بسم الله والصلاه والسلام على رسول الله اما بعد
إنتى مستنية إيه ؟!
مستنيه ايه من دنيا
ربنا قال عليها {وما الحياه الدنيا الا لعب ولهو وللدار الاخره خير للذين يتقون افلا تعقلون } الأنعام: 32
مستنية إيه من دنيا ؟!!.
الرسول عليه الصلاه والسلام قال عليها "ما لي وما للدنيا ، ما أنا في الدنيا إلا كراكب استظل تحت
شجره، ثم راح وتركها" صححه الألبانى .
…مستنية إيه من دنيا ؟
الرسول قال عليها :" لو كانت الدنيا تعدل عند
الله جناح بعوضة ما سقى كافرا منها شربة ماء " صححه الألبانى
مستنية إيه من الدنيا ؟
إيه اللى إنتى منتظراه؟
المقصد !!!!
يعنى رمشة العين دى ممكن نتحاسب عليها ؟! أنا بقول الكلام ده
لأخواتنا إن رمشة عينيكى ممكن تتحاسبى عليها ، إن اقل حركة وسكنة فى حياتك ممكن تتحاسبى عليها
مستنية إيه ؟!
مستنية موت ألفجأة ؟!
مستنية إن القبر يضم عليكى ؟!
مستنية إنك إنتى تلاقى نفسك فى لحظة البعث
؟! مستنية إنك إنتى تعرضى على الله سبحانه وتعالى ؟
مستنين إيه؟
عايزين نكلم الأخوات فى
الحجاب الشرعى السليم
بس قبل ما نكلم فى شرط : إنك
إنتى تفتحى قلبك معايا ، و تعيشى فى كل كلمة إنا بقولها
خايف عليكى … أقسم بربى
"لا يؤمن احدكم حتى يحب لأخيه ما يحب لنفسه" رواه البخارى
أنا بحب لنفسى الجنة فبحبلك إنتى كمان الجنة
التبرج
يا جماعة التبرج ده أنا مش عايز أقول إنه معصية ! التبرج
ده جريمة ،
أنا عايز أقولك حكم رسول الله صلى الله عليه وسلم فى المتبرجة إيه ؟!!! و إنتى قيسى على نفسك
الرسول صلى الله عليه وسلم يصف المتبرجة:
بانها
وصف كامل للتبرجه
1-من اهل النار وانها لا تقرب الجنة ب
2. بأنها ملعونة مطرودة من رحمة الله
3. بأنها زانية ولايقبل منها صلاة
4. بأنها منافقة و أنها من شر هذه الأمة
5. بأنها من صاحبات الكبائر التى تعادل الزنا والسرقة و القتل
6. بأنها من جنود الشيطان
قال رسول الله
صلى الله عليه و سلم "صنفان من أهل النار لم أرهما ، قوم معهم سياط كأذناب البقر يضربون بها الناس ، ونساء
كاسيات عاريات مميلات مائلات ، رؤوسهن كأسنمة البخت المائلة ، لا يدخلن الجنة ولا يجدن ريحها ، وإن ريحها
لتوجد من مسيرة كذا وكذا" رواه مسلم
قال رسول الله صلى الله عليه وسلم "يكون في آخر أمتي رجال يركبون على سروج كأشباه
الرحال ، يترلون على أبواب المساجد ، نساؤهم كاسيات عاريات ، على رؤوسهن كأسنمة البخت العجاف ،
العنوهن فانهن ملعونات" حسن
المتبرجة زانية طب إزاى ؟!!
قال رسول الله صلى الله عليه وسلم :"أيما امرأة استعطرت ، فمرت على قوم ليجدوا ريحها فهي زانية ، وكل عين
زانية" صححه الألبانى
البرفان ده تبرج ، و المكياج تبرج ، و الأوصة تبرج ، أى حاجة بتظهر زينة المرأة تبرج ،
والإختلاط تبرج
"قوم ليجدوا ريحها فهي زانية" و قال رسول الله صلى الله عليه وسلم "لا يقبل الله من امرأة صلاة خرجت إلى
المسجد وريحها تعصف حتى ترجع فتغتسل" …"وريحها تعصف" يعنى البرفان بتاعها ، برفان عاصف ، برفان صارخ
الرسول صلى الله عليه وسلم سمى المتبرجة منافقة !!!
قال رسول الله صلى الله عليه وسلم : "شر نسائكم المتبرجات المتخيلات ، و هن المنافقات لا يدخل الجنة منهن إلا
مثل الغراب الأعصم" صحيح
التبرج من الكبائر
لما أميمة بنت رقيقة جت تبايع النبى صلى الله عليه وسلم بايعها على إيه ؟ قال لها : "أبايعك على أن لا تشركي بالله
شيئا " مافيش كفر "ولا تسرقي ، ولا تزني ، ولا تقتلي ولدك ، ولا تأتي ببهتان تفترينه بين يديك ورجليك ، ولا
تنوحي" اسمع و إسمعى يا أختى "ولا تتبرجي تبرج الجاهلية الأولى" حسن
مطرودة من رحمة ربنا !
الرسول صلى الله عليه وسلم قال : "العنوهن" يعنى مطرودة من رحمة ربنا ، يعنى يوم القيامة فى وسط العطش و إنتى
هتموتى من العطش عايزة مية من إيد النبى صلى الله عليه وسلم ممنوع ليه ؟! أصل دى رحمة وإنتى مطرودة من
الرحمة ، هتموتى من الحر عايزة وقفة فى ظل عرش الله ممنوع ليه ؟؟ أصل دى رحمة وإنتى مطرودة من الرحمة
ده إنتى هتدخلى تعرضى على ربنا إزاى ؟
تتميزى فى أرض المحشر !!! يعرف الجرمون بسيماهم فيوخذ بالنواصى والاقدام }الرحمن 41 هتدخلى تتعرضى على ربنا كدة إزاى ؟! هتروحى تشربى من إيد النبى صلى الله
عليه وسلم من حوض النبى صلى الله عليه وسلم إزاى ؟ هيشوفك هيقولك :"سحقا سحقا لمن بدل بعدى" رواه مسلم
فإلحقى اركبى فى قطر التوبة قبل أن ينفذ هذا القطار
هل يستويان
واحدة كحلت عينيها بواحدة غطت عنيها ؟! واحدة كحلت وزوقت شفيفها وخدودها بواحدة غطت شفايفها
وخدودها ؟! واحدة وشها طاهر نقى ماء الوضوء هو اللى غسله مافيش أى مكياج عليه بواحدة حاطة مكياج
صارخ حطة حوالى 15 و الا 10 أنواع مكياج فى وشها ؟! لو عدناهم هنلاقيهم فوق العشرة ! هل يستويان ؟
{فاى الفريقين احق بالامن}الانعام 81
شروط الحجاب الشرعى السليم
1
.الإيشارب بتاعك يكون طرحة سابغة تغطى حوالى نص جسمك يغطى النص الفوقانى ، يا جماعة مش شرط لما
بقول خمار مش شرط صورة الخمار اللى إحنا بنشوفها ، لو لبستى المواصفات اللى أنا بقولها هتبقى إنتى إن شاء الله
محجبة
2. ميبقاش مخرم ومثقوب ! ميبقاش إيشارب صغير وتدخليه من جوة الهدوم ! و جزء من صدرك يبان ! ميبقاش
مطرز ميبقاش الوان الطيف !
3. العباية عارفة اسدال الصلاة اللى إنتى بتلبسيه ؟ اهى دى بالظبط ، إنتى واقفة بين ايدين ربنا بإسدال الصلاة
وإنتى واقفة بين ايدين ربنا وإنتى فى الشارع نفس اسدال الصلاة
ربنا سبحانه وتعالى بيقول " وليضربن بخمورهن على جيوبهن
الأحزاب: 59
جلابيبهن مش تونيك و الا بنطلون و الا بلوزة ، جلابيب جلباب عباية عباية واسعة سابغة ، هو ده
اللبس بتاعك
"لا تصف ولا تشف" يعنى إيه ؟ "لا تصف" يعنى مش مبينة و لكن معرفة الناس ملامحك ، يعنى بتبين ملامح جسمك
من تحت ، طب يعنى إيه "لا تشف"؟ يعنى بتظهر ، يعنى زى الشيفون كدة مبين اللى تحته والعياذ بالله
كإن المرأة ماشية عارية فى الشارع !
الرسول عليه الصلاة والسلام أهدى الى أسامة ثوب تقيل ، فلما لقى سيدنا أسامة ملبسوش قاله :" مالك لم تلبس
القبطية" حسن فقال :" كسوها امرأتي " ، الرسول قاله :"مرها فلتجعل تحتها غلالة" حسن الثوب الكثيف ده تلبس
تحته ثوب تانى ، شوف الرسول قال إيه ؟ شوفى كلمة رسول الله عشان تعرفى شروط الحجاب من لسان رسول الله
صلى الله عليه وسلم : "فإني أخاف أن تصف حجم عظامها" حسن
أنا خايف تبين حجم عضمها من تحت الهدوم ،
يعنى إيه؟ يعنى الجلباب ده العباية دى ميعرفش اللى يبصلك إنتى تخينة و الا رفيعة ؟ شرط يا جماعة
4. يعنى عشان أكلمك بصراحة من عند الصدر من أعلى ميبقاش واسع ، طب الوسط ؟ مافيش وسط ، مافيش
حاجة اسمها وسط للعباية اللى إنتى لبساها ، ووسط دى يبقى إنتى دخلتى فى تفصيل الجسم
والطول بتاعه ؟ طويل بحيث إنك لو قعدتى جزء من رجليك ميبنش ، طب ألوإنه ؟ إلبسى اللون اللى إنتى عايزاه
ولكن إياكى و الالوإن اللى هى داخلة فى بعضها و الحاجات الغريبة والكاروهات ! إياكى وهذه الألوإن العجيبة
وحاجات ملفتة تخطف عين أى حد يبصلك
مفسدات الحجاب
1. البرفان ، العطر 2 . المكياج بكل أنواع المكياج بما فيه المونيكير 3. الكعب العالى
التلت حاجات دول مفسدات للحجاب ، يعنى متبإيش عاملة زى اللى صامت لغاية العصر ! مينفعش لازم تكملى
للمغرب ، صلت الضهر ركعتين ! مينفعش لازم أربع ركعات ، حجاب شرعى كامل
درجات الحجاب
ياجماعة تلت درجات : فى حجاب المرأة الصالحة ، و فى حجاب المرأة المصلحة ، و فى حجاب المرأة السابقة حجاب
المرأة الصالحة : اللى هتلبسى عباية واسعة ، و هتلبسى ايشارب كبير وواسع ميبينش جزء طبعا من مقدمة شعرك
ابدا ، و اللى هيشوفك هيقول دى بنت محترمة و بنت ملتزمة ده حجاب الصالحة
النقاب شرف ليكى
أنا دايما بقول يا خمار يا نقاب ، إنما خدوا بالكوا النقاب ده يعنى زوجات النبى صلى الله عليه وسلم كانوا لابسين
إيه ؟ نقاب ، بنات النبى كانوا لابسين إيه ؟ نقاب ، زوجات الصحابة كانوا لابسين إيه ؟ نقاب ، بنات الصحابة
كانوا لابسين إيه ؟ نقاب
…النقاب اللى فيه تقوى لله سبحانه وتعالى ، النقاب الشرعى ، النقاب السليم ، نقاب أمهات المؤمنين رضوان الله
عليهم
الحجاب … الإحتجاب عن الرجال
حجاب السابقات : اللى هى تحجبت لبسا : لبست اللبس اللى إحنا قولنا عليه الخمار أو النقاب الكامل ، و
تحجبت سلوكا ومعاملة و اختلاطا ونظرا : مش تمشى تكلم الأولاد فى الجامعة ، الحجاب إنك تحتجبى عن الأولاد ،
تحتجبى عن الرجال سواء فى المعاملة أو فى الزى ، مش بس إنك إنتى تغطى …لا …الحجاب هو الإحتجاب ،
طب
ليه خير صفوف النساء آخرها فى الصلاة ؟ لإنها أبعد الصفوف عن الرجالة ، و ليه شر صفوف النساء أولها فى
الصلاة ؟ لانها أقرب الصفوف من الرجالة
طيب انا مش قادره
خدى أسبوع أعملى فيه التالى :
1.روحى صلى ركعتين توبة ، وكل يوم تصلى ركعتين توبة ، وتدعى ربنا بتضرع فيهم إنه يعينك على نفسك
2. تسمعى كل يوم شريط عن الجنة والنار علشان قلبك يتزلزل معاهم
3.استلفى يعنى نقاب أو خمار كامل من واحدة صحبتك واقفلى على نفسك الأوضة والبسيه ، البسى كدة نقاب
كامل ووشك صافى ما فيش فيه مكياج ولا حاجة ، واقفى قدام المرايا مش حاسة إنك فرحانة ؟ مش حاسة إنك
نضيفة كدة ؟ مش حاسة إنك طاهرة وعفيفة ؟ مش حاسة إنك بتقربى من ربنا ونفسيتك بتنضف وبتتطهر وبتطلعى
؟ مش حاسة إنك عايزة تكسرى الدنيا وعايزة تتقربى من ربنا أكتر وأكتر ؟ هتحسى بإحساس عمرك ما حستيه فى
حياتك مش هيهون عليكى إنك تقلعيه تانى بعد ما دوقتى جماله أول مرة
إبعدى عن صاحبات السوء لإن كلمة منهم تضيعك ، ابعدى عنهم تماما يا أختى ، ده أخطر قرار فى حياتك ده
الرسول صلى الله عليه وسلم لما بايع المرأة إشترط فى البيعة الأول عدم التبرج ، دى ألف ب دخولك الدين ، ده
إنتى كل المطلوب منك فى دينك تلت أربع حاجات ، أما تضيعى الحجاب بقالك إيه فى دينك ؟!
يا أختى فى الله اوعى تستهينى بكبيرة التبرج ، أنا عايز أفكرك تانى إن الرسول وصف المتبرجة بإا منافقة وإا ملعونة
وإا زإنية وإا من جند الشيطان
"المرأة عورة ، وإنها إذا خرجت من بيتها استشرفها الشيطان ، و إنها لا تكون أقرب إلى الله منها في قعر بيتها"
صححه الألبانى
انطلقى إلى الله وكونى بطلة
وبعد ما تلبسى الحجاب الشرعى السليم ده بإذن الله كدة وتترلى وتحسى إن ربنا فتح عليكى ، ونزل من خزائن
الهداية على قلبك ، وأنار ليكى صدرك وقلبك ، وتحسى ياه يا رب كرمتنى أوى الحمد لله ، يبقى لازم حياتى تتغير
بعده ، لازم أبقى أحسن ولازم أبقى أكثر جدية فى الدين ، ولازم أبقى أكثر تقدم إلى الله مدام يا رب إنت منيت
عليا المنة العظيمة دى أنا هكون شاكرة ليك طول عمرى ، تشكرى ربنا ، و تغيرى حياتك ، العقبة وهى عدم
الحجاب اللى كانت فى وشك خلاص زالت بفضل الله سبحانه وتعالى
يعنى أنا عايز أقولكم دلوقتى يا جماعة يعنى إحنا فى درس
"تقدر تبقى بطل"
و"تقدر تقول لا"
بفضل الله فى ناس أبطال
خرجت ، فيه شباب كان عندهم معاصى ضخمة كبائر هيقعوا فيها حسموا العلاقة بينهم وبينها بفضل الله سبحانه
وتعالى ، فيه ناس خدت خطوات جدية المرة اللى فاتت ، هنخرج الليلة بكام بطلة ؟ هنخرج الليلة بكام واحدة
تقدر تقول لا ؟ هنخرج الليلة بكام واحدة تقدر تبقى جبل فى الصمود والثبات وتقدر تستعلى على شهواتها وتقدر
تستعلى على وساوس الشيطان فى قلبها ؟
ده لما بيحبوا يتجوزوا بسرعة بعد ما يتأخروا فى الجواز
بيلبسوا النقاب ، ده إنتى بإذن الله إنتظرى فتوح ربنا وعطاءات ربنا عليكى لما تبقى كدة فعلا جندى من جنود
الدين ، لما ترفعى راية الالتزام كده وإنتى ماشية فعلا لبسة الحجاب الشرعى السليم
والسؤال اللى إنا بدأت بيه أول هذا الدرس بعيده مرة تانية على كل أخت موجودة معانا وكل أخت فى الدنيا كلها
يا رب يصل ليها يعنى هذا النداء
مستنية إيه يا أختى؟
مستنية إيه ؟
والله من وراء القصد وهو يهدى السبيل
الفقيرة لله تعالى الفقيرة لله تعالى 240564_21.gif فتكات غالية قوي Fatakat 240564 الظلم – غابه اسمها الدنيا