كل سنه وكل الفتوكات طيبين
طبعا انتم عارفين ان زي كل سنه في الوقعت ده التوم بيطلع وبيكون اخضر
وفتوكات مننا كتير بيجيبوه وينشفوه
وكمان في فتوكات بيلحقوه وبيخزنوه انا عارفه ان الفتوكات شاطرين تعليم فتكات طبعا
بس انا هاقول تاني للي مش عارفين
نقول بسم الله الرحمن الرحيم
بنجيب التوم الايام دي وهو اخضر ودلوقتي الكيلو عندنا في السويس 150قرش يعني ممكن تجيبي توم السنه علي حسب احتياجك مثلا 20 كيلو ب30 جنيه شوفي بقي في ايام السنه بتجيبي الكيلو ساعات بيوصل 20 جنيه مش هاطول عليكم
بتخلي الراجل البياع يشيل الفروع الخضرا وتجيبيه وتقشريه يعني تشيلي القشره الخارجيه بس وتقطعيه بالسكينه يعني تفرفطيه وما تشيليش الطبقات اللي بالداخل لانها لسه طريه وبعدين تجيبي الكبه او مفرمة الخلاط وتحطي شويه وعليهم ملعقة ملح صغيره
لان الملح هايكون الماده الحافظه للتوم وما تخافيش الطريقه دي من موروثات جدتي الله يرحمها
خلاص فرمتيه هاتي بقي العلب البلاستيك وحطيه في الديب فريزر او الفريزر في التلاجه ولو مش عندك مكان حطي في اكياس بلاستيك وبططيها وحطيها زي ما قولتلك
الطريقه دي لو كميه كبيره هنتعب شويه بس هاترتاحي طول السنه لانه يا دوب لو محتاجه مثلا ماعقة توم بتطلعي العلبه او الكيس وتقطعي بالسكينه وتستخدميها فورا ما تستنيش لما تفك ولا حاجه وما تخافيش الملح اللي انتي حاطاه دا مش بياثر خالص علي الاكل نهائي
للراحه الكامله بقي وروقان الدماغ
ممكن بقي تعملي علبه لتتبيلة السمك اقولك ازاي
بتجيبي مقدار التوم يعني تشوفي مقدار العلبه قد ايه وتحطي ملح وكمون وشطه وكسبره ناشفه علي قد مقدار التوم يعني حسب رغبتكم العيار يعني وتقلبيهم وتحطيهم في علبه ووقت التتبيل للسمك بتتطلعي شويه علي قد السمك وتتبليه
ممكن بقي تعملي كمان تتبيله البازنجان المقلي او المخلل
كمان بتجيبي مقدار التوم وتكوني جايبه فلفل احمر سواء شطه يعني حامي او عادي وتفرميه وعليه يعني تعايري علي كل ملعقة شطه ملعقة توم وتقلبيهم وكمان تعينيه وقت الاستخدام بتطلعيه قبلها بشويق طبعا لان الفلفل هايكون منزل ميه ومتجمده ولو عندك ميكروويف ممكن تتدوبي التلج زي ما احنا بنعمل دا للبازنجان المخلل
اما البازنجان المقلي زي بتاع المطاعم المشي يعني بتجيبي كل ملعقه من الخلطه دي عليهم ملعقه صغيره بقدونس وكمون وملعقة خل بتقلي البازنجان وتحشيه وبتعصري عليه ليمون وبصل شرائح
اتمني اكون افادتكم بحاجه
وربنا يخليلي ماما يا رب اللي بتعلمني كل حاجه ويباركلي فيها يا رب
ما تنسوش التقييم يا حبايبي
مواضيع هذا القسم برعاية
dodo_angel dodo_angel 585921_12.gif فتكات رائعة Fatakat 585921 السويس – مصر