صباح الخير يافتوكات
انا عاملة الموضوع ده ومنزلة صور حاجات من جهازي علشان تستفيدوا
هحطلكم صور الحاجة وكتبلكم سعرها وجبتها منين اوك
وبااذن الله كل مااجيب حاجة هوريلكم شكلها وهقولكم جبتها منين وبكام
وده رابط الجزء الاول
https://fatakat.univanet.com/#p88096932
ملحوظة نونو :
بعض الصور يابنات مش انا اللي مصوراها انا الحاجات اللي ببقى جايباها وبلاقي بنات من هنا في المدونة جايبة زيها فباخد الصورة وبحطها بدل الصورة اللي عندي لان الكاميرا بتاعة موبايلي وحشة ومش هيبان منها الحاجة اوي
عموما الحاجة اللي انا مصوراها هقولكم عليها والحاجة اللي واخدة صورتها من فتكات بس انا جايبة زيها هقولكم برده اتفقنا
يالا نرجع لمرجوعنا وندخل على الصور وقولوا ماشاء الله وادعولي اكمل وربنا يتمملي بخير انا وخطيبي
ديه كوفرته تابلوه فايبر لاوندي 3 قطع جبتها من الغورية ب 250 جنيه الصورة واخداها من فتكات وبتاعتي زيها بالظبط
وديه صورتها وهي مفروشة اللي موجودة على علبتها
وده طقم كوبايا ت شوب تركي جبته منه لونين اللون اللبني ده واللون الروز
وديه صورته جبته من درب سعادة الستة ب 35 جنيه
ده مفرش قطيفة 3 قطع ماركة سنتامورا ب 170 جنيه من محلات رمسيس يوسف عطيه اللي في الازهر قبل حمام التلات
ده طقم كاسات تركي جبته من درب سعادة ب 45 جنيه والصورة ديه واخداها من هنا من فتكات وبتاعي زيه بالظبط
ديه كاسات ايس كريم بالمعلقة جايبة صورتها من هنا من فتكات جبت اتنين وبتوعي نفس الشكل بالظبط
ده طقم اطباق تسالي انا جبت الشكل ده جبت التلاتة ب 5 جنيه من واحدة كانت بتبيعهم في المترو بس بتوعي لونهم احمر
وبكده اكون خلصت يافتوكات ادعولي اكمل وربنا يقدر بابا وماما ويجيبولي كل اللي نفسي فيه ويتمملي بخير انا وخطيبي بخير ويجمعنا ببعض بسرعة
roona roony roona roony 575049_2.gif فتكات رائعة Fatakat 575049 القاهرة – مصر