السلام عليكم ورحمة الله وبركاته
انا يا بنات عندى هرمون الحليب مرتفع شوية 33
والدكتورة كاتبتلى على دوستينكس نص حبة يوم ويوم لمدة 8 ايام
انا دلوقتى أخدته من اليوم السادس فى الدورة ودلوقتى انا فى اليوم ال18
وبدأت آخد من اليوم ال 16 دوفاستون
المشكله انى بقيت بحس بأعراض غبيه شوية ما كنتش بحس بيها اول ما بدأت آخد العلاج
الأعراض هى نغزات فى بعض الأوقات فى الرحم او على الجانبين
وعندى اعزكم الله غازات كتير رغم انى أكلتى ضعيفة ومش باكل حاجة غلط
وكمان امساك فى احيان كتير وبطنى منفوخة
وامبارح جسمى كان هلكان خالص وضهرى وبطنى من تحت بيوجعونى على فترات
ولما باجى آكل أكلتى بقت ضعيفة وبحس بامتلاء من اى حاجة بسيطة رغم اننا فى صيام
وكنت بجوع لما برجع من التراويح دلوقتى بفضل لغاية السحور وبآكل بالعافية
انا دلوقتى عايزة اعرف هل الأعراض دى بتحصل فعلا مع الدوستينكس ولا لأ ؟؟؟
انا بصراحة قلقانة يكون فى حمل وانا باخد العلاج دا ويحصل لا قدر الله حاجة وحشة
معلش انا توهتكم انا عايزة اعرف
1 / هل الأعراض دى طبيعية علشان العلاج ؟؟
2 / هل فى ضرر لا قدر الله لو كان دا حمل وانا بأخد الدوستينكس مع العلم انى مش هاقدر اعرف
لو فى حمل غير آخر رمضان لأن البريود بتاعتى خلصت اول رمصان .
وأخيرا ادعولى بالله عليكم فى الشهر الكريم دا ان ربنا يكرمنى بالحمل السليم المعافى
وكل مشتاقة يااااااااااااااااارب
دولسى ميدو دولسى ميدو 510017_2.gif فتكات رائعة Fatakat 510017 بعيد عن مصر حبيبتى – فى الغربة