كتير مننا بيعاني من مشكلة الأرق، واللي بيصاحبه في أوقات كتير قلق وغضب، بالذات لما يكون عندك شغل تاني يوم ومش قادر تنام. علشان كده بنقدم لكم مجموعة نصايح تساعدكم في التغلب على الأرق.وياسلام لو هتقومى تصحى ابنك او زوجك وتنامى بليل متاخر وتقومى بردو متاخر هههههههههههههههه
1- لا لكل المنبهات
ابتعد تماما عن كل المنبهات قبل معاد النوم بست ساعات على الأقل، وتدخل الشيكولاتة والشاي والقهوة والبيبسي وكل ما يحتوي على مادة الكافيين في قائمة المنبهات، لأنك بسببها تصبح فريسة سهلة جدا للأرق.
2- تاكل إيه قبل النوم
فيه بعض المشروبات والمأكولات اللي بيكون لها تأثير مهدئ على الجسم، واللي هتساعدك في الحصول على نوم هادئ لو تناولتها قبل النوم بساعة أو اتنين، ويعتبر اللبن وخصوصا لو كان دافي من المشروبات المهدئة واللي بتساعد على استرخاء الأعصاب وتهدئة الجهاز العصبي، وكمان الأعشاب الطبيعية على اختلاف أنواعها، خصوصا الينسون والقرنفل وعصير التفاح، ومن المأكولات المهدئة للجهاز العصبي المكسرات على اختلاف أنواعها، والجبن خفيف الدسم.
3- معاد ثابت
حدّد لنفسك موعد يومي ثابت للنوم تكون فيه على السرير مهما كانت الظروف والإغراءات، وحدّد موعد آخر ثابت للاستيقاظ والتزم به مهما كنت متعبا ولم تحصل على كفايتك من النوم، النظام ده هيعوّد جسمك على النوم في أوقات محددة.
4- غادر السرير
إذا ماقدرتش تنام بعد ثلث ساعة من دخولك للسرير قوم وماتستمرش في محاولاتك للدخول في النوم، ممكن تروح غرفة تانية أو تدخل البلكونة، لأن وجودك الطويل في السرير كفيل إنه يتسبّب لك في صداع سريع من ناحية، ومن ناحية أخرى بيخلّي الأفكار والهموم والمشاكل تتسلل لرأسك فيهرب النوم تماما.
5- السرير للنوم وبس
في أوقات كتير بندخل للسرير قبل النوم بساعتين أو تلاتة، علشان نقرأ أو نفتح النت من اللاب توب، أو نتكلم في التليفون، كل الحاجات دي بتبعدك عن الاستعداد للنوم، والأفضل إنك تقرأ أو تعمل أي شيء تريد إنجازه قبل النوم خارج غرفة النوم أساسا، وتدخل غرفة النوم في وقت إحساسك الشديد للنوم.
6- الصوت الهادئ
حاول يكون المكان اللي بتنام فيه مكان هادي قدر الإمكان، وممكن تساعد نفسك على الاسترخاء بإنك تسمع قرآن أو تسمع موسيقى هادية.
7- دش دافي
حصولك على دش دافي قبل النوم بنصف ساعة هيساعد عضلات جسمك على الهدوء والاسترخاء بعد يوم طويل وصعب، وهيخلّي جسمك أكثر قدرة على الاستفادة من ساعات النوم اللي هتحصل عليها حتى لو كانت قليلة.
ومهما كنت مجهدا من يوم شغل طويل حاول تتعوّد على إنك تاخد دش دافي قبل النوم، لأن له فوائد كتيرة لتنظيم النوم وتنشيط الدورة الدموية في الجسم.
موضوعى خلص ياااااريت ماتنسونيش فى التقييم والمشاركات ويارب الموضوع يعجبكم
dead love dead love 284544_8.gif سوبر فتكات Fatakat 284544 الاسكندرية – مصر