت اجيب جليس اللي هو ده
بالبلسم بتاعه بس بصراحه مش عارفه سعره لانه خطيبي الله يكرمه هو اللي جابهولي بس بجد جميل يا بنات وريحته تحححححححححفه مشاء الله مش بقول تستخدموا ده انا بحكي عن اللي بعمله كل واحده اكيد ليها شامبو المفضل ليها انا عن نفسي بأذن الله نويه ع الجواز اجيب شامبو من حراز مش عيزاه يدخل فيه اي كماوي ..
بس اتعودي وانتي بتحطي ابعدي عن فروه الراس شويه دي دكتوره جلديه هي اللي قالت كده عشان الفروه مش تتاذي وانا بقيت بعمل كده وانتي بتغسلي شعرك بحركات دائريه بايدك كده علي فروه الراس عشان الدوره الدمويه فالراس
اما بقي البلسم فبستخدمه مره اه ومره لا
تالت حاجه هو حمام الكريم
جميل جدا وريحته جميله بحطه وانا بعمل حمام مغربي وهبقي اقولكم الطريقه ان شاء الله ببقي حطاه ولابسه بونيه عشان البخار غلط علي الشعر وقلبها ببقي غسله طبعا شعري بالشامبو
وبعدين بغسله وبجد جميل للشعر اوي
رابع حاجه حمام الزيت
انا مش كل مره بعمل حمام كريم بحب حمام الزيت اكتر بحس انه بينعملي شعري اكتر بعمل حاجه من الاتنين اما فاتيكا او الزيوت اللي قلت عليها فوق بس لو عندك اي زيك تاني حطي برحتك مش لازم فاتيكا انا استخدمته لانه كان موجود عندي
ملحوظه بعد لما تغسلي شعرك وتنشفيه مش تسرحيه علي طول لا استني شويه بس عشان هو بيكون في اضعف حالاته
علي فكره انا استخدمت سيروم زيرو فريز
ومش جه علي شعري عشان كده مش رديت اقول هاتي اي ومش تجيبي ايه لانه مش اللي بيمشي معايا بيمشي مع غيري انا بقول الحاجات الي متاكده انها هتمشي مع اي شعر وكان 60 جنيه تقريبا
وبس كده ده بقي الجزء الخاص بالشعر
تالت حاجه بقي الجزء الخاص بالجسم
*اولا كل وحده عندها الشاور الخاص بيها مش هقولكم تستخدموا اي بس انا كلامي علي تعطير الجسم يا بنانيت
انا بقي كل دوش اخده بحط من خلطه عملاها عباره عن كريم ترطيب اي نووووع وعليه زيت عطري اي نوع بردو اللي ترتاحي فيه وبجد ده بيدي ريحه وترطيب للجسم واو
*وبردو بحط زيت جونسون جميل جدا جدا
اللي ترتاحي فيه اعمليه يا حببتي اهم شئ يكون جسمك مندي بمعني انك مش تنشفيه خليه مندي شويه كده وحطي الزيت او الكريم عليه عشان يثبت
ولازم لازم تتعودي لما تخلصي الشاور بتاعك انك تنزلي تحت الميه الساقعه ليه بقي
اولا المسام بتكون مفتوحه من الميه السخنه لازم تقفليها تفتحي الدوش ع الساقع وتنزلي تحتيه هتقولي السقعه هقولك والله ابدا ده قمه الانتعااااااااااش وطبعا تعملي كده مع المنطقه الحساسه عشان يحصل صدمه وتتشد تعملي كده فكل حته فجسمك وتحطي الزيت او الكريم وتلبسي وزي ما قلت مش تسرحي شعرك علي طول استني شويه يكون مسك نفسه
*الجزء التالت هو عن تفتيح المنطقه الحساسه والكوع والركب
بصوا بقي يا بنات
انا كان السمار فيها مش اوي(المنطقه الحساسه ) المهم اللي حصل قلت اعمل خلطه كريم شوفته علي النت عباره عن الدوكين فورت مع ديبروساليك الدوكين كان تقريبا110 جنيه بس مفعوله بطئ جدددددداغالي ع الفاضي في ارخص وجاب نتيجه اسرع
المهم طقعت في عقلي فمره وقولت اني هعمل شمع في المنطقه دي وقد كان وابص الاقي ان المنطقه عندي عباره عن فحمه وبقيت بعيط من كتر منا مصدومه ازاي ده انا كنت ببيض السمار اللي ميكملش 10% يجي يبقي100% والتهاب وبلاوي المهم فكرت مع نفسي كده كان خطيبي جايبلي كريم اسمه
فانو ودي صوته
معلش بقي في صور جيباها من النت لانها اما خلصت من عندي اما انا بخلطها ومش عندي العلبه
ده للتفتيح وجميل جدا للبشره رحت عملت اي بقي
حطيت فانو علي ديبروساليك اللي هو مقشر ودي صورته
وبانثينول اللي هو طبعا مرطب وبقيت بحط الالتهاب راح والسواد اتقشر بس فاضل اي ؟ فاضل اثار الاسمرار بتاع الشمع
فرحت عملت اي بحب الزيوت الطبيعييه جدا استخدمت زيت لوز مر علي زيت ورد كنت جيباه من الكابتن اهم شئ تكون شركه معروفه وبقيت بحط كل يوم مرتين بس مش تدخلي جوه خاااااااالص اوعي وحطيته في علبه موزيل كانت عندي خلصانه واتاكد انه بيفتح لما بنت هنا قالت انه فتحلها المكان قررت بكل قواي العقليه اجيبه
ودي صوته
وكنت بحط في وسط اليوم زيت جنين القمح اللي شدلي المنطقه شويه بعد مكان الشمع عملي ترهلات بسيطه اينعم مش اتشدت اوي بس احلي بكتير من مكانت ساعت لما عملت الشمع
وبين الفخدين طبعا شئ طبيعي يكون في اسمرار بقيت بحط بردو الزيوت دي عليها وتحطي فكل المنطقه كلها ورا وقدام انتوا اكيد فهمني
ودايما ياحبيباتي ترطبي المنطقه دي حتي لو بزيت جونسون
وكمان في كريم كير باي كير اللي قولنا عليه علي البشره تححفه للمكان ده تفتيح وريحه حلوه جدا حطي منه مره يوميا لانه تقيل اوي
وانا بعمل بملح الحليب طبعا غني عن التعريف مره كل اسبوع لازم عشان الجلد الميت انا حطاه في البرطمان ده
وبعمل ماسك بردو بتاع لبن نيدو وعليه ميه ورد مش عارفه بستحرم احط لبن في المكان ده وبخليه لحد ما ينشف وافركه وبعدين احط جونسون وخلاص واحيانا بحط من الافتكاسه اللي هي زيت جونسون وعليه كير باي كير اللي قولتلكم عليها في الجزء الخاص بالبشره منها ترتطيب وتفتيح
*وكمان في حاجه دي بجد رووووووووووعه هي المر انا بجيبه وبحطه في ميه ورد او ميه عاديه وتاني يوم بيكون داب وبصفيه بس عشان لو في حاجه وبحطه في بخاخه وبرش منه كل كم يوم كده واحيانا كل يوم بجد جميل جدا اولا تعقيم ثانيا مافيش اي ريحه وحشه خالص منك خصوصا لو متجوزه انتي ترشي منه وتستني بس ديقتين كده والبسي وخلاص ودي تمنها رخيص جدا انا كنت جيبه شويه حلوين 5 جنيه ولحد دلوقتي لسه معايا بس نسيت اصورها بس لما تجيبي هاتي المحمره بلاش السوده لانها بايظه ودي البخاخه اللي جواها المر
* وبردو فيه غسول سيتيال بجد جميل جدا وده طبعا كلنا عارفينه اولا بيفتح وده تجارب ناس وده ابتديت اخد بالي منه وبيعقم وبيشد بجد جميل اوي بس بلاش تستخدميه كل يوم انا بالنسبه ليا تعبني لما استخدمته كل يوم بس بستخدمه 3 مرات في الاسبوع وبـ9 جنيه
وتتعودي يا عسوله لازم تنشفي نفسك كويس من قدام لورا عشان الجراثيم
يبقي كده اللي هنعمله اي عشان مش نتوه
1- لو في اسمرار هنجيب ازازه زيت لوز مر علي زيت ورد والواحده تقريبا4 جنيه مش فاكره مرتين يوميا
2- هنحط في وسط النهار زيت جنين القمح لو مش موجود مش مشكله
3- هنحط زيت جونسون للترطيب ولو مش عندك ممكن تستبدليه بكير باي كير
4- نتعود يوم نرش مر ويوم نعمل سيتال عشان التعقيم وميكونش فيه اي جراثيم
5- لازم ننشف كويس قبل الخروج من الحمام
6- كل اسبوع نعمل تقشر بملح الحليب او شويه ملح
7- كل اسبوع او اسبوعين نعمل ماسك اللي يعجبكم من بتوع البشره بتاع الجزء الاول او نيدو وميه
*لجزء الرابع الخاص بالركب والكوع
بصي يا قمر انتي وهي انا كانت كوعي وركبي نيله خالص بسبب الاسمرار لاني كنت بتعور كتيرر وانا صغيره المهم رحت لدكتوره اديتني مرهم بس ماجبش اي نتيجه معايا رحت مخمخت وفكرت لحد ما لقيت الحل
عملت مجموعه مراهم من دماغي والصيدلي نفسه قالي برافو عليكي انتي عامله خلطه جميله جدا
اولا جبت مرهم ليكوسيد ار
وجبت ديبروساليك
وجبت كرباميد وطبعا غني عن التعريف
ودي صورتهم مع بعض بس اللي في النص بانثينول يا بنات
الديبروساليك شوفتوه فوق
وبحط كل يوم بليل والصبح وفعلا بنسبه 80% من ركبي وكوعي فتح بجد انا كنت فالضياع بس يا بنات مش تغلطو غلطتي وتستنوا للاخر لازم تبداو من بدري المهم بحطهم مره الصبح ومره بليل ووسط النهار بحط اي كريم مرطب ( دوف او فازلين او جونسون او كرباميد او بانثينول) وبس كده وباجي علي المغرب احط كير باي كير بردو بجد ده تحفه في التفتيح والترطيب وخلي بالك مش توقفيها مره وحده ليه بقي اي كريم بيقشر وبيفتح اوعي اوعي توقفيه مره وحده لانه هيسمر اكتر والله اتعودي انك لو بتحطيته مرتين حطي مره مثلا بليل او الصبح برحتك وبعدين قللي بالتدريج ده كلام دكتره كتير علي فكره انا استخدمتها بين الفخذين وجميله جدا
يبقي الي هنعمله ان شاء الله
1- هنصحي الصبح هنحط الخلطه دي علي الكوع والركب
2- علي العصر هنحط اي كريم ترطيب
3- علي المغرب هنحط كير باي كير
4- قبل النوم الخطله دي بردو
*لجزء الخامس كعب الرجل
انا بستخدم لكعب رجلي كارباميد بجد تتتتتتتتتتتتتتتحفه جميل جدا جدا مش بستخدم غيره ومش هغيره بعد الجواز ان شاء الله بحطه قبل النوم وعلي فكره بردو بحطوا احيانا علي ايدي
وبحط الصبح فازلين عادي علي دم الغزال مخلي كعبي احمر وجميل اوي وممكن تستخدمي ايشادو اللون اللي عيزاه علي فازلين بس مش كل يوم عشان مش تحمر زياده عن اللزم بس هي غالبا انا بحبط الكباميد يوميا الفازلين هي مرتين 3 فالاسبوع ..
*الجزء الخامس الخاص بالتخسيس والجسم
الوصفه دي هتروحي عند العطار رجب او حراز وتطلبي
200جرام فوكس حويصلي
200 جرام مرمريه
200 جرام رجل اسد
200 جرام كمون اسود ( اللي هو حبه البركه)
100 جرام نعناع
مع طبعا تظبيط الاكل يا بنات انا مكنتش مظبطه اكلي وباكل كتير ومع ذلك جسمي قل اينعم مش كيلاوت كتير بس الحمدلله جسمي نزل خصوصا اني مش محتاجه اخس كتير لاني طويله ولو خسيت اوي هبقي زي عاصيه الغليه
فالاخر بقي يابنات اللي ماديا مش هتقدر تجيب كل ده هقولك تعملي اي
*للشعر هاتي بس مجموعه الزيوت اللي قلت عليها دي 25 جينه ولو عايزه تقللي قولي للي هيعملك في اقل والا لا
*مش هقولك اعملي حمام كريم لو غالي لكن هاتي اي زيت شعر انتي عيزاه واعملي بيه حمام زيت او اعملي من اللي جيباه من العطار
* للمنطقه الحساسه والتفتيح يكفي الزيتين اللي قولت عليهم و ترطبي باي كريم ترطيب مش لازم غالي وبس كده مش لازم مراهم تقشير لو عندك وقت ومش مستعجله
* للركب ممكن تستخدمي الزيت بس للاسف منش هيكون سريع خليكي احسن في مجموعه المراهم اللي عملناها
قولتها وهقولها تاني والله يا بنات مش بكتر والا غلو الكريمات اهم شئ اننا نعرف مشكلتنا بالتحديد ونعرف نعالجها صح
نسيت اقولكم حاجه كمان بالنسبه للخطوط البيضا انا رحت لدكتوره وقالتلي ممكن اكتبلك علاج بس هتروح وبعد فتره هتيجي لانك بتتخني وتخسي وده طبعا غلط قالتلي لو واثقه انك هتفضلي كده هاتيها ولو مش واثقه خلاص بلاش لانها مش بتروح الا لما بتثبتي علي وزن
خلي بالكم من نفسكم يا بننانيت ويارب كلكم تبقوا احلي ملايكه في نظر اجوازكم وخطابكم وفي نظر نفسكم الاهم من كل دول وتحققوا كل اللي تتمنوا يااااااارب
ولو في اي سوال او نسيت اي حاجه ياريت تقولولي وانا تحت امركم
بحبكم فالله يا احلي اخوات
مواضيع هذا القسم برعاية
sara yahia sara yahia 926550_6.gif فتكات رائعة Fatakat 926550 القاهره – مصر