فتــــــــــوكاتى العسولات
جبتلكم إنهاردة طريقة كبدة إسكندرانى ولا أروع هههههه (نظام إعلانات)
والله لما تجربيها هاتكالى صوباعاتك وراها
المقادير
1 كيلو كبدة عصافيرى (متقطعة صغنن جدا ياعنى)
بصل وفلفل رومى وفلفل حار لو تحبي
(أنا باحب أكتر البصل والفلفل الرومى وأنتى زى ما تحبي )
ليمونة متوسطة
3 فصوص ثوم كبار
ملح فلفل أسود كمون
مستردة
زيت أو سمنة(طبعا أنا باحط زيت عشان تكون خفيفة)
وعملت طحينة
مقاديرها
1كوب زبادى
2ملعقة مايونيز
كمون وملح وفلفل أسود
ليمون
خل
وطبعا الطحينة
نيجى بأة لطريقة العمايل
خاليكى مع الصور
أولا جبت الكبدة وغسلتها بماية ونقطة خل
وخاليتها تتصفى
وحطيت الزيت يسخن شوية على النار وحطيت البصل متقطع جوانح
وبعدين شوحته شوية لحد مابدأ يدبل وبعدين حطيت الفلفل الرومى
عقبال ماياخدوا تشويحة على النار
كانت الكبدة أتصفت حطيتها على البصل والفلفل
وتقليبيها كويس وتحطى عليها توابلك وملحك وفلفلك وبابا غانوجك 
وتسيبيها على نار متوسطة حوالى 10 دقايق وتقلبيها كل شوية
وبعدين لما يكون ناقص دقيقتين وتقفلى تحطى المستردة واللمونة والثوم
وتسبيهم يتشربوا مع بعض على نار هادية الدقيقتين اللى قولنا عليهم
ودى لما خلاص إستوت
ودى صورة الطحينة
ودول مع بعضهم كلهم
وألف هنا وشفـــا عليكم كلكم
وتقبل الله منا ومنكم صالح الأعمال
ماتنسوووووووووش التقييم
هازعل جدا
وطبعا ماتنسونيش من دعوة صالحة حلوة
ليا ولزوجى وأولادى
بحبــــكم فى الله
مواضيع هذا القسم برعاية
نورا عطية نورا عطية 2205_1.gif فتكات رائعة Fatakat 2205 القاهرة – مصر