السلام عليكم ورحمة الله وبركاته
الحمد لله احنا وصلنا للجزء التاني بعد جهد جهيد هههههههههه
ليه بقى عشان اللي اشتركوا معانا ما استمروش وصفصفت على تلاتة بس
الحمد لله احنا ماشيين تمام
وملتزمين في الريجيم
……………………………..
الريجيم عبارة عن تخفيف للاكل مع شوية حاجات تساعد في تنزيل الوزن
-اول حاجة معلقة او اتنين زيت زيتون على الريق …
وده بيساعد على تنزيل الدهون سبحان الله هو دهن بينزل الدهون وكفايه انه سنه عن النبى عليه الصلاة والسلام
والفكرة دي احنا اخدناها من فتوكة هنا وده لينك الموضوع بتاعها
سحر زيت الزيتون للتخسيس مع عيووووووووووشه الجزء الخامس(قولو ماشاء الله)
https://fatakat.univanet.com/#4058891
– تاني حاجة بقى هو المشروب الحارق بنشربه من مرتين لتلاته في اليوم وممكن تستبدليه باي اعشاب بتحبيها بس من غير سكر
المشروب الحارق : عباره عن معلقة قرفه + 1/2 معلقة جنزبيل +معلقة كمون +1/2 لمونه بقشرها
– تالت حاجة ممكن نساعد نفسنا بشوربة الكرنب وده لينك الطريقة
https://fatakat.univanet.com/#3425621
بنشربها لما نجوع بدل ما ناكل اكل يتخن
بالنسبة للمسموح كل حاجة مسموحة بس بكميات قليلة ونحاول نبعد عن المقالي والحلويات واي اكل سمين .. ونكتر من السلطة والخضار الطازج والفواكه والمشروبات السخنة (يانسون جنزبيل قرفة بردقوش شمر وعلى فكرة الشمر بيشد الجسم وبيمنع الترهلات)
__________________________________________________
نظام الاكل بقى
فطار
بعد تلات ساعات سناك
بعد تلات ساعات غدا
بعد تلات ساعات سناك
بعد تلات ساعات عشا
ونحاول نوقف اكل قبل النوم ب 3 ساعات على الاقل
السناك بقى ممكن يكون : ثمرة فاكهة او اي نوع خضار ممكن شوية فشار او فول سوداني او لوز
قطعة كيكة سادة اد علبة الكبريت قطعة شوكولاته (بس دي مرة كل 10 ايام )كوباية عصير باكو بسكوت …
النشويات بقى يا ريت ما تزيدش عن رغيف ونص طول اليوم ده لو مفيش مكرونة او رز يعني بمعدل نص رغيف في الوجبة
بالنسبة للرز والمكرونة من 5 ل 6 معالق بس مع شوية من اي نوع طبيخ
بالنسبة للبروتينات ممكن ربع فرخة (نص صدر) او سمكتين مشوية او 3 قطع لحمة من غير دهن حجم متوسط ……
___________________________________________
بس كده الحاجات التانية ناكل منها بس كميات صغيرة دايما نعمل كف ايدنا هو المقياس الكف من غير الصوابع اكيد يعني لو هناكل حتة بيتزا مثلا قطعة عجة اي نوع معجنات كده يعني ….
________________________________________________
بالتوفيق لينا وليكم ويا رب تستفادوا من الموضوع
واكيد باحب اشكر اخواتي (فتوكة 2024 و dode2121) عشان انا لوحدي ما كنتش هالتزم كده وصراحة احنا مشجعين بعض على الالتزام .
……… وانا من مكاني هذا باقولهنَ "اني احبكنَ في الله " ……….
………………………………………….. ………………………………………….. …..
ام يارا ولارا ام يارا ولارا 668967_6.gif فتكات ست الكل Fatakat 668967 الاسكندرية – مصر