السلام عليكم ورحمة الله وبركاته
**نبدأ كلامنا بالصلاة على النبى المختار**
(عليه افضل السلام واتم التسليم)
ندخل بقى بالمفيد اللذيذ الا وهو الفراخ المحشية
دول بقى أربع فرخات حلوين وصغننين ومتنضفين ومغسولين
ودى بقى المقادير اللى هنشتغل بيها
(2كوب ارز مغسول ومنقوع نصف ساعه-كبدة+قوانص طبعا نظيفه ومتقطعه صغير-3بصلات نقطعهم صغير-ملح-فلفل اسود-زيت ذرة)
—————————
يلا بقى على الطريقه
اول حاجه نجيب حله ونضع فيها الزيت والبصل زى كده
نشوحها شويه وبعدين ننزل بالقوانص
نشوحهم شويه وبعدين ننزل بالكبده ومعاها ملح وفلفل اسود
نقلبهم كويس وبعدين نوطى عليهم النار ونسيبهم شويه
نصفى الارز ونضيفه عليهم وكوبين ماء ولما يتشرب نسيبه يستوى على نار هاديه
شوفتى شكله عامل ازاى مفلفل وجميل
بعدين نجيب فرخة ونحشيها من الرقبه ومن جوة ومن تحت الجلد ونكتفها التكتيفه المتينه
زى كده وبعدين نكون مجهزين مايه بتغلى ونحط فيها ورق لورى وحبهان وملح وفلفل وننزل فيها الفراخ بس خدى بالك مش هتاخد سوا علشان زى ما انتى شايفه الفراخ صغنونه نونو
وبعدين اطلعها واسخن الجريييييل واشوى اشوى اشوى
ياسلام على الريحه الحلوة اللى مجننانى
يلا بقى يا حلوين عاوزة 5شمعات منورين
استاهل ولا لآ…………
اتركم فى رعاية الله وأمنه
مواضيع هذا القسم برعاية
منافسه&حب منافسه&حب 911770_2.gif فتكات رائعة Fatakat 911770 cairo – ام الدنيا
سبحان الله و بحمده