السلام عليكم ورحمه الله وبركاته ….
ازيكم يا احلى فتوكات ويارب بقى حد يرد عليا المره دي ….
انا اول ما اشتركت في فتكات كان اول موضوع ليا ان نفسي اخسس صدري واستغربت ولااااااااااا رد ومع مرور الايام فهمت ليه مش رديتو على موضوع صدري عشان افتكرتوني سوسن بعيد الشر عني
والحمدلله عرفتو اني بنت وحبيتكم كتير زي اخواتي والله
المره دي هكتب الموضوع لتاني مره ونفسي الاقي حل وجواب
انا يابنات رفيعه اوي ودا بيبان من رجلي وايدي بس مشكلتي صدري كبير جدا جدا ..ومش لايق على جسمي نهائي ومحرومه البس كب ودا عاملي عقده نفسيه وتفكيري بس اني لما اتجوز هعمل تصغير صدر وطبعا دا غصب عني لاني جربت كل حاجه وروحت لدكتور وقالي اعملي 12 جلسه ولو منفعتش حلك الوحيد عمليه تصغير ومش انصحك بيها دلوقت الكلام دا من 3 سنين وفعلا الجلسات مجبتش نتيجه وخسرت فلوس على الفاضي
فكرت لما انزل مصر اشتري كريم مضمون وطبيعي بس برده خايفه لان كل الكريمات دعايه على الفاضي ومش بتجيب نتيجه.
فكرت في حل اخير ان الدكتور اللي روحت عنده اخر مره عنده جيم في العياده وعنده الات رياضيه كتير طبعا انا لو روحت مش هلعب كل الاجهزه لاني رفيعه ونفسي اتخن فكرت بس العب جهاز الصدر وممكن البطن مع اني معنديش كرش بس نفسي اشده
سؤالي بقى ومعلش اني طولت عليكم هل التمارين الرياضيه للصدر بتخسس فعلا لو انتظمت عليها وهل لو تركتها صدري هيرجع تاني وهيكون عندي عضلات وجسمي يبوظ خايفه بجد ابوظ جسمي
ولا بلاش تمارين وارضى بالامر الواقع لحد ما اتجوز وبعديها اعمل عمليه التصغير مع العلم نفسي اعملها دلوقتي بس ماما وبابا استحاله يرضو مع ان خطيبي رضي بالعافيه بعد ما اقنتعه وقالي بعد الجواز هخليها تعمليها ..
بنات عايزه اوضح حاجه ضروريه انا عايزه اخسس صدري لسببين والبنات اللي صدرها كبير اكيد هتحس بكلامي اول سبب انا ضهري مبقتش قادره منه تاعبني على طول وديما محنيه ضهري وشكلي جالي قتب وغير نغز جامد في صدري من كبره تاني سبب عشان شكلي طبعا لان وزني 45 كيلو واكتر وزني في صدري مش جسمي
ياااااااااااااااااارب تردو عليا وجزاكم الله كل خير
نورهان بنت مصر نورهان بنت مصر 297087_1.gif فتكات متميزة Fatakat 297087 مكة المكرمة – السعوديه