السلام عليكم الاول
هههههههههه اولا اللي خلاني اكتب الموضوع ده اني مش عارفة اعيط ولا ابطل الضحك الهيستيري ده !!! انا عملت جررررريمة في المطبخ النهاردة ..بصوا بقى انا عملت فيها اني واحدة مفيش زيها وقلت لماما اني هطبخ لبكرة واسيب الاكل في التلاجة (علشان بتشتغل وكده وانا لسة متخرجة وقاعدة )
المهم اتفقنا اني اعمل رز بشعرية (اول مرة اعمله اصلا) وفاصوليا خضرة من بليل اللي هو من شوية وفراخ بانيه دي متبلة جاهزة بكرة نعملها
المهم قالتلي تحمري الشعرية في السمنة ومتسيبيهاش لاتتحرق وتنزلي الرز تحمريه عليها وبعدين المية
انا بقى خفت الشعرية تتحرق واتاريني كنت موطية النار اووووووي حطيت الرز بعدها على طول والنتيجة
لا ومن ذكائي قلت بقى لازم الرز يتحمص شوية في الاخر علشان يدي لون اصفر (اي هبل وخلاص علشان الجيريمة اللي عملتها دي ) وطلعت النتيجة رز محروق من برة وجوة الرز والشعرية نفس اللون ههههههههههه مش قادرة ابطل ضحك على شكلها لولا اني مش بعرف احط صور على فتكات كنت حطيتها
طب سؤال لولبي تفتكروا لما ماما تصحي هتتصدم؟؟؟؟؟؟؟
مواضيع هذا القسم برعاية
noora.elnahas noora.elnahas 552038_1.gif فتكات هايلة Fatakat 552038 القاهرة – مصر