ياااا لهوي..انتو بجد يا فتوكات بتحطوا كزبرة وبقدونس عالسبانخ؟
انا اعترض وبشدة..ما اقبلش الاجرام دة بحق حبيبتي السبانخ
يا ناس السبانخ ما بتحب المنكهات..هي رشة فلفل أسود صغيرة وبس
وانا بعمل السبانح بطريقتين.
الطريقة الاولى
انك تشوحي بصل مفروم بالزيت على النار لحد ما يدبل..وبعدين تضيفي السبانخ اللي انتي بتكوني غاسلاها كويس وفارماها وراشة عليها مية وخليتيها نزلت مية وعصرتيها..تحطيها فوق البصل اللي دبلتيه عالنار.. رشة فلفل أسود صغيرة..السبانح ما بتحب البهار..وتخليها من غير غطا..وتقلبيها كل شوية..دقايق بس ..ما تستويها زيادة..تاخديها في طبق..تعصري عليها ليمون..تاكليها بالعيش ..وتقدمي جنبها بصل اخضر وفجل.
الطريقة التانية
..تاخدي صدر الفرخة..تقطعيه مكعبات..وتشوحيه مع بصلة مفرومة وشوية زيت..ولما قريب يستوي..تضيفي له السبانخ اللي محضراها زي الطريقة الاولانية..غسل وفرم وعصر..وتضيفي حمص مسلوق وشرايح توم..ملح وفلفل..ومية سلق الحمص..ويتقدم جنبها رز مفلفل او رز بالشعيرية..ومهم اننا نعصر عليها ليمون وقت التقديم..لان الليمون فيه فيتامين سي اللي يساعد على امتصاص الحديد اللي في السبانخ..وطبعا بنقدم برضه جنبه بصل أحضر وفجل.
مواضيع هذا القسم برعاية
صادقة العهد صادقة العهد 233172_1.gif فتكات متميزة Fatakat 233172 الصدق والطيبة – أرض الله
سبحان الله و بحمده