السلام عليكم
بصو يابنات انا كنت عند دكتورتى امبارح وشفت النبض تمام
والجنين نموه كويس الحمد لله
انا ف نص التانى
وقالتلى انى عندى كيس ع المبيض الشمال لانى بيجيلى فيه الم
فقلت عادى لانه جالى ف بنتى وراح بيضمر كل لما الحمل يكبر
المهم الانفصال ف المشيمه ده ايه خطورته هى سالتنى لوة فيه دم قلتنلها لا وعطتنى دوفاستون
مثبت بس انا خايفه
انا ف غربه ولوحدى وعندى داء النظافه يعنى بمسح البيت كل يوم او يومين وانا الى بشيل السجاد مش بشيله
لا بشده بس وانقله من مكان لمكان ومبطيقش اشوف حته مكركبه
دلوقتى بقى جوزى قالى ماتعمليش حاجه ونايمه اهو ع ضهرى
ولا روقت ولا عملت اى حاجه اتغدينا امبارح والمواعين ف الحوض والسرير ماروقتوش لانى نايمه عليه
خايفه اقوم وف نفس الوقت مش جايلى تاتان اقعد كده
قلت شويه كده هقوم اروق من فوق الوش وخلاص واكنس بس
واغسل المواعين واعمل الغدا لان جوزى بييجى من شغله المغرب
قولولى بقى ايه المفروض اعمله
والى حصللها كده تحكيلى
وادعولى يابنات انا صعبت عليا نفسى قلت لو كنت مع مامتى كانت هى خدمتنى الحمد لله ع نعمتك يااارب
احفظلى جنينى انت الاعلم انا بحبه وفرحانه بيه ازاى ياااااااااااااارب
شيكامارا88 شيكامارا88 images/avatars/landscape.jpg سوبر فتكات Fatakat 149099 البلد ال فيها حبيبى هى بلدى – قلب حبيبى