بسم الله الرحمن الرحيم
انا انهارده بقي جايبه لكم اكله مش جديده بس بطريقه مختلفه
الموضوع جاهز من فترة من ساعة ما انا نزلت الموضوع ده
https://fatakat.univanet.com/#5077712
لان الموضوع ده مرتبط بالموضوع اللي فات هاقولكم ليه لان المخ اللي في راس المعزة كان صغير واحنا خمس افراد
3 عيال واب وام وانتم عارفين ان مخ المعزة صغير وانا مش بحب ااكل حاجه لوحدي لااااااااااازم ادوق زوجي وعيالي وخصوصا لو مخ لاني مش بعرف اشتريه نهائي من الجزار اللي بيدبح العجول دايما الناس بتشتريه
المهم قلت اجرب اعمله قرص واضيفله بعض الاضافات علشان يكفينا ويبان كبير
جيبت المخ تبلته بكزبرة وكمون و3 فصوص ثوم مهروسين وملح وشطه
بعد 10 دقايق قطعته قطع صغيره
جيبت بيضه كبيره متبله بالملح والفلفل الاسود والكزبرة والكمون وضيفت عليها 3 ملاعق دقيق كبار وحبة ميه وضربتهم في بعض
بعد كده هانحط المخ فالخليط السابق مع التقليب
ونحضر طاسه وفيهاملعقتين زيت
]
او ل مالزيت يسخن نحط الخليط اللي عملناه بالمخ ونهدي النار شويه نخليها متوسط
اول ما يحمر نقلبه عالوش التاني
وبعد كده هايبقي عندك احلي قرص مخ
قطعته كده وبقيت بحط كل قطعتين في نص رغيف والحمدلله
لو عملتي الطريقه بمخ العجل هايطلع قرص اكبر بكتييير لان مخ المعزة صغير اوي
بتمني موضوعي يعجبكم مواضيع هذا القسم برعاية
التفاح الاخضر. التفاح الاخضر. 955004_6.gif فتكات رائعة Fatakat 955004 ارض الله الواسعه – مصر