ازيكم يافتوكاااااااااااااااات يا قمراااات
انا بقى متجوزه بقالى 9 شهور ونفسى ربنا يكرمنا بحمل كل شهر بيكون عندى امل بس للاسف دايما بيجيلى احباط لما تجيلى البريود
انا بقالى 3 شهور بتعالج لان عندى الاباضه ضعيفه للاسف الدكتور ادانى منشطات لمده 5 ايام مرتين فى اليوم وبعدها استنى لما اتكونت بويضه وادانى حقنه تفجير
وقالى بعد 36 ساعه يحصل جماع وحصل ورحت بعدها ب 10 ايام للكشف وقالى ان الاباضه مش عجباه وقالى استنى كمان اسبوع لو منزلتش البريود يبقى يمكن يكون حصل حمل
فانا كل يوم بدعى من ربنا ان متنزلشى وحطى ايدى على قلبى
كان نفسى بس اعرف من امتى الوحده تعرف انها حامل الدكتور قالى لو جبت اختبار الحمل المنزلى او عملت تحليل هيبانلى انه ايجابى لان الحقنه اللى اخدتها تحتوى على هرمون الحمل
انا اخدت الحقنه يوم 17 ولحد دلوقتى مش حاسه باعراض البريود ولا اعراض حمل
الدكتور بيقولى لو خسيت شويه ممكن تسهل عمليه الحمل بس اللى انا بشوفه ان فى ستات اتخن منى وبيجيبو بدل البيبي داسته واتننين
وانا مش بايدى اخس دلوقتى لانى عندى مشكله فى الغده والدكتور اتاكد من التحليل ان الغده مش مأثره على الحمل
وقالى ان التخن مش هو السبب فى التأخير
وهو قالى ان الحقنه اللى اخدتها المفروض لو محصلش تلقيح تنزل البريود بعد الحقنه باسبوعين
انا بعد ما اخدت الحقنه بكام يوم حسيت بشده فى حلمه ثدى
ووجع فى مكان المبيض وزياده فى الافرازات ووجع فى الظهر
ولما قولت الاعراض دى للدكتور قالى يبقى خير ان شاء الله
بس طلب منى استنى ويحصل جماع يوم ويوم لا
وقالى ان لازم يبقى عندى امل بس مفرحشى زياده لان الفرح الزياده والحزن الزياده بيأثرو على الحمل
او بعنى تانى بيمنع الحمل لان النفسيه لها دور قوى
ولو حد يعرف اى معلومات تفدنى ارجوكم ساعدونى وادعولى
ربنا يعطى كل محروم بحق الشهر الكريم
يارب بنوته يارب بنوته 241659_1.gif فتكات حبوبة Fatakat 241659 دورتموند – المانيا
سبحان الله و بحمده