ازيكــــم يا زهـــرات عاملين ايه؟ يارب تكــونوا في احسن حــال
أنـا النـهاردة هقولكــوا على الطــرق الي تحســني بيها مزاجــك
والطــرق دي أنا ناوية أجربها
1- خدي حمــام: انا عارفــة انك ممكن تكوني خدتي حمــام الصبح بـس لما تاخدي حمـام لطيف بعد الظـهر
هتحســي بانتعــاش وهتحسي على الأقل انـك نظيـــفة (خدي بالك ما تغسليش شعرك كتير عشــــــــان
مـــــيـنشفش-يعني خدي شاور من غير ما تغسلي شعرك عادي البسي شاور كاب أو اتجنبي ان الميــه
تيجي عل شعرك).
2- اتصلي بأصحابك: ارفعي سماعة التليفون واتصلي بأصحابك وأكيد لما تتكلمي مع أصحابك هتضحكي
معاهم وهتفرحي (بس حاولي تتصلي في وقت مناسب)
3- نظمي أغراضك: أحيانا الفوضى ممكن تخليكي تحسي بالاكتئاب والإرهاق
ابدأي بغرفة أو مكان كل مرة، لما تحطي كل حاجة في مكانها هتخف الأعباء
وترجع الابتسامة
4- ممارسة التمارين الرياضية: مش لازم تروحي الجيم أو النادي، ممكن
تتمشي تحت وتشمي شوية هوا
5- حطي أهداف صغيرة: أحيانا لو قسمنا حياتنا لمهام صغيرة،
هنبقى مبسوطين بانجازتنا الصغيرة
6- اتكلمي مع أفراد عائلتك: اختاري حد زي بنت خالتك أو أختك وعبري ليه عن حبك أو تقديرك ليه كونه جزء من حياتك أو قولي له مزحة أو حاجة تدخل السرور إلى قلبه
7- خذي نفس كبير : دي حاجة بسيطة. غمضي عينك وخذي نفس بطيء عن طريق الأنف بعمق. احبسي نفسك ثوان وخرجي الهوا ببطء من فمك. كرري العملية دي 5 مرات.
8- اعملي أعمال تطوعية: انتي ممكن تقولي أنا مـــعنديش وقت بس أكيد عندك ساعتين ، تلاتة عشان تعملي فرق في حياة انسان
في جمعيات كتيرة ممكن تتطوعي أو تتبرعي فيها زي جمعية رسالة
(في برنامج اسمه "رسالة خير" على نجوم اف ام 100,6 ده برنامج عن جمعية رسالة فــــ مرة بعت رسالة اس ام اس على رقم 1006 من موبايل بابا "أنا جيهان عندي 11 سنة نفسي أتطوع في جمعية رسالة.. ممكن لسني" فـــ أحمد شعلان (مقدم البرنامج) قرأ رسالتي وقال ممكن طبعا وفيه في الجمعية نشاطات وكورسات وحاجات كتير حلوة لسنك ممكن تستفسري على رقم 19450 وتعرفي أقرب فرع ليكي)
يا رب يكون موضوعي أفادكم
وشكرا على المرور
PissyMissy PissyMissy 736722_1.gif فتكات متميزة Fatakat 736722 القاهرة – مصر