الحمدلله يا بنات انا حامل وعرفت اني حامل في اول رمضان وكانت الفرحه مش سيعاني والله وحمدت ربنا ان ربنا كرمني ،، وكل البيت كان فرحان وبعدين اتصلت بماما وحماتي عشان افرحهم ،، طبعا الكل كان فرحان ولله الحمد ولقيت حماتي بتقولي متصوميش عشان مش كويس وقعدت تفتي باه والاكسجين مش هايوصل للبيبي ولازم تاكلي انا طبعا اتصدمت لاني اكتر حاجه كانت مفرحاني اني هاصوم رمضان كله ،،، بصراحه قعدت تخوفني وتقولي علي تجارب اللي حواليها وان دي رخصه ومفهاش حاجه،، انا قولت هاطنش وهاصوم ده انا مصمتش غير 8 ايام بس الباقي 22 يوم اصومهم امته ،،، ماما قالتلي صومي ولو مش هاتقدري بلاش واسالي الدكتوره احسن ،،، انا حاليا في امريكا والصيام كان هنا طويل يعني من الساعه 6 ونص الصبح لتاني يوم الساعه 9 بالليل وابتدي الوقت ينقص لحد 8 في آخر رمضان ،،، طبعا روحت للدكتوره وقالتلي وقتها انتي في 5 اسابيع وقالتلي عادي صومي بس عوضي بعـ الفطار دي حتي قالتلي لما سالتها علي اني اعمل هاي لايت او اصبغ لان شعري ابتدا يبيض وكنت عايزه اعمل نيو لوك في العيد وكده قالتلي عادي جدا ومفيش مشكله ،،، طبعا انا فرحت جدا وقولت الحمدلله ربنا هايحققلي اللي نفسي فيه ،،، طبعا حماتي كل يوم تليفونات عشان افطر وماصومش وآقنعت ماما كمان وماما بقت تقولي نفس الكلام واتحولو فجآه همه الاتنين لدكاتره ده غير باه قالولي ولا هاي لايت ولا بتاع وجوزي قالي ان الدكاتره الاجانب هنا ميعرفوش صيامنا ازاي وخلينا في السليم وهاندفع صدقه وابقي عوضيهم بعدين ،،، بعد الزن والالحاح مصمتش وكنت زعلانه اوي مع اني كنت اقدر اصوم ويارتني كنت باكل يعني ده انا يادوب كبايه لبن وموزه او اي فاكهه وخلاص لاني كنت مش طايقه ريحه الاكل والله ولازلت لحد دلوقتي وعلي الفطار شويه سلطه وشوربه وقبل مانام علبه زبادي وخلاص ومكنتش قادره ابص للاكل اساسا ،،، والله يا جماعه انا زعلانه اوي اوي وحاسه اني قصرت في رمضان ده ،،، حد كان زيي كده وقت اول شهور في الحمل ،،، ويارب اوعد كل بنت بالـذريه الصالحه الي تفرح قلبها وكملي حملي علي خير وقولولي اعمل ايه في شعري اللي بيبيض ده اسيبه كده لحد بعد الولاده والله يا جماعه انا عندي حاله اكتئاب
JeeJee JeeJee فتكات هايلة Fatakat 396454 أبوظبي – الإمارات
سبحان الله و بحمده