ازيكم يا فتوكاتي الجميلات خالص
يا رب كلكم تكونوا بخير و صحة وسعادة اللهم آمين
قبل ما ابتدي حبيت بس اقول ان الحاجات دي منقوله للأمانه وعجبتني قلت نستفيد منها كلنا و اللي تجربها تتابع معانا النتائج ونشوف مين عمل ايه ومين وصلت لإيه
طوووويب نبتدي بقى الموضوع بتاعنا
هذه الوصفة على مرحلتين …
نعمل كريم عبارة عن :
عفص 3 ملاعق (محدش يسألني ايه ده لأني معرفش )
ملح خام 3ملاعق
خل تفاح 2ملعقة
طين بركاني 3 ملاعق (ولا اعرف ده كمان يعني هنروح مثلا منطقة البراكين ونجيب شوية طين من هناك والا ايه الله اعلم اللي تعرف تدلنا الله يكرمكم )
فارعة 4ملاعق (لا تعليق بردو )
دهن الورد ملعقة واحدة
عصير ليمون ملعقة واحدة
زيت سرو 4 ملاعق
( كل المذكور أعشاب موجودة عند العطار ) اللي كاتبين الموضوع هما اللي بيقولوا كده وربنا
نيجي بقى للعمايل
ندهن المكان بالكريم ونغطيه بالنايلون ونتركه على الأقل ساعتين (اعتقد كمان ممكن نلف نفسنا بورق البلاستيك بتاع الأكل)
ثم ندلك المكان بطريقة دائرية وبقوة حتى يحمر الجلد
ثم نشطفه بالمية
المرحلة التانية ان ان ان تششششش (موسيقى تصويرية لزوم السسبنس يعني )
ندهن الجسم بالزيوت الآتية ( موجودة عند العطار ) :
زيت اللافندر 5 ملاعق
زيت كافور 4 ملاعق
زيت لوز 4 ملاعق
زيت صفصاف 5 ملاعق
و ان شاء الله نلاقي نتيجة من اول مرة و اللي تجرب ماتبخلش علينا بالنتيجة يا بنانيت
منار_الطريق منار_الطريق images/lettersavatars/M_c.gif فتكات هايلة Fatakat 30975 القاهرة – مصر